यर्मिया 29:32 - लिम्बु32 खे़ल्ले़चोगुल्ले़ खे़न् नेहेमलाम के़युङ्बा समायाहःन् नु कुमुइॽदाङ्साहाॽ खुम्दिङ् पिरुङ्सिङ्ॽ॥ खे़ल्ले़ आत्तिन् कुमुॽइदाङ्साहाॽआङ् खिनिॽलुम्मो कुहिङ्वे़त् मे़न्याःक्ने़न्, आङ्गाॽ आमनाहाॽरे़ लागि चोगुङ्बा नुबा याःम्बक्किन् खे़ल्ले़ निमा मे़घोसुन्ॽ थेआङ्भे़ल्ले़ खे़ल्ले़ आङ्गाॽ आमनाहाॽ आदक्ले़ङ्वाओ पिफ्युङ् चोःक्मा हुसुसिआङ् वये़॥ आङ्गाॽ कन् यहवे दाङ्बे़ल्ले़ पाःत्तुङ्ङाङ् वाॽरो॥’” Gade chapit la |
यर्मिया 29:32
24 Referans Kwoze
“कुस्साकुए मेःन्ने लुगे़बा हे़क्के कन् मनाःल्ले़ कुमिङ्ङिन् साप्ते़ॽओ कुहिङ्मन्नो खे़न् कुलिङ्दो मे़ङ्गे़प्मनाबा पोङ्लो॥ थेआङ्भे़ल्ले़ खे़ल्ले़ आत्तिन् कुस्साहाॽआङ् कुस्साङ् के़लबा मे़म्बोङ्ने़न्लो खे़ल्ले़ आत्तिन् कुमुॽइदाङ्साहाॽआङ् दाउद हाङ्ङिल्ले़ कुहाङ्युक्नाओ युङ्मा मे़ङ्घोने़न्लो इग्र यहुदाओ हाङ्चोःक्मा मे़ङ्घोने़न्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥”
हाङ्ङिल्ले़ कत्तुबा सुहाङ्युक्पा से़वारोबे़ल्ले़ निङ्वाॽफुमाङ्ङिल्ले़ कुमनान् मे़त्तु, “ओमे़त्ते़ॽ, यहवे दाङ्बे़ल्ले़ साङ्ग्राम्पेदाङ्बा लाम्धेःत्हाॽ हन्दु आबिसाङ् अक्तङ्बा पोङ्मा थे सुक्काङ्बे?” एलिसाःल्ले़ नुगप् पिरु, “खे़ने़ॽ आप्फेक् के़मिक्किल्ले़ खे़न् के़निसुॽ, कर खे़ने़ॽ खे़प्मोलाम् थेआङ् चामा के़ङ्घोसुन्लो॥”
कल्ले़चोगुल्ले़ यहवे दाङ्बे़ल्ले़ अक्खे पाःत्तुरो— ‘खे़ने़ॽ के़मेःत्ते़न् ये़क्यक्को लत्छा के़त्निमा पोङ्लो, हे़क्क्याङ् के़स्सा ये़म्बित्छाहाॽ नु मे़न्छुमाहाॽ ताभेःल्ले़ मे़ज्ये़प्तुसिरो, खे़ने़ॽ के़लाजेॽ सिङ्बुङ्हाॽ मे़सिःक्तुआङ् मे़भःक्खुरो॥ खे़ने़ॽग नावाइत्ला से़वा के़मे़प्पाहाॽरे़ खुन्छिॽ लाजेॽओ के़सिरो, हे़क्क्याङ् इस्राइले़ङ्ग से़क्खासाङ् आप्फेक् कुलाजेॽलाम् मे़लःत्तु मे़देसुआङ् माःङ्घा लाजेॽओ मे़देॽरुरो॥’”
मुक्साम्दाङ्बा यहवे दाङ्बे़ल्ले़ कन् पाःन्निन् उवा चोगुआङ् वाॽरो, “आङ्गाॽ आबाङे बेबिलोनबा मनाहाॽरे़ खुन्छिॽ तक्ले़ङ्वाओ पोगाङ्ङाङ् वाॽआरो! आङ्गाॽ खे़ङ्हाॽरे़ खुन्छिॽ साहाॽ, मे़न्छाॽहाॽ, हे़क्क्याङ् चक्मे़न्छाॽहाॽ खुने़ॽ कुहाङ्युक्नाओ आफाल्ले़आङ् युङ्मा मे़ङ्घोने़ल्ल फाॽआङ् मे़क्खुङ्सिङ्लो॥”
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
कर कन् माङ्निङ्वाॽपान् के़बाःप्पा इग्र ताॽदि से़प्माङ् के़माक्पे़न् से़प्माए पोङ्ॽ, थेआङ्भे़ल्ले़ योक् के़म्जोगिबा मिस्र लाजेॽलाम् खिनिॽ चोःक्युम्भो के़बिबाआङ् के़लःप्पा के़भे़प्पा यहवे दाङ्बा खिनिॽ निङ्वाॽफुमाङ्ङिल्ले़ इङ्जाङ् के़बिरिबा लाम्मोलाम् खिनिॽ हुमा पङ्मारे़ लागि खे़ल्ले़ खुने़ॽ कुबिफ्युङ् चोःक्मा के़हुसि॥ कम्भलॽरिक् खिनिॽ लुम्मोलाम् ताप्फे़ःम्बा पाःन्निन् खे़त्ताम्मे़ॽ॥
खे़न् काप्पोबा माङ्निङ्वाॽपान् के़बाःप्पे़ल्ले़ नुगप् पिरु, “आङ्गाॽआङ् खे़ने़ॽ हे़क्केए लत्छा माङ्निङ्वाॽपान् के़बाःप्पाआ॥ यहवे दाङ्बे़ल्ले़ कुबाःन्जाक्लाम् खे़ने़ॽ आङ्गाॽनु सोरिक् चासे़ थुङ्से़ आहिम्मो ताःप्मारे़ लागि माङ्लाइङ्बा थिक्ले़ आङ्गाॽ मे़त्ताङ्ङाङ् वाॽ॥” (कर खे़न् काप्पोबा मनाःल्ले़ खुने़ॽ मे़त्तुबा कन् पाःन्निन् इङ्ले़क् वये़॥)
आङ्गाॽ खे़न् नु कुमुॽइदाङ्साहाॽ हे़क्क्याङ् कुसुहाङ्युक्पाहाॽ खुन्छिॽ फे़न्याःम्बक्किल्ले़ कुले़क्वा खुम्दिङ् पिरुङ्सिङ्ॽ॥ यहुदा नु यरुसले़ःम्बा मनाहाॽओ थासुङ्ॽ फाॽआङ् माङ्हे़क् चोगुङ्बा के़रे़क् मे़क्मासिमे़न् खे़ङ्हाॽओ थासुङ्ॽ, थेआङ्भे़ल्ले़ आङ्गाॽ पिरुङ्सिङ्बा साम्दिङ्हाॽ खे़ङ्हाॽरे़ मे़ङ्घे़प्सुन्लो॥’”
आङ्गाॽ आदक्ले़ङ्वाओ पिफ्युङ् नु खे़माॽ के़जोःक्पा खे़न् के़रे़क्लाम् खिनिॽ सुत्थो चोःक्निङ्ॽ॥ मे़दे़म्सु मे़देॽरुसिआङ् मे़वाॽबा लाजेॽहाॽओलाम् आङ्गाॽ खे़ङ्हाॽ तारुङ्सिङ्ॽ, कर खे़ङ्हाॽ इस्राइल लाजेॽओ आप्फाल्ले़आङ् लाःप्मा मे़ङ्घोने़न्ॽ॥ खे़ब्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
Piblisite