कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
यर्मिया 27:14 - लिम्बु14 खे़ल्ले़ कुयुक्को वाॽमा मे़नुॽने़न् के़बाःप्पा माङ्निङ्वाॽपान् के़बाःप्पाहाॽरे़ खुन्छिॽ पाःन्निन् मे़घे़प्से़म्मिन्ने़ॽ॥ खे़ङ्हाॽरे़ खिनिॽ इङ्ले़क्पा सुजाहाॽ के़म्बिरिर के़म्बत्छि॥ Gade chapit la |
यर्मिया 27:14
20 Referans Kwoze
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
खे़ने़ॽ के़हाङ्हिम्मो पक्मे़ध्ये़बा के़रे़क् मे़न्छुमाहाॽ बेबिलोनबा थक्सुबा सुहाङ्युक्पाहाॽरो मे़देॽरुसि॥ खे़ब्याङ् खे़न् मे़न्छुमाहाॽरे़ के़म्गेॽर अक्खे मे़बाःत्तुरो, “‘खे़ने़ॽग नुबा चुम्देङ्हाॽ के़गत्तुसिरो! खे़ङ्हाॽरे़ खे़ने़ॽ इङ् के़म्ले़क्ते़आङ् लाम्गे़म्भोःत्ते़रो॥ आल्ल खे़ने़ॽ के़लाङ्हाॽ खाम्ले़क्वाओ हुमे़ल्ले़ खे़ङ्हाॽरे़ खे़ने़ॽ के़दॽयान् फे़म्मो लाप्के़म्भुसे़रो!’
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
नावाइत्लाहाॽरे़ इङ्ले़क्पा पान् मे़बाःत्तुरो, हे़क्क्याङ् कित्चाक् के़जोःक्पाहाॽरे़ इङ्ले़क्पा सुफोहाॽ मे़निसुरो, खम्भ्याङ् मे़न्वाॽमनाबा से़प्माङ्हाॽ मे़बाःत्तुरो, खे़ङ्हाॽरे़ कुसुम् मे़न्दम्मनाबा आःन्छिङ्मा मे़बिरुसिरो॥ कल्ले़चोगुल्ले़ मे़ल्लुक्कम्बाहाॽ मे़सुःम्बाल्ले़ चोगुल्ले़ तुक्खे मे़जाःत्तुसिबा मे़ल्लुक्हाॽ कुइसिक् मनाहाॽ ताप्मे़बे़ॽरो॥
Piblisite