3 बेबिलोनबा हाङ् नबुकदनेसरे़ल्ले़ यहवे दाङ्बे़ल्ले़ कुहिम्मोलाम् कॽयोनु बेबिलोन तेॽरुआङ् वये़बा के़रे़क् चिगक्वाहाॽ, आल्ल तङ्बे ने़त्छिरे़सा आङ्गाॽ याम्मो कन् ते़न्नोए काक् नुःक्तुङ् फे़त्तुङ्ॽ॥
यहवे दाङ्बे़ल्ले़ उवा चोगुबा हे़क्केए यहवे दाङ्बे़ल्ले़ कुहिम्मोबा नु हाङ्हिम् थाःङ्हाॽओबा के़रे़क् चिगक्वा सामाहाॽ खुने़ॽ खे़त्तु, खे़ब्याङ् यहवे दाङ्बे़ल्ले़ कुहिम्मिल्ले़ लागि इस्राइलबा हाङ् सोलोमनरे़ थगुबा के़रे़क् साम्म्याङ् सामा पुमाहाॽ सुरुक् सुःन्दुआङ् तेॽरु॥
हे़क्क्याङ् निङ्वाॽफुमाङ्ङिल्ले़ कुहिम्मोबा कुभा खप्प्या सामाहाॽनु सोसोरिक् यहुदाबा यहोयाकिम हाङ्ङिन् नबुकदनेसरे़न् दाङ्बे़ल्ले़ हुक्सुप्तु॥ खुने़ॽ खे़न् खप्प्या सामाहाॽ बेबिलोनबा लाजेॽओ के़युङ्बा कुमाङ्हिम्मो तेॽरुआङ् माङ्हिम्मोबा थाःङ्ङो युक्खु॥
हाङ्वामा ये़म्मो नबुकदनेसर हाङ्ङिल्ले़ यहोयाकिने़न् ते़म्मारे़ लागि मनाहाॽ पाङ्घु फे़न्छुसिआङ् यहवे दाङ्बे़ल्ले़ कुहिम्मोबा नुबा नुबा खप्प्या सामाहाॽआङ् खुने़ॽनु सोरिक् बेबिलोनओ तेॽरु, हे़क्क्याङ् यहोयाकिने़ल्ले़ कुम्बारे़ कुन्साॽ सिदकियाहःन् यहुदा नु यरुसले़ःम्मोबा हाङ् चोगुरो॥
आनिॽग तङ्बे नुबोङ् थारिक् आहिङ्लो, के़धुम्बा आबोङ्ने़भग्र तङ्बे ये़प्पोङ् आगे़त्लो॥ हे़क्केसाङ् खे़ल्ले़ग हिङ्मन्नो तुक्खे नु लाक्खेरक् तारुरो, हे़क्क्याङ् थाःक् सॽआङ् आनिॽग आमासिङ् आबेःक्लो॥
याकुबे़न् मिस्रओ थिबोङ्ङाङ् नुसि तङ्बे हिङे़, खुने़ॽ किप् थिक्काङ् लिबोङ्ङाङ् नुसि तङ्बे के़रे़॥
याकुबरे़ फारोन् मे़त्तु, “आङ्गाॽ ताक्के़गम्बा के़जाबा आहिङ्मन्निन् तङ्बे किप् थिक्काङ् सुम्बोङ् के़रे़॥ आङ्गाॽ कन् आदङ्बेहाॽग ताङ्बा नु तुक्खेवा पोःक्खे़आङ् वाॽरो, आदाङ्बे॥ आङ्गाॽ आम्बा आन्धे़बासि कन् ताक्कन्निबा हिङ्मन्नो मे़हिङे़बा तङ्बे यारिक्क आङ्गाॽ मे़ङ्गे़त्ते वाॽआ॥”
नबुकदनेसरे़ल्ले़ यहवे दाङ्बे़ल्ले़ कुहिम्मोबा कुभा खप्प्या सामाहाॽ तेॽरुआङ् बेबिलोनओ खुने़ॽ आप्फेक् कुमाङ्हिम्मो युक्खु॥