यर्मिया 26:10 - लिम्‍बु

¹⁰ हे़क्‍केःल्‍ले़ यहुदाबा लाम्‍लोबाहाॽरे़ कन् पाःन्‍निन् मे़घे़प्‍सु, खे़ब्‍याङ् खे़ङ्‌हाॽ हाङ्‌हिम्‍मोलाम्‍बा माङ्‌हिम्‍मो मे़द्‌ये़ हे़क्‍क्‍याङ् कुसङ् मा ताःक्‍हन् मे़प्‍मनाबा लाम्‍धेःत्तिल्‍ले़ कुबेसाङ् मे़युङ्‌सिङ्॥

यर्मिया 26:10 Referans Kwoze

यर्मिया 36:10

बारुक्‍के़ल्‍ले़ यर्मियाःल्‍ले़ कुबाःन्‍जाक्‍हाॽ साप्‍लाथःङ्‌मोलाम् के़रे़क् मनाहाॽरे़ मे़घे़प्‍सुर निरु पिरुसि॥ खुने़ॽ सुहाङ्‌मिबा सापानरे़ कुस्‍सा गमर्याहःल्‍ले़ माङ्‌हिम्‍मोबा कुयाक्‍फाङ् तगि ये़म्‍सिङ्॥ खे़न् याक्‍फाङ्‌ङिन् माङ्‌हिम्‍मोबा थोसमा लक्‍खुम्‍मो कुसङ् मा लाम्‍धेःत्तिल्‍ले़ कुबेसाङ् ने़स्‍से़॥

इजकिएल 22:27

खे़ने़ॽओबा लाम्‍लोबाहाॽग सानाःत्‍हाॽ कुजक्‍ता कुले़म्‍दा के़जोःक्‍पा पराबाहाॽ हे़क्‍तङ्‌बा मे़जोक्॥ से़क्‍खाःल्‍ले़ खे़ङ्‌हाॽरे़ याङ्‌ले़ लागि मनाहाॽ मे़स्‍ये़रुसिॽ॥

इजकिएल 22:6

“‘इस्राइलबा के़रे़क् लाम्‍लोबाहाॽरे़ खुन्‍छिॽ मुक्‍साम्‍मिल्‍ले़ माक्‍खिॽ मे़से़सुॽ॥

यर्मिया 36:25

एल्‍नातान, दलायाह नु गमर्याहःल्‍ले़ साप्‍कित्तिन् मे़हाःन्‍दे़न्‍ने़ॽ फाॽआङ् हाङ्‌ङिन् पेलि मे़भाक्‍तुआङ् मे़बत्‍छे़साङ् खुने़ॽ खे़ङ्‌हाॽ खे़म्‍घे़म्‍माङ् मे़लाप्‍तुसिन्॥

यर्मिया 26:24

कर सापाने़ल्‍ले़ कुस्‍सा अहिकामे़न्‍नाङ् यर्मियान् ले़क्‍खाङ् पोःक्‍खे़बाल्‍ले़ चोगुल्‍ले़ खुने़ॽ मनाहाॽरे़ खुन्‍छिॽ हुक्‍को से़त्‍छे़ हुक्‍मे़न्‍छुःप्‍तुन्‍लो॥

२ हाङ् 15:35

हे़क्‍केसाङ् कोःक्‍माबा माङ्‌धाःन्‍हाॽ मे़घे़त्तुन् मे़देसुन्॥ मनाहाॽरे़ खे़प्‍मो आल्‍लसाङ् सिदुङ्‌जभा तोःम्‍मा नु सुक्‍पा हाःम्‍मा याःम्‍बक् मे़जोगुर मे़वये़॥ खुने़ॽए यहवे दाङ्‌बे़ल्‍ले़ कुहिम्‍मोबा थोसमा लाम्‍धेःत्तिन् चोगु॥

यर्मिया 26:21

यहोयाकिम हाङ्‌ङिन् नु कुधक्‍तुम्‍बाहाॽरे़ हे़क्‍क्‍याङ् वेॽ सुहाङ्‌युक्‍पाहाॽरे़ उरियाहरे़ कुबाःन्‍निन् मे़घे़प्‍सु खे़ब्‍याङ् हाङ्‌ङिल्‍ले़ खुने़ॽ से़प्‍मा निङ्‌वाॽ चोगु॥ खे़न् पाःन्‍निन् उरियाहःल्‍ले़ खे़प्‍सुआङ् खुने़ॽ किसे़ हे़क्‍क्‍याङ् खे़त्‍छिङ्‌ङाङ् मिस्र लाजेॽ पे॥

यर्मिया 34:10

कल्‍ले़चोगुल्‍ले़ कन् माङ्‌हुप्‍पो के़रे़क् मनाहाॽ हे़क्‍क्‍याङ् खुन्‍छिॽ लाम्‍लोबाहाॽ आबाङे आबाङे खुन्‍छिॽ योग्‍बा योःग्‍माहाॽ से़न्‍लप् पिमासि नु खे़ङ्‌हाॽ याम्‍मो योक् चोःक्‍मासि मेःन् के़लॽबा पाःन्‍नो मे़दे़न्‍दे़ खे़ब्‍याङ् खे़ङ्‌हाॽ चोःक्‌युम्‍भो मे़बिरुसि॥

२ साप्‍मुःन्‍धुम् 27:3

खुने़ॽ यहवे दाङ्‌बे़ल्‍ले़ कुहिम्‍मोबा थोसमा लाम्‍धेःत्ते़न् याम्‍मो चोगु, हे़क्‍क्‍याङ् खुने़ॽए ओफेल कोःक्‍माओबा लुङ्‌धाक्‍किन् याम्‍मो से़त्तु चोगु॥

यर्मिया 20:2

खे़ब्‍याङ् खुने़ॽ माङ्‌निङ्‌वाॽपान् के़बाःप्‍पा यर्मियान् मे़हिप्‍ताङ्‌ल याःन्‍दुसि हे़क्‍क्‍याङ् माङ्‌हिम्‍मोबा थोसमा बेन्‍यामिन मा लाम्‍धेःप्‍पाल्‍ले़ कुबेसाङ् तुरुङ् मे़धे़प्‍ताङ्॥