यर्मिया 3:1 - लिम्बु1 यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!” Gade chapit la |
यर्मिया 3:1
34 Referans Kwoze
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
आल्ल यहवे दाङ्बान् होसेःन्लाम् पाःप्मा हेःक्ते़ल्ले़, यहवे दाङ्बे़ल्ले़ खुने़ॽ अक्खे मे़त्तु, “कन् लाजेःल्ले़ यहवे दाङ्बे़न् नाॽरुआङ् साॽरिक् याम्बोःप्मा आप्तिक्को थ्ये़आङ् वाॽ, खे़ने़ॽ पेगे़ॽआङ् चागे़राम्मा के़त्निमाधिक् ते़न्धाम् मेःक्खिम् मे़त्ते़ॽ, खे़ब्याङ् खे़ल्ले़ चाराम्मा के़त्निमा याःम्बक् चोगुबालाम् कत्तुसिबा साहाॽ सा चोगे़से़ॽ॥”
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
यहवे दाङ्बे़ल्ले़ अक्खे पाःत्तुरो, “याम्बोःप्मा याःम्बक् के़जोःक्पासे! खिनिॽ के़रे़क् आङ्गाॽओ नुःक्खे़म्मे़ॽआङ् त्ये़म्मे़ॽओ, आङ्गाॽ खिनिॽ वेःन्ने़निङ्ॽ हे़क्क्याङ् खिनिॽ नसाःन्साबा चोःक्निङ्लो॥” खे़ङ्हाॽरे़ मे़बाःत्तुॽ, “ओरो, यहवे दाङ्बाए, आनिगे खे़ने़ॽओ नुःक्खिगे़ त्ये़ॽइगे़रो हे़नाङ्भे़ल्ले़ खे़ने़ॽ आनिगे निङ्वाॽफुमाङ्ने़रो॥
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
कुम्बारे़ कुहिम्मो वये़ल्ले़सा चे़ल्ले़क्ले़क् लॽरे़आङ् इस्राइलरे़ कुना कुसाम् थामा याःम्बक् चोगुबाल्ले़ चोगुल्ले़ खुने़ॽ कुम्बारे़ए कुहिम् लाम्धेःप्पो मे़दारुआङ् ये़क्यक्कोबा मनाहाॽरे़ लुङ्ङिल्ले़ मे़ले़प्तु मे़से़रुर॥ खिनिॽ लुम्मोबा अक्तङ्बा ताप्फे़ःम्बा पाःन्निन् खे़त्ताम्मे़ॽ॥
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
Piblisite