आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ पाःत्तुङ्ॽ, कन् के़रे़क् मे़न्छाम् सुवाङ्हाॽ फे़न्जेॽ खे़ःप्सिङ्ङिन् कुःत्तुङ्सिङ् हे़क्क्याङ् कङ्हाॽरे़ बेबिलोनबा नबुकदनेसर हाङ्ङिल्ले़ कुयाःम्बक् मे़जोगुर याःन्दुङ्सिङ्ॽ, आङ्गाॽ ताम्भुङ्ङोबा थक्साहाॽआङ् खुने़ॽ कुयुक्को वाॽमा पाङ्घुङ्सिङ्॥’”
यर्मिया 27:6 - लिम्बु6 आङ्गाॽ आसे़वारोबा बेबिलोनबा हाङ् नबुकदनेसरे़ल्ले़ कुयुक्को कन् के़रे़क् के़सुवाङ्हाॽ आङ्गाॽए थासुङ्सिङ् हे़क्क्याङ् आङ्गाॽ ताम्भुङ्ङोबा थक्साहाॽआङ् खुने़ॽ कुयुक्को वाॽ पाङ्सुङ्सिङ्ङाङ् वाॽ॥ Gade chapit la |
यर्मिया 27:6
19 Referans Kwoze
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
खे़ब्याङ् यहुदाबा मनाहाॽ अक्खे मे़त्ते़से़ॽ, ‘मुक्साम्दाङ्बा यहवे दाङ्बा इस्राइलिहाॽरे़ खुन्छिॽ निङ्वाॽफुमाङ्ङिल्ले़ अक्खे पाःत्तुॽ—आङ्गाॽ आसे़वारोबा बेबिलोनबा हाङ् नबुकदनेसरे़न् कन् मिस्र लाजेॽओ से़क्खाए तारुङ्ॽ॥ आङ्गाॽ चिक्खुङ्ङाङ् के़ने़बा कन् लुङ्हाॽ सम्धाङ् खुने़ॽ कुहाङ्युक्नान् युक्खुङ्ॽ॥ खुने़ॽ खे़ल्ले़ कुसम्धाङ् कुहाङ् नाम्धेःक्मान् खिङ्घुॽ॥
आङ्गाॽ कोरेसरे़ कुयाःम्बेओ पाःत्तुङ्लो, ‘खे़न् आङ्गाॽ आमे़ल्लुक् के़गम्बारो’ हे़क्क्याङ् खे़ल्ले़ आङ्गाॽ चोःक्मा इःत्तुङ्बा के़रे़क् के़त्तु पिआरो॥ यरुसले़म ये़क्यक्किल्ले़ कुयाःम्बेओ खे़ल्ले़ अक्खे पाःत्तुरो, ‘खे़न् याम्मो मे़जोगुररो,’ खे़ब्याङ् माङ्हिम्मे़ल्ले़ कुयाःम्बेओग, ‘कल्ले़ कुयुक्ना पाङ्यक्किन् मे़युक्खुररो॥’”
बेबिलोनबा हाङ् नबुकदनेसरे़ल्ले़ यहुदाबा हाङ् यहोयाकिमिल्ले़ कुस्सा यहोयाकिने़न् नु यहुदाबा लाम्लोबा, चोबेगुहाॽ हे़क्क्याङ् वेॽ लुङ्गाम्मा सिङ्गाम्मा के़ले़बाहाॽ ते़म्सुसिआङ् यरुसले़ःम्लाम्बा बेबिलोनओ तेॽरुसि॥ खे़ब्याङ् यहवे दाङ्बे़ल्ले़ आङ्गाॽ माङ्हिम्मिल्ले़ कुदगि के़युङ्बा नॽइमा ने़त्छि पःत्छेॽहाॽ सुफोओ ओसेःन्धाक्ताङ्॥
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
यहवे दाङ्बे़ल्ले़ अक्खे पाःत्तुरो, “खिनिॽ हिङ्मारे़ लागि लोःक्ते़म्मे़ॽओ हासोरबा मनासे, केःम्बा हङ्गारिङ्बा लुङ्फुक्कोहाॽओ खिनिॽ चिङ्सिङ्ङे़म्मे़ॽओ, थेआङ्भे़ल्ले़ बेबिलोनबा हाङ् नबुकदनेसरे़ल्ले़ खिनिॽ तक्ले़ङ्वाओ चे़म्भन् चोगुआङ् वाॽरो, हे़क्क्याङ् खिनिॽ मे़ङ्मारे़ लागि मुन्छिङ्ल वाॽरो॥”
आङ्गाॽ मिस्र लाजेन् चिजि खक्खक्पा चोगुङ्ॽ, खम्भ्याङ् वेॽ चिजि खक्खक्पा लाजेॽहाॽरे़ कन् किर्गप् मे़गबुरो॥ कप्मोबा ये़क्यक्हाॽ वेॽ के़धुप्पा के़लुःम्बा ये़क्यक्हाॽरे़ मे़गबु मे़ने़स्सुबा, तङ्बे लिबोङ् थारिक् हाःत्ताङ् के़होप्पा नु चिजि खक्खक्पा पोङ्ॽ॥ आङ्गाॽ मिस्रबा मनाहाॽ माःङ्घाबा लाजेॽहाॽओ फुत्छिङ्ज्याङ् से़सुङ्देसुङ्सिङ्ॽ॥
खे़ल्ले़ कुभे़क्वाहाॽ नुबा नु खे़ल्ले़ कुजाॽहाॽ साॽरिक् यरिक् पत्छे़, हे़क्क्याङ् खे़प्मो के़रे़क्ले़ लागि कुजामा चाहाॽ पत्छे़॥ खे़ल्ले़ कुसिगाङ् ताम्भुङ् थक्साहाॽरे़ ने़त्नादे़न् मे़घोसुआङ् वये़, खे़ल्ले़ कुबोराक्हाॽओ पुहाॽ मे़युङे़, खे़प्मोलाम् के़रे़क् थक्सा पुसाहाॽरे़ चामा मे़घोसु॥
पयम् हाङ्ङे, खे़न् सिङ्बुङ्ङिन्ग आदाङ्बा खे़ने़ॽएरो॥ आदाङ्बा पयम् यम्बा नु मुक्साम्साबा के़बोक्खे़आङ् के़वाॽ, आदाङ्बा पयम् यम्बा के़बोक्खे़बान् पोरे़आङ् ताङ्साक्पो थारिक्के के़गे़रे़आङ् वाॽ, खम्भ्याङ् आदाङ्बारे़ के़युक्किन् इक्सादिङ् खाम्बेःक्माल्ले़ नासमा कुयाओ थारिक्के वाॽ॥
“फारसबा हाङ् कोरेसे़ल्ले़ अक्खे पाःत्तुरो— “‘यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ इक्सादिङ् खाम्बेःक्मोबा के़रे़क् हाङ्जुम्हाॽ आङ्गाॽ पिराङ्ङाङ् ने़रो॥ हे़क्क्याङ् खुने़ॽए आङ्गाॽ यहुदाओबा यरुसले़ःम्मो खुने़ॽ कुलागि लत्छा माङ्हिम् चोःक्मा इङ्जाङ् पिराङ्ङाङ् वाॽ॥ आल्लो खिनिॽ लुम्मो के़वाॽबा, खुने़ॽ कुमनाहाॽओबाहाॽ के़रे़क् आङ्गाॽ मे़त्तुङ्सिङ्ॽ, यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिन् खुन्छिॽनु सोरिक् वाॽर, हे़क्क्याङ् खे़ङ्हाॽ यरुसले़ःम्मो मे़धोःक्सिङ् मे़बेःक्लरो॥’”
आङ्गाॽ बेबिलोनबा हाङ्ङिल्ले़ कुहुक्हाॽ के़धुम्बा चोगुङ्ॽ हे़क्क्याङ् आङ्गाॽ आदाभेन् खे़ल्ले़ कुहुक्को केःत्तुङ्ॽ॥ कर आङ्गाॽ मिस्रबा हाङ् फारोल्ले़ कुहुक्हाॽ ए़क्खुङ् पिरुङ्ॽ, खे़म्ब्याङ् खुने़ॽ खे़प्मो सिमालिङ्दो के़त्ल थारिक् काःन्नाङ् तुक्मे़ल्ले़ आइयाआङ् आइया याःत्ल ने़रो॥
Piblisite