यर्मिया 26:23 - लिम्‍बु

²³ खे़ङ्‌हाॽरे़ उरियाहःन् यहोयाकिम हाङ्‌ङिल्‍लो मे़नुःक्‍तु मे़दारु॥ हे़क्‍क्‍याङ् हाङ्‌ङिल्‍ले़ खुने़ॽ ताभेःल्‍ले़ स्‍ये़रुआङ् खे़ल्‍ले़ कुजे़ःन् मे़न्‍जोबा मनाहाॽरे़ खुन्‍छिॽ इपुङ्‌ङो लाप्‍मे़भुसु॥)

यर्मिया 26:23 Referans Kwoze

यर्मिया 2:30

आङ्‌गाॽ खिनिॽ खुम्‍दिङ् पिनिङ् कर खे़ल्‍ले़ खिनिॽ थेआङ् के़म्‍मे़त्तिन्‍लो, आङ्‌गाॽ आघुम्‍दिङ्‌लाम्‍बा खिनिॽ के़न्‍हिन्‍दिन्‍लो॥ कुसाक्‍के़न्‍निल्‍ले़ मि के़बोङ्‌बा खिरिङ्‌बान् हे़क्‍के खिनिॽ सिक् पोगे़रो खे़ब्‍याङ् खिनिॽ माङ्‌निङ्‌वाॽपान् के़बाःप्‍पाहाॽ के़से़रुम्‍सिम्‍लो॥

सुफो 11:7

खुन्‍छिॽ तोःन्‍दि पिमा सुःत्‍छुआङ् खे़न् कुद्रोःम् मेःन्‍नेबा लुम्‍बाःत्‍लाम् के़लःम्‍बा खे़न् थक्‍साःल्‍ले़ खुन्‍छिॽनु थङ् चोगुॽ, हे़क्‍क्‍याङ् खे़ल्‍ले़ ने़प्‍माङ् नाःन्‍दुसिॽआङ् से़रुसिॽरो॥

१ थिस्‍सलोनिकि 2:15

यहुदिहाॽरे़ग उनाहुरिबा माङ्‌निङ्‌वाॽपान् के़बाःप्‍पाहाॽ मे़से़रुसि, हे़क्‍क्‍याङ् दाङ्‌बा ये़सुःन्‍नाङ् मे़से़रुरो॥ हे़क्‍क्‍याङ् आनिगे़आङ् निङ्‌घुम् मे़मे़त्तिगे़आङ् मे़नाःत्तिगे़ मे़लःत्तिगे़रो॥ खे़ङ्‌हाॽरे़ निङ्‌वाॽफुमाङ्‌ङिल्‍ले़ कुनिङ्‌वाॽ मे़न्‍दाःसुन् हे़क्‍क्‍याङ् के़रे़क् मे़न्‍छाम् याप्‍मिहाॽ मे़अत्तुसिरो॥

मत्ति 14:10

खे़ल्‍ले़चोगुल्‍ले़ पुङ्‌लाहिम्‍मो के़याक्‍पा युहुन्‍नारे़ कुधेगेःक्‍पे़न् खक्‍पाङ्‌घुसिआङ्

इजकिएल 19:6

वेॽ खिरिङ्‌बाहाॽ लुम्‍मो खे़न् ना नु कत्‍ना वये़रो हे़क्‍क्‍याङ् के़धुम्‍बा पोःक्‍खे़आङ् खे़ङ्‌हाॽओ निधाःम्‍सिङ्‌लो॥ खे़न् सा नाःप्‍मा नु सा लप्‍मा हुॽसिङ्‌लो हे़क्‍क्‍याङ् खे़न्‍नाङ् मना के़जाबा पोःक्‍खे़रो॥

यर्मिया 36:30

आल्‍ल यहुदाबा हाङ् यहोयाकिमे़ल्‍ले़ कुयाःम्‍बेओ यहवे दाङ्‌बे़ल्‍ले़ अक्‍खे पाःत्तुॽ, दाउद हाङ्‌ङिल्‍ले़ कुहाङ्‌युक्‍नाओ खे़ल्‍ले़ युङ्‌मा लक् मे़घोसुन्॥ खे़ल्‍ले़ कुजे थक्‍किन् लाःक्‍कात् लाप्‍पुङ् पेःक्‍काङ् मे़ल्‍लुप्‍पे काङ्‌बे़त्—ले़न्‍दिक् नाम्‍गे़सेःक्‍पो निधाःप्‍पाङ् ने़रो हे़क्‍क्‍याङ् से़न्‍दिक् सेःक्‌वाओ सुक्‍पा थक्‍काङ् ने़गन्॥

यर्मिया 26:15

कर खिनिॽ आङ्‌गाॽ याप्‍मि के़से़रिने़भग्र खिनिॽ नु कन् ये़क्‌यक्‍कोबा मनाहाॽ फोत्‍या मेःन्‍नेबा लत्‍छा मना के़से़प्‍पा के़बोःक्‍खिॽ के़लॽबा कन् पाःन्‍निन् से़क्‍खाए खे़प्‍से़म् युक्‍खे़म्‍मे़ॽ थेआङ्‌भे़ल्‍ले़ यहवे दाङ्‌बाल्‍ले़ए खिनिॽ कन् साम्‍दिङ्‌ङिन् पिमानिङ् फाॽआङ् आङ्‌गाॽ पाङ्‌घाङ्‌बा॥”

यर्मिया 22:19

कुसिवे़त् अदङ्‌ङिन् लुप्‍मनाबा हे़क्‍के खे़न् मे़लुप्‍तुरो खे़न् मे़उःक्‍खु मे़धे़मु मे़देॽरुरो हे़क्‍क्‍याङ् यरुसले़ःम्‍मोबा मा लाम्‍धेत् लाःक्‍कात् लाप्‍मे़भुसुरो॥

हिब्रु 11:37

कुभा लुङ्‌ङिल्‍ले़ मे़ले़प्‍तु मे़से़रुसि, कुभा चे़न्‍दिरिःल्‍ले़ मे़जे़रु मे़से़रुसि, कुभाग ताभेःल्‍ले़ मे़जे़प्‍तु मे़से़रुसिरो॥ कुभाग निङ्‌घुम् नु तुक्‍खे मे़ज्‍ये़आङ् चाहाबो मे़वये़ल्‍ले़ मे़ल्‍लुक् नु मे़न्‍दाक् से़होबा चाङ् मे़जाक्‍खु॥

२ हाङ् 23:37

हे़क्‍क्‍याङ् खुने़ॽ कुसुधे़बा कुदाक्‍थे़बाहाॽरे़ मे़जोगुबा कुइसिक् यहवे दाङ्‌बे़ल्‍ले़ कुनिमो आत्तिन् पाःन्‍निन् ताप्‍फे़ःम्‍बा चोगे़ हाबा खे़न्‍ने चोगुरो॥

यर्मिया 22:17

कर खे़ने़ॽग खे़ने़ॽ के़लागिरे़ पाःन्‍निन्‍लक् के़निसुरो॥ हे़क्‍क्‍याङ् खे़ने़ॽ कुदोःप्‍मा मनाहाॽ के़से़रुसिरो आबाङे के़मनाहाॽ साक्‍के़ल्‍ले़क् नु मे़न्‌वाॽमना तुक्‍खे के़जाःत्तुसिरो॥”