यर्मिया 25:7 - लिम्बु7 यहवे दाङ्बे़ल्ले़ पाःत्तुॽ, “कर खिनिॽ आबाःन्निन् खे़म्मा के़न्दे़न्दिन्, खे़ल्ले़ कुले़क्वा आबाङे हुक्किल्ले़ के़जोगुम्बा नावाइत्लाहाॽलाम्बा खिनिॽ आङ्गाॽ आसिक् के़भोःक्खुम् हे़क्क्याङ् आबाङे सम्धाङ् खुम्दिङ् के़दारुम्॥ Gade chapit la |
खे़ङ्हाॽरे़ खुन्छिॽ ये़म्बित्छा नु मे़न्छुमा साहाॽ मिओ मिधिङ्मनादेमनाबा सिदुङ्जभा मे़जोगुसि॥ खे़ङ्हाॽरे़ थुम्म्या मे़इसु, हे़क्क्याङ् कित्चाक् मे़जोगु, खम्भ्याङ् यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोगे़ खे़न् चोःक्मारे़ लागि खुन्छिॽ आप्फेक् मे़सङ्सिङ्ङाङ् खुने़ॽ कुसिक् मे़भोःक्खु॥
खे़न् माङ् मे़ःन्बाल्ले़ चोगुल्ले़ खे़ङ्हाॽरे़ कुनागे़हे़म्बा मे़जोगाङ्लो, खे़ङ्हाॽरे़ खुन्छिॽ हने़बा नावाइत्लाहाॽरे़ चोगुल्ले़ खे़ङ्हाॽरे़ आङ्गाॽ आसिक् मे़भोःक्खुरो॥ लत्छा सुवाङ्ङे के़होप्पा मनाहाॽलाम् आङ्गाॽ खे़ङ्हाॽ कुना के़हे़म्बा चोगुङ्सिङ्लो, खासिङ् मे़न्निःप्मनाबा लत्छा सुवाङ्लाम् आङ्गाॽ खे़ङ्हाॽरे़ खुन्छिॽ साक्के़न् फोःक्खुङ्लो॥
“कर के़मनाहाॽरे़ पिफ्युङ् मे़जोगुरो हे़क्क्याङ् खे़ङ्हाॽ इङ्जाङ् मे़न्इःप्मना मे़न्नाःप्मना मे़बोःक्खे़रो, खे़ने़ॽ के़साम्योथिम् इङ्जाङ्लाम्बा खे़ङ्हाॽरे़ खुनिॽ नारान् मे़हिसुरो॥ खे़ने़ॽ ले़प्माङ् नुःङ्मा फाॽआङ् पान् के़मे़प्पा माङ्निङ्वाॽपान् के़बाःप्पाहाॽ खे़ङ्हाॽरे़ मे़से़रुसिरो, ये़त्ले़ङ् खे़ङ्हाॽरे़ खे़ने़ॽ के़जाःत्थि मे़देसुरो॥
कन् मिस्र लाजेॽओ खिनिॽ हुक्किल्ले़ के़जोगुम्सिम्बा नावाइत्लाहाॽओ सुक्पा के़हाःन्दुम्माङ् थेआङ् आङ्गाॽ आसिक् के़भोःक्खुम्बाबे? खिनिॽ आबाङेरक् के़मे़ङ्ङासिॽ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ लागि साक्मुरा माङ्दे नु किनाःन्दि चाहाक् के़जोःक्कासिॽ॥
कर खे़ङ्हाॽ खुने़ॽओए हिमा ताःप्मासिरे़ लागि यहवे दाङ्बे़ल्ले़ माङ्निङ्वाॽपान् के़बाःप्पाहाॽ पाङ्घुसि॥ खे़न् माङ्निङ्वाॽपान् के़बाःप्पाहाॽरे़ खे़ङ्हाॽरे़ खुन्छिॽ आप्तिक्के़न् ओःन्मे़धाक्तुसि, कर खे़ङ्हाॽरे़ माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खे़म्मा मे़न्दे़न्दे़न्॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
“हे़क्क्याङ् मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ खिनिॽ के़मे़त्तिॽ—खिनिॽ आप्फेक् थेआङ् के़मे़ङ्ङासिबाबे? थेआङ्भे़ल्ले़ ये़म्बित्छाहाॽ, मे़न्छुमाहाॽ, इग्र यहुदालाम् के़युबा हिन्जाॽबित्छाॽ, किग्र खिनिॽ लाप्फिःप्माहाॽओबा अङे़ःक्वाहाॽ आत्तिन्हाॽआङ् के़न्हिङिन्ॽ॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥