यर्मिया 29:10 - लिम्बु10 यहवे दाङ्बे़ल्ले़ अक्खे पाःत्तुॽ, “बेबिलोनओ के़म्दे़म्सिआङ् के़म्देॽरिबा नुबोङ् तङ्बे के़त्ताङ् आङ्गाॽ खिनिॽ ओमे़त्छे़ ताआ, हे़क्क्याङ् खिनिॽ लाजेॽओ नुःक्निङ् फे़त्निङ्ङाङ् आङ्गाॽ आमाङ्हुप्पिन् के़त्तुङ्ॽ॥ Gade chapit la |
यर्मिया 29:10
22 Referans Kwoze
‘खे़ङ्हाॽ के़रे़क् बेबिलोनओ मे़देॽरुॽ हे़क्क्याङ् आङ्गाॽ याम्मो खे़न् कुलासे़ मना मे़म्बाङ्सिङ्ङे थारिक् आम्भा खे़प्मोए याःक्॥ खे़न् एगाङ् आङ्गाॽ खे़न् के़रे़क् याङ्साकुन्धेहाॽ नुःक्तुङ् फे़त्तुङ्ॽ हे़क्क्याङ् यरुसले़ःम्मो याम्मो युक्खुङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥’”
खे़न् यहुदा हिम्सयङ्बा के़हिङ्बा के़याःक्पाहाॽरे़ लागि पोङ्लो, खे़प्मो खे़ङ्हाॽरे़ मे़ल्लुक् चाराम्दे़न् मे़घोसुरो॥ युःन्छिक् खे़ङ्हाॽ अस्कलोनबा हिम्हाॽओ मे़इम्लो॥ यहवे खुन्छिॽ निङ्वाॽफुमाङ्ङिल्ले़ खे़ङ्हाॽ ओमे़त्तुसि कम्ब्राङ् मे़त्तुसिरो खुने़ॽ खे़ङ्हाॽ नुॽमादामे़न् याम्मो नुःक्तु पिरुसिरो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
माङ्निङ्वाॽपान् के़बाःप्पा यर्मियाःल्ले़ पाःत्तुबा यहवे दाङ्बे़ल्ले़ कुबाःन्जाक्के़न् के़प्मारे़ लागि नुबोङ् तङ्बे मे़ङ्गे़त्ते थारिक् इस्राइल लाजेःल्ले़ कुनाःम्सिङ्मा ये़म्मिन् मे़ङ्गाःक्के थारिक् मे़गे़बा के़रे़क् ये़म् खाराक्के नाःम्सिङ्मा सबाथे़न् लाजेःल्ले़ ने़त्तुआङ् ने़स्से़॥
फारसबा हाङ् कोरेसे़ल्ले़ हाङ्युक् चोगुबा थिक्सिगेक्पा तङ्बेओ यर्मियाःल्ले़ पाःत्तुबा यहवे दाङ्बे़ल्ले़ कुबाःन्जाक्के़न् के़प्मारे़ लागि यहवे दाङ्बे़ल्ले़ फारसबा हाङ् कोरेसे़न् कुसिक् के़सम्बा चोगु॥ हे़क्क्याङ् खुने़ॽ कुहाङ्जुम्मो के़रे़क् कुम्ब्राःल्ले़ए पाःत्तुआङ् हे़क्क्याङ् साप्तुआङ् अक्तङ्बा उवा चोगुरो—
खे़ल्ले़चोगुल्ले़ खे़न् नेहेमलाम के़युङ्बा समायाहःन् नु कुमुइॽदाङ्साहाॽ खुम्दिङ् पिरुङ्सिङ्ॽ॥ खे़ल्ले़ आत्तिन् कुमुॽइदाङ्साहाॽआङ् खिनिॽलुम्मो कुहिङ्वे़त् मे़न्याःक्ने़न्, आङ्गाॽ आमनाहाॽरे़ लागि चोगुङ्बा नुबा याःम्बक्किन् खे़ल्ले़ निमा मे़घोसुन्ॽ थेआङ्भे़ल्ले़ खे़ल्ले़ आङ्गाॽ आमनाहाॽ आदक्ले़ङ्वाओ पिफ्युङ् चोःक्मा हुसुसिआङ् वये़॥ आङ्गाॽ कन् यहवे दाङ्बे़ल्ले़ पाःत्तुङ्ङाङ् वाॽरो॥’”
थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
Piblisite