थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
यर्मिया 29:14 - लिम्बु14 से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥” Gade chapit la |
यर्मिया 29:14
44 Referans Kwoze
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
लाजेॽलाम् मे़लःत्तु मे़देॽरुसिबा आमना इस्राइलिहाॽ आङ्गाॽ याङ्ना नुःक्तुङ् फे़त्तुङ्सिङ्लो॥ के़लुःम्बा के़बेःक्पा ये़क्यक्हाॽ खे़ङ्हाॽरे़ याम्मो मे़जोगुरो हे़क्क्याङ् खे़ङ्हाॽ खे़प्मो मे़वाॽ मे़युङ्लो॥ खे़ङ्हाॽरे़ चे़ल्ले़क्सेॽ इक्ताप्हाॽ मे़लेःत्तुरो खे़ब्याङ् खे़ङ्हाॽरे़ चे़ल्ले़क्सेॽ थि मे़धुङुरो॥ खे़ङ्हाॽरे़ सिङ्सेॽ सिङ्बुङ्हाॽ मे़लेःत्तुरो हे़क्क्याङ् खे़ङ्हाॽरे़ खे़न् सिङ्सेॽहाॽ मे़जरो॥
आङ्गाॽ थाङ्गे़त् ले़प्साङ्ङिन् मे़त्तुङ्लो, ‘खे़ङ्हाॽ पेःक्मा फाःक्ते़से़ॽओ॥’ हे़क्क्याङ् लाङ्गे़त् ले़प्माङ्ङिन् मे़त्तुङ्लो, ‘खे़ङ्हाॽ मे़साक्ते़से़न्ने़ॽओ॥’ आङ्गाॽ आस्सा ये़म्बित्छाहाॽ माःङ्घालाम् नुःक्ते़से़ॽओ खे़ब्याङ् आस्सा मे़न्छुमाहाॽ इक्सादिङ् खाम्बेःक्माल्ले़ नासमा कुयाओनु फे़त्ते़से़ॽओ,
हे़क्क्याङ् मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—आङ्गाॽ मे़न्छाम् सुवाङ्हाॽरे़ खुन्छिॽ लुम्मोलाम् इस्राइलबा मनाहाॽ फुक्खुङ्सिङ्ॽ॥ खे़ङ्हाॽ फुत्छिङ्ज्याङ् मे़से़रे़आङ् मे़वाॽबादे़न्हाॽओलाम् आङ्गाॽ खे़ङ्हाॽ खुन्छिॽ आप्फेक् लाजेॽओबा हिम्मो नुःक्तुङ् तारुङ्सिङ्ॽ॥
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
Piblisite