मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
यर्मिया 29:23 - लिम्बु23 खे़ङ्हाॽरे़ मे़दुमुबा याक्नाम्मिन् अक्तङ्बाए पोङ् थेआङ्भे़ल्ले़ खे़ङ्हाॽरे़ इस्राइलओ किप्मागे़घुबा लायोहाॽ मे़जोगुआङ् वाॽ, खे़ङ्हाॽरे़ आबाङे हिम्बेसाङ्बा चुम्मिल्ले़ कुमेःत्तिन्नु चाराम्मा याःम्बक् मे़जोगु हे़क्क्याङ् आमिङ्ङो इङ्ले़क्पा पान् मे़बाःत्तुआङ् मे़वाॽ॥ कन् याःम्बक्हाॽ आनिङ्वाःल्ले़ कुदक्ले़ङ्वाओ वये़॥ खे़ङ्हाॽरे़ हे़न् मे़जोगुआङ् मे़वाॽ, खे़न् आङ्गाॽ निसुङ्ॽ खे़ब्याङ् खे़ङ्हाॽरे़ खुन्छिॽ तक्ले़ङ्वाओ आङ्गाॽ साखि पोःक्खाङ्ङाङ् वाॽआ॥ आङ्गाॽ यहवे दाङ्बे़ल्ले़ अक्खे पाःत्तुङ्ङाङ् वाॽरो॥” Gade chapit la |
यर्मिया 29:23
28 Referans Kwoze
कर यरुसले़ःम्मो के़वाॽबा माङ्निङ्वाॽपान् के़बाःप्पाहाॽओ आरसाङ् याम्गे़सिङ्बा याःम्बक् मे़जोगुबा आङ्गाॽ निसुङ्ङाङ् वाॽरो॥ खे़ङ्हाॽरे़ याम्बोःप्मा याःम्बक् नु नुबा ले़ङ्सिङ्मा, फे़न्याःम्बक् मे़जोगुरो ताप्फे़ःम्बा याःम्बक् के़जोःक्पा मनाहाॽ कुभाॽ मे़बिरुसिरो खे़ल्ले़चोगुल्ले़ आत्तिन्हाॽरे़आङ् फे़न्याःम्बक् चोःक्मा मे़न्ले़रुन्लो॥ आलागि खे़ङ्हाॽ के़रे़क् सदोम हे़क्तङ्बा नु यरुसले़ःम्बा मनाहाॽ गमोराबा हे़क्के ताक्के़भे़ॽबा मे़बोःक्खे़आङ् मे़वाॽरो॥”
यहवे दाङ्बे़ल्ले़ कुमिङ्ङो खिनिॽ इङ्ले़क् पान् के़मे़प्पा कोलायाहःल्ले़ कुस्सा आहाबे़न् नु मासेयाहःल्ले़ कुस्सा सिदकियाहःल्ले़ खुन्छिॽ याःम्बेओ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुआङ् वाॽ, “आङ्गाॽ खे़ङ्हाॽ बेबिलोनबा हाङ् नबुकदनेसरे़ल्ले़ कुहुक्को पिरुङ्सिङ्ॽ हे़क्क्याङ् नबुकदनेसरे़ल्ले़ खिनिॽ तगि मिक्किल्ले़ के़निसुम्ल खे़ङ्हाॽ से़रुसिॽ॥
खे़निॽ से़ःन्गे़दोसुम्, “यहवे दाङ्बे़ल्ले़ आनिगे थेआङ् लाप्फुसिगे़आङ् वयिगे़बाबे?” थेआङ् अक्खे पोःक्खे़बा आङ्गाॽ मे़त्निङ्ॽ, थेआङ्भे़ल्ले़ खे़ने़ॽ थाङ्बे़न् के़वये़ल्ले़ मेःक्खिम् के़मे़त्तुमा के़मेःत्तिन्नु के़जोगुबा माङ्हुप्पिन् खुने़ॽ निसुरो, खुने़ॽग खे़ने़ॽ के़मेःत् वये़, खुने़ॽनु के़जोगुबा माङ्हुप्पिन् के़भेःन्दु, हे़क्केसाङ् खे़न् मे़न्छुमान् के़न्देःङ्मा नु मेःक्खिम्मो माङ्हुप् के़बोङ्मा के़मेःत्लो॥
आङ्गाॽ चिःत्तुङ्बा पाःन्निन् खे़ने़ॽ के़जोगुर के़वाॽरो खे़न् आङ्गाॽए निसुङ्ङाङ् वाॽरो॥ खे़ने़ॽ कोःक्मा फाङ्जङ् नु ने़ने़बादे़न्नो याम्गे़सिङ्बा याःम्बक्हाॽ के़जोगुरो, खे़ने़ॽ चाराम्मा, याम्बोःप्मा याःम्बक् हे़क्क्याङ् के़त्निमान्नु के़गाम्सिङ्बान् निसुङ्ङाङ् वारो॥ यरुसले़ःम्मो के़युङ्बासे, के़जिःत्ति के़स्ये़ॽइरो, खिनिॽ से़क्खाए के़मे़गिरो, खिनिॽ आप्फाल्ले़ थारिक् आसुत्थो के़बोःक्खिबाबे?”
आल्ल याकुबरे़ कुस्साहाॽरे़ थे पोःक्खे़ के़लॽबा पाःन्निन् मे़घे़प्सुनुमे़ःन्ने पित् चाराम्मा ते़न्नोलाम् मे़नुःक्खे़ मे़द्ये़॥ खे़ङ्हाॽरे़ खुनिॽ निङ्वाॽ तुगे़आङ् खुन्छिॽ सिक् पोगे़आङ् वये़, थेआङ्भे़ल्ले़ सकेमे़ल्ले़ याकुबरे़ कुस्सान् फे़त्लाःन्दुआङ् के़रे़क् इस्राइलिहाॽरे़ खुन्छिॽ ने़बो तेसुआङ् वये़॥ अक्तङ्बा याःम्बक् चोःक्मा मे़न्नुॽमनाबा वये़॥
मुक्साम्दाङ्बा यहवे दाङ्बे़ल्ले़ यरुसले़ःम्मोबा मनाहाॽ अक्खे मे़त्तुसिरो, “माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खिनिॽ मे़घे़प्से़म्मिन्ने़ॽओ, खे़ङ्हाॽरे़ खिनिॽ इङ्ले़क् निङ्साङ् चोःक्मा के़म्बाङ्घिरो॥ खे़न् पाःन्हाॽ यहवे दाङ्बे़ल्ले़ पाःत्तुबा मेःन्लो कर खे़ङ्हाॽरे़ आबाङे मुरा नु निङ्वाॽओबा पाःन्हाॽ खिनिॽ के़म्जे़क्तिरो॥
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
Piblisite