यर्मिया 27:21 - लिम्‍बु

²¹ यरुसले़मबा माङ्‌हिम्‍मो नु हाङ्‌हिम्‍मो के़युङ्‌बा के़याःक्‍पा के़रे़क् याङ्‌साकुन्‍धेहाॽरे़ कुयाःम्‍बेओ यहवे दाङ्‌बा इस्राइलबा मुक्‍साम्‍दाङ्‌बा निङ्‌वाॽफुमाङ्‌ङिल्‍ले़ अक्‍खे पाःत्तुॽ, खे़न् खे़प्‍से़म्‍मे़ॽ॥

यर्मिया 27:21 Referans Kwoze

यर्मिया 20:5

आङ्‌गाॽ खे़ङ्‌हाॽरे़ खुन्‍छिॽ निङ्‌मिहाॽ कन् ये़क्‌यक्‍पा के़रे़क् याङ्‌साकुन्‍धेहाॽ नाप्‍मासि नु खे़प्‍मोबा चिगक्‌वाहाॽ, यहुदाबा हाङ्‌हाॽरे़ खुन्‍छिॽ याङ्‌साकुन्‍धेहाॽ नाप्‍मासिआङ् सामापुमाहाॽ खक्‍पे़त् बेबिलोनओ तेॽमा पाङ्‌घुङ्‌सिङ्‌ॽ॥

यर्मिया 27:22

‘खे़ङ्‌हाॽ के़रे़क् बेबिलोनओ मे़देॽरुॽ हे़क्‍क्‍याङ् आङ्‌गाॽ याम्‍मो खे़न् कुलासे़ मना मे़म्‍बाङ्‌सिङ्‌ङे थारिक् आम्‍भा खे़प्‍मोए याःक्॥ खे़न् एगाङ् आङ्‌गाॽ खे़न् के़रे़क् याङ्‌साकुन्‍धेहाॽ नुःक्‍तुङ् फे़त्तुङ्‌ॽ हे़क्‍क्‍याङ् यरुसले़ःम्‍मो याम्‍मो युक्‍खुङ्‌ॽ॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽआरो॥’”

२ हाङ् 20:17

आल्‍ल खे़ने़ॽ के़हिम्‍मो के़वाॽबा के़रे़क् सामाहाॽ, हे़क्‍क्‍याङ् आइन्‍बा ये़न् थारिक् खे़ने़ॽ के़सुधे़बा के़दाक्‍थे़बाहाॽरे़ मे़लुप्‍सुबा पाःन्‍हाॽ खक्‍पे़त् बेबिलोनओ तेॽमा ये़म्‍मिन् से़क्‍खाए तारो॥ लत्‍छा सामाआङ् मे़ल्‍ले़रुन् मे़न्‍धने़न्, यहवे दाङ्‌बे़ल्‍ले़ पाःत्तुॽ॥

२ साप्‍मुःन्‍धुम् 36:18

खुने़ॽ निङ्‌वाॽफुमाङ्‌ङिल्‍ले़ कुहिम्‍मोबा यम्‍बा चुक्‍पा के़रे़क् खप्‍प्‍या सामाहाॽ नु यहवे दाङ्‌बे़ल्‍ले़ कुहिम्‍मोबा याङ्‌भुहाॽ खे़ब्‍याङ् हाङ्‌ङिल्‍ले़ कुयाङ्‌भुओबा नु कुसुहाङ्‌युक्‍पाहाॽरे़ खुन्‍छिॽ याङ्‌भुओबा कुमे़ल्‍लुङ् के़घिःक्‍पा सामाफुमाहाॽ के़रे़क् तेॽरुआङ् पे॥

ए़ज्रा 1:7

नबुकदनेसर हाङ्‌ङिल्‍ले़ यरुसले़म माङ्‌हिम्‍मोलाम् तेॽरुआङ् खुने़ॽ कुमाङ्‌ङिल्‍ले़ माङ्‌हिम्‍मो युक्‍खुसिआङ् युङे़बा खप्‍प्‍या सामाहाॽ कोरेस हाङ्‌ङिल्‍ले़ खे़ङ्‌हाॽ नुःक्‍तु पिरुसि॥

ए़ज्रा 1:11

के़रे़क् ५,४०० साम्‍म्‍याङ् नु युप्‍पा खप्‍प्‍याहाॽ वये़॥ मे़दे़म्‍सु मे़देॽरुसिबाहाॽ बेबिलोनलाम् यरुसले़ःम्‍मो मे़नुःक्‍खे़ मे़भे़रे़ल्‍ले़ सेसबस्‍सरे़ल्‍ले़ खे़न् के़रे़क् चिगक्‌वाहाॽ फे़त्तुआङ् यरुसले़ःम्‍मो फे़रे़रो॥

यसैया 39:6

खे़न् ये़म्‍मिन् से़क्‍खासाङ् के़दाबा वाॽ, खे़ने़ॽ के़हाङ्‌हिम्‍मो के़धाःक्‍थे़बाहाॽरे़ आइन् थारिक् मे़भुक्‍खु मे़युक्‍खुबा के़रे़क् चिगक्‌वाहाॽ बेबिलोन लाजेॽओ मे़देॽरु, थेधिक्‍काङ् मे़याःक्‍ने़न्, लॽरिक् यहवे दाङ्‌बे़ल्‍ले़ पाःत्तुॽ॥

मे़रिङ् साप्‍पन् 1:10

खे़ल्‍ले़ के़रे़क् कुयाङ्‌सा कुन्‍धेहाॽ नाप्‍मारे़ लागि निङ्‌मिहाॽरे़ हुक् मे़धे़क्‍तुआङ् वाॽरो॥ आदाङ्‌बारे़ के़ये़जुम्‍भोओ थिम्‍मे़न्‍दङ् सुवाङ्‌हाॽ लाःप्‍मा के़म्‍भाःक्‍तुसिन्‍नाङ् मे़वये़रो, यरुसले़ःम्‍मिल्‍ले़ कुसेसेदे़न्‍नो खे़ङ्‌हाॽ मे़लासे़बा निसुसिरो॥