आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
यर्मिया 26:5 - लिम्बु5 हे़क्क्याङ् आङ्गाॽ खिनिॽओ ये़त्ले़ङ् ये़त्ले़ङ् पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ खुन्छिॽ पाःन्निन् के़ङ्घे़प्सुम्मिन्ने़भग्र आङ्गाॽ आइङ्जाङ्ङिन् खिनिॽ इःप्मा नाःप्मा के़न्दे़न्दिन्॥ Gade chapit la |
यर्मिया 26:5
20 Referans Kwoze
खे़ने़ॽ के़से़वारोबा माङ्निङ्वाॽपान् के़बाःप्पाहाॽलाम् खे़न् आनिगे याप्मि के़बिरे़आङ् वये़॥ खे़न् आनिगे युक्तुम्बे़आङ् युङिगे़बा लाजेन् लत्थिक् आसुत्थो लाजेॽ चोक् फाॽआङ् खे़ङ्हाॽरे़ आनिगे याप्मि मे़मे़त्तिगे़आङ् वये़ थेआङ्भे़ल्ले़ खे़प्मो के़युङ्बा मनाहाॽरे़ खे़न् लाजेन् थिक् कुसुक्पोनु वेॽसमा कुसुक्पो थारिक् याम्गे़सिङ्बा याःम्बक्हाॽरे़ मे़धिम्सुआङ् ने़ःॽ॥
मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपान् के़बाःप्पा के़से़वारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
पिप्मिरि कुसोःन्दिओ आक्खेलॽरिक् यहवे दाङ्बे़ल्ले़ कुसे़वारोबा माङ्निङ्वाॽपान् के़बाःप्पाहाॽलाम् साम्दिङ् पिरुसिआङ् वये़, हे़क्केलॽरिक्के खे़ङ्हाॽ खुने़ॽ कुदगिलाम् लाःत्लाःत् चोगुसि॥ कल्ले़चोगुल्ले़ इस्राइलबा मनाहाॽ मे़दे़म्सुसिआङ् खुन्छिॽ आप्फेक् लाजेॽ इस्राइललाम् अस्सुर मे़देॽरुसि॥ खे़ङ्हाॽ आइन् थारिक् खे़प्मोए मे़वाॽरो॥
यहवे दाङ्बे़ल्ले़ खुने़ॽ के़रे़क् कुमाङ्निङ्वाॽपान् के़बाःप्पाहाॽ नु कुसुफो के़निबाहाॽलाम् इस्राइले़न् हे़क्क्याङ् यहुदान् साम्दिङ् पिरुसि—“खिन्छिॽ ताप्फे़ःम्बा ये़प्ले़क्हाॽ ले़रे़से़ॽ॥ आङ्गाॽ खे़न्छिॽ पाधे़बाहाॽ इःत्ते़म् नाःत्ते़म्मे़ॽ फाॽआङ् इङ्जाङ् पिरुङ्सिङ्ङाङ् वये़बा हे़क्क्याङ् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् खिनिॽ पिनिङ्ङाङ् वये़बा आङ्गाॽ आइङ्जाङ्हाॽ नु आइङ्भःन्हाॽ के़रे़क् साम्योथिम् इङ्जाङ् कुइसिक् इःत्ते़से़ॽ नाःत्ते़से़ॽ॥”
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
Piblisite