खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
यर्मिया 25:9 - लिम्बु9 थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥ Gade chapit la |
यर्मिया 25:9
48 Referans Kwoze
थेआङ्भे़ल्ले़ आङ्गाॽ थाङ्गे़त् ले़प्माङ्बा के़रे़क् सुवाङ्हाॽ उःत्तुङ्सिङ्ल पत्तारो॥ “खे़ङ्हाॽरे़ खुन्छिॽ हाङ्हाॽ मे़दारो हे़क्क्याङ् खुन्छिॽ हाङ्युक्नान् यरुसले़म लाःप्मा ताःक्हन्हाॽओ मे़युक्खुरो खे़ब्याङ् खे़ङ्हाॽ के़रे़क् पिसाङ्बा लुङ्धाक्हाॽओ नु यहुदाबा के़रे़क् ये़क्यक् खिरिआङ् मे़युक्खुरो॥
आङ्गाॽ यहवे दाङ्बे़ल्ले़ कन् याःम्बक्किन् चोःक्मारे़ लागि सुत्थो चोःक्मनासिबा थक्सुबाहाॽ मुरा मे़त्तुङ्सिङ्ङाङ् वाॽरो॥ आङ्गाॽ आसाक्के़न् ओःन्धाक्ताम्सिम्मे़ॽ फाॽआङ् थङ् के़जोःक्पा आधक्सुबाहाॽ इङ्जाङ् पिरुङ्सिङ्ङाङ् वाॽरो॥ हे़क्क्याङ् आङ्गाॽ थङ् चोःक्मा नाःन्दुङ्ङिल्ले़ खे़ङ्हाॽ मे़सःत्लो॥”
खे़ब्याङ् यहुदाबा मनाहाॽ अक्खे मे़त्ते़से़ॽ, ‘मुक्साम्दाङ्बा यहवे दाङ्बा इस्राइलिहाॽरे़ खुन्छिॽ निङ्वाॽफुमाङ्ङिल्ले़ अक्खे पाःत्तुॽ—आङ्गाॽ आसे़वारोबा बेबिलोनबा हाङ् नबुकदनेसरे़न् कन् मिस्र लाजेॽओ से़क्खाए तारुङ्ॽ॥ आङ्गाॽ चिक्खुङ्ङाङ् के़ने़बा कन् लुङ्हाॽ सम्धाङ् खुने़ॽ कुहाङ्युक्नान् युक्खुङ्ॽ॥ खुने़ॽ खे़ल्ले़ कुसम्धाङ् कुहाङ् नाम्धेःक्मान् खिङ्घुॽ॥
आङ्गाॽ कोरेसरे़ कुयाःम्बेओ पाःत्तुङ्लो, ‘खे़न् आङ्गाॽ आमे़ल्लुक् के़गम्बारो’ हे़क्क्याङ् खे़ल्ले़ आङ्गाॽ चोःक्मा इःत्तुङ्बा के़रे़क् के़त्तु पिआरो॥ यरुसले़म ये़क्यक्किल्ले़ कुयाःम्बेओ खे़ल्ले़ अक्खे पाःत्तुरो, ‘खे़न् याम्मो मे़जोगुररो,’ खे़ब्याङ् माङ्हिम्मे़ल्ले़ कुयाःम्बेओग, ‘कल्ले़ कुयुक्ना पाङ्यक्किन् मे़युक्खुररो॥’”
“आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—तुरोसरे़ कुदक्ले़ङ्वाओ आङ्गाॽ थाङ्गे़त् ले़प्माङ्लाम् बेबिलोनबा हाङ् नबुकदनेसरे़न् युरुङ्ॽ॥ खुने़ॽग हाङ्हाॽरे़ खुन्छिॽ हाङ्लो हे़क्क्याङ् खुने़ॽ कुअन्हाॽ, कुअन्लाधाहाॽ, कुअन्लाधा के़लोङ्बाहाॽ नु साॽरिक् यरिक् थक्सुबाहाॽ युरुसिॽ॥
आनिगे निङ्मिहाॽ दानबा ये़क्यक्को मे़गे़रे़ मे़द्ये़रो, खे़ङ्हाॽरे़ खुन्छिॽ अन्हाॽ हे़ःक्हे़ःक् मे़लॽरे़बा आनिगे खे़प्सुम्बे़रो॥ खे़न् अन्हाॽ इहे़हे़ मे़लॽइल्ले़ काक् लाजेन् लोःक्खुरो॥ खे़ङ्हाॽ आनिगे लाजेॽओ के़वाॽबा के़रे़क् पाःन्हाॽ, आनिगे ये़क्यक् नु खे़प्मोबा के़रे़क् यक्युङ्बाहाॽ मे़ङ्मासिरे़ लागि खे़ङ्हाॽ कप्मो मे़द्ये़आङ् मे़वाॽरो॥”
“बेन्यामिन मनासे, ताङ्से़ःप्सिङ्मारे़ लागि खे़त्छिङाम्मे़ॽओ यरुसले़ःम्लाम्बा खिनिॽ लःन्दे़म्मे़ॽआङ् खे़त्तासिम्मे़ॽओ! तकोओ मे़ल्लुक् सादाङ्ङिन् मुःत्ते़म्मे़ॽओ! हे़क्क्याङ् बेथ-हक्केरेम्मो मिन् हाःन्दे़म्मे़ॽओ खे़ब्याङ् मिःक्खुलाम् मिक्सेन् पिमा तङ्गाम् चोगे़म्मे़ॽओ! मे़क्मासिमान् खा तार पत्लो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥”
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
थेआङ्भे़ल्ले़ यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़ने़ॽ के़लागि नु के़न्जुम्हाॽरे़ खुन्छिॽ लागि किप्मागे़घुबा मना चोःक्ने़ हे़क्क्याङ् खे़ने़ॽ के़मिक्किल्ले़ कुदगि खे़ङ्हाॽ खुन्छिॽ निङ्मिहाॽरे़ ताभेःल्ले़ मे़ज्ये़प्तु मे़स्ये़रुसिॽ॥ यहुदाबा के़रे़क् यक्युङ्बाहाॽ आङ्गाॽ बेबिलोनबा हाङ्ङिल्ले़ कुहुक्को हुक्सुप्तुङ्सिङ्ॽ, खे़ल्ले़ यरिक्तङ्बा ते़म्सुसिआङ् बेबिलोनओ तेॽरुसि खे़ब्याङ् वेॽहाॽ ताभेःल्ले़ से़रुसिॽ॥
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
खे़ब्याङ् खे़ने़ॽ यहुदाबा हाङ् यहोयाकिमे़न् अक्खे मे़त्ते़ॽ, ‘यहवे दाङ्बे़ल्ले़ अक्खे पाःत्तुॽ, खे़ने़ॽ खे़न् साप्लाथःङ्मे़न् के़हाःन्दु के़देसु, हे़क्क्याङ् के़बाःत्तु, “बेबिलोनबा हाङ्ङिन् फे़न्नाङ् कन् लाजेन् खाप्पुथ्यःङ् चोगुॽ, हे़क्क्याङ् खे़ल्ले़ थक्साहाॽ नु मनाहाॽ से़रुसिॽ फाॽआङ् खे़ने़ॽ थेआङ् खे़प्मो के़साप्तु?”
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ आनागे़हे़म्बा आयाःक्ले़ॽमे़ल्ले़ कन् मे़न्छाम् सुवाङ्हाॽ मिधिक्खुसिॽ, से़क्खाःल्ले़ एदोमे़न् मिधिक्खुॽ, थेआङ्भे़ल्ले़ खे़ङ्हाॽरे़ खुन्छिॽ आप्फेक् लागि मे़सःत्ल चाराम्मादे़न् कुइसिक् आङ्गाॽ आलाजेन् मे़देॽरुआङ् आङ्गाॽ साॽरिक् कुनामे़न्छाॽ मे़मे़त्ताबान् ओसेःन्धाङ् मे़जोगुआङ् वाॽ॥
माङ्निङ्वाॽपान् के़बाःप्पा यर्मियाःल्ले़ पाःत्तुबा यहवे दाङ्बे़ल्ले़ कुबाःन्जाक्के़न् के़प्मारे़ लागि नुबोङ् तङ्बे मे़ङ्गे़त्ते थारिक् इस्राइल लाजेःल्ले़ कुनाःम्सिङ्मा ये़म्मिन् मे़ङ्गाःक्के थारिक् मे़गे़बा के़रे़क् ये़म् खाराक्के नाःम्सिङ्मा सबाथे़न् लाजेःल्ले़ ने़त्तुआङ् ने़स्से़॥
यहवे दाङ्बे़ल्ले़ अक्खे पाःत्तुॽ, “आङ्गाॽ आबाङे आमना इस्राइलिहाॽ युक् चोःक्मारे़ लागि पिरुङ्सिङ्बा इस्राइल लाजेन् पेसाङ्बाहाॽरे़ मे़ङ्मा मे़गोःत्तुॽ आङ्गाॽ खे़ङ्हाॽनु कुभा पान् पाःप्मा कत्तुङ्ॽ॥ आङ्गाॽ खे़न् कुॽइगे़भे़म्बा थिम्मे़न्दङ् सुवाङ्हाॽ कुबुङ् आःङ्मनाबा हे़क्के आःक्खुङ्सिङ्ङाङ् खे़ङ्हाॽरे़ खुन्छिॽ लाजेॽलाम्बा नाःत्तुङ्सिङ्ॽ॥ यहुदाःन्नाङ् आङ्गाॽ खे़ङ्हाॽरे़ खुन्छिॽ लुम्मोलाम् हाॽयाक् आःक्खुङ्ॽ॥
चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?”
यहवे दाङ्बाए, खे़ने़ॽ उनाहुरिआङ्धोए के़न्वाॽने़न्बि? आनिङ्वाॽफुमाङ्ङे, आसेसेबाए, आनिगे आग्से़प्पाबि? यहवे दाङ्बाए, खासे़न् चोःक्मा याःम्बक्ले़ लागि खे़ने़ॽ खे़ङ्हाॽ युक्तिङ् के़जोगुसिआङ् मे़वाॽरो, आसे़ःप्सिङ्मा याक्पेॽए, आनिगे खुम्दिङ् पिमारे़ लागि खे़ने़ॽ खे़ङ्हाॽ माङ्थोःक्ना के़बिरुसिआङ् मे़वाॽरो॥
Piblisite