यर्मिया 26:20 - लिम्‍बु

²⁰ (वेॽ मना थिक्‍काङ् खे़प्‍मो वये़, खे़ल्‍ले़ यहवे दाङ्‌बे़ल्‍ले़ कुमिङ्‌ङो यर्मियाःल्‍ले़ कुइसिक् कन् ये़क्‌यक्‍किन् नु मे़न्‍छाम् सुवाङ् तक्‍ले़ङ्‌वाओ माङ्‌निङ्‌वाॽपान् पाःत्तुआङ् वये़॥ खे़न् किर्यत-यारिम्‍मो के़युङ्‌बा समायाहरे़ कुस्‍सा उरियाहःन् वये़॥

यर्मिया 26:20 Referans Kwoze

१ सामुए़ल 7:2

कम्‍भलॽरिक् सन्‍दोक्‍किन् किर्यत-यारिम्‍मो यरिक् ये़म्, तङ्‌बेॽ निबोङ् थारिक् युङे़॥ हे़क्‍क्‍याङ् खे़न् ये़म्‍मो के़रे़क् इस्राइलिहाॽ मे़रिङ् मे़धक्‍ते़आङ् यहवे दाङ्‌बे़न् मे़गोःत्तु॥

यहोसु 9:17

कल्‍ले़चोगुल्‍ले़ इस्राइलिहाॽ लाङ्‌मे़घेगे़आङ् सुम्‌यान्‍ले़ खे़ङ्‌हाॽरे़ खुन्‍छिॽ ये़क्‌यक्‍हाॽओ मे़गे़रे़॥ खे़ङ्‌हाॽरे़ खुन्‍छिॽ ये़क्‌यक्‍हाॽग गिबोन, कपिरा, बेरोत र किर्यत-यारिम ने़स्‍से़॥

१ सामुए़ल 6:21

खे़ल्‍ले़चोगुल्‍ले़ खे़ङ्‌हाॽरे़ किर्यत-यारिम के़युङ्‌बा मनाहाॽ इङ्‌घङ् मे़हाक्‍तुसिआङ् मे़मे़त्तुसि, “पलिस्‍तिहाॽरे़ यहवे दाङ्‌बाल्‍ले़ कुमाङ्‌हुप् सन्‍दोक्‍किन् मे़नुःक्‍तु मे़भे़न्‍छुआङ् वाॽ॥ यो ये़ॽआम्‍मे़ॽआङ् खे़न् खे़निॽओ थो तेॽराम्‍मे़ॽओ॥”

यहोसु 18:14

हे़क्‍क्‍याङ् खे़प्‍मोलाम् खे़न् इःन्‍दोन् नाम्‍धा ले़प्‍माङ् पेआङ् लाङ्‌गे़त् ले़प्‍माङ् इरे़र बेथ-होरोन तगाङ्‌बा लाङ्‌गे़त् ले़प्‍माङ्‌बा कोःक्‍मालाम् यहुदारे़ कुमुॽइदाङ्‌साहाॽरे़ खुन्‍छिॽ किर्यत-बाल थारिक् (आम्‍भा कन् किर्यत-यारिम मे़मे़त्तु) के़रे़आङ् ने़स्‍से़॥ नाम्‍धा पिसाङ्‌बा इःन्‍दोन् हाबा कन्‍लो॥

यहोसु 15:60

किर्यत-बाल (खे़न् किर्यत—यारिम) नु रब्‍बा॥ खे़प्‍मोबा पाङ्‌भेॽहाॽनु सोसोरिक् ये़क्‌यक् ने़त्‍छि ने़स्‍से़॥

यर्मिया 2:30

आङ्‌गाॽ खिनिॽ खुम्‍दिङ् पिनिङ् कर खे़ल्‍ले़ खिनिॽ थेआङ् के़म्‍मे़त्तिन्‍लो, आङ्‌गाॽ आघुम्‍दिङ्‌लाम्‍बा खिनिॽ के़न्‍हिन्‍दिन्‍लो॥ कुसाक्‍के़न्‍निल्‍ले़ मि के़बोङ्‌बा खिरिङ्‌बान् हे़क्‍के खिनिॽ सिक् पोगे़रो खे़ब्‍याङ् खिनिॽ माङ्‌निङ्‌वाॽपान् के़बाःप्‍पाहाॽ के़से़रुम्‍सिम्‍लो॥

यर्मिया 36:19

सुहाङ्‌युक्‍पाहाॽरे़ बारुक्‍के़न् मे़मे़त्तु, “खे़ने़ॽ नु यर्मियान् ने़प्‍माङ् के़जिङ्‌ने़सिर पोङ्‌ॽ॥ खे़न्‍छिॽ के़वाॽसिबादे़न्‍निन् आत्तिन्‍नाङ्‌ मे़मे़त्ते़से़न्‍ने़ॽ॥”

१ हाङ् 18:10

यहवे दाङ्‌बा इस्राइलबा आदाङ्‌बारे़ के़निङ्‌वाॽफुमाङ्‌ङिन् कुहिङ्‌वे़त् वाॽबा कुइसिक् आङ्‌गाॽ माङ्‌हे़क्‍कासिङ्‌ङाआङ् पाःत्तुङ्‌ॽ, खे़ने़ॽ कोःप्‍मारे़ लागि आङ्‌गाॽ आन्‍दाङ्‌बे़ल्‍ले़ मे़बाङ्‌घुम्‍बा सुवाङ् आत्तिन्‍नाङ्‌ होप् इग्र आत्तिन् हाङ्‌जुम्‍मिन्‍नाङ् याःक्‍ते़बा होप्॥ हे़क्‍क्‍याङ् आल्‍ल कुभा सुवाङ् इग्र हाङ्‌जुम्‍मो आदाङ्‌बा खे़प्‍मो के़होप् मे़बाःत्तुने़भग्र, खुने़ॽ अक्‍खे मे़त्तुसिआङ् माङ्‌हे़क् चोःक्‍मा पाङ्‌घुसि, ‘आनिगे खे़न् खोमा मे़सुक्‍तुम्‍बे़न्॥’

२ हाङ् 23:37

हे़क्‍क्‍याङ् खुने़ॽ कुसुधे़बा कुदाक्‍थे़बाहाॽरे़ मे़जोगुबा कुइसिक् यहवे दाङ्‌बे़ल्‍ले़ कुनिमो आत्तिन् पाःन्‍निन् ताप्‍फे़ःम्‍बा चोगे़ हाबा खे़न्‍ने चोगुरो॥