यर्मिया 27:15 - लिम्बु15 यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़न् माङ्निङ्वाॽपान् के़बाःप्पाहाॽ पाङ्घुसिबा मेःन्! खे़ङ्हाॽरे़ आङ्गाॽ आमिङ्ङो खिनिॽनु इङ्ले़क्पा पान् मे़बाःत्तुर मे़बत्, खे़ल्ले़चोगुल्ले़ आङ्गाॽ खिनिॽ कन् लाजेःन्लाम् नाःत्निङ्दे़निङ्॥ खिनिॽ के़रे़क् के़स्ये़ॽइ॥ खिनिॽ हे़क्क्याङ् कन् माङ्निङ्वाॽपान् के़बाःप्पाहाॽ के़रे़क् के़मे़गिॽ॥’” Gade chapit la |
यर्मिया 27:15
27 Referans Kwoze
खे़न् मनाःन् पारे़आङ् पत्छे़ल्ले़ अमस्याह हाङ्ङिल्ले़ खुने़ॽ मे़त्तु, “थे आनिगे खे़ने़ॽ हाङ्जुम्मोबा सुजासाबा युक्तिङ् चोःक्कासिगे़आङ् वये़बि? मे़म्बाःत्ते स्वाःत्! थेआङ् खे़ने़ॽ के़हिङ्मे़न् के़साक्पो के़धासु?” खे़न् माङ्निङ्वाॽपान् के़बाःप्पे़न् पाःप्मा नाॽमानुःल्ले़ तगि अक्खे लॽरे़, “आदाङ्बारे़ अक्खे के़जोगुआङ् आङ्गाॽ आसुजान् के़ङ्घे़प्सुम्बे़ल्ले़ चोगुल्ले़ निङ्वाॽफुमाङ्ङिल्ले़ आदाङ्बा मे़ङ्मा निःन्धो चोगुआङ् वाॽ के़लॽबा आङ्गाॽ निसुङ्ङाङ् वाॽरो॥”
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, “खिनिॽ लुम्मो के़वाॽबा माङ्निङ्वाॽपान् के़बाःप्पाहाॽ इग्र ताःन्दि के़दाबा पाःन्हाॽ आनिगे आल्लोसा पाःप्मा सुक्तुम्बे़ लॽरिक् पान् के़धक्पा वेॽ मनाहाॽरे़ खुन्छिॽ इङ्ले़क्को मे़ध्ये़म्मे़न्ने़ॽ॥ खिनिॽ आबाङे के़इःत्तुम्माङ् के़माक्तुम्बा से़प्माङ्बा पाःन्नो निङ्वाॽ मे़बिरे़म्मिन्ने़ॽ॥
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
खे़ने़ॽ के़हाङ्हिम्मो पक्मे़ध्ये़बा के़रे़क् मे़न्छुमाहाॽ बेबिलोनबा थक्सुबा सुहाङ्युक्पाहाॽरो मे़देॽरुसि॥ खे़ब्याङ् खे़न् मे़न्छुमाहाॽरे़ के़म्गेॽर अक्खे मे़बाःत्तुरो, “‘खे़ने़ॽग नुबा चुम्देङ्हाॽ के़गत्तुसिरो! खे़ङ्हाॽरे़ खे़ने़ॽ इङ् के़म्ले़क्ते़आङ् लाम्गे़म्भोःत्ते़रो॥ आल्ल खे़ने़ॽ के़लाङ्हाॽ खाम्ले़क्वाओ हुमे़ल्ले़ खे़ङ्हाॽरे़ खे़ने़ॽ के़दॽयान् फे़म्मो लाप्के़म्भुसे़रो!’
Piblisite