“आमोनरे़ कुस्सा यहुदाबा हाङ् योसियाहःल्ले़ हाङ्युक् चोगुबा थिबोङ्ङाङ् सुम्सिगेक्पा तङ्बेआङ्धो आइन् थारिक् कन् निबोङ्ङाङ् सुम्सि तङ्बे खाराक् यहवे दाङ्बे़ल्ले़ आङ्गाॽ इङ्घङ् पिआर वाॽ॥ हे़क्क्याङ् आङ्गाॽ खुने़ॽ खे़न् कुबाःन्जाक्किन् खिनिॽ ए़त्ले़ङ् मे़त्निङ्ल वाॽआ॥ कर खिनिॽ थेआङ् निङ्वाॽए मे़म्बिए के़वयि॥”
यर्मिया 25:4 - लिम्बु4 “यहवे दाङ्बे़ल्ले़ कुसे़वारोबा, माङ्निङ्वाॽपान् के़बाःप्पाहाॽ खिनिॽओ पाङ्घुसिरए वाॽ, हे़क्केसाङ् खे़न् पाःन्नो खिनिॽ ने़क्खोॽइन् अयाक् के़म्मे़त्तुम्मिन्॥ Gade chapit la |
यर्मिया 25:4
24 Referans Kwoze
खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥
आङ्गाॽ खे़न् नु कुमुॽइदाङ्साहाॽ हे़क्क्याङ् कुसुहाङ्युक्पाहाॽ खुन्छिॽ फे़न्याःम्बक्किल्ले़ कुले़क्वा खुम्दिङ् पिरुङ्सिङ्ॽ॥ यहुदा नु यरुसले़ःम्बा मनाहाॽओ थासुङ्ॽ फाॽआङ् माङ्हे़क् चोगुङ्बा के़रे़क् मे़क्मासिमे़न् खे़ङ्हाॽओ थासुङ्ॽ, थेआङ्भे़ल्ले़ आङ्गाॽ पिरुङ्सिङ्बा साम्दिङ्हाॽ खे़ङ्हाॽरे़ मे़ङ्घे़प्सुन्लो॥’”
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
कर खे़ङ्हाॽ खुने़ॽओए हिमा ताःप्मासिरे़ लागि यहवे दाङ्बे़ल्ले़ माङ्निङ्वाॽपान् के़बाःप्पाहाॽ पाङ्घुसि॥ खे़न् माङ्निङ्वाॽपान् के़बाःप्पाहाॽरे़ खे़ङ्हाॽरे़ खुन्छिॽ आप्तिक्के़न् ओःन्मे़धाक्तुसि, कर खे़ङ्हाॽरे़ माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खे़म्मा मे़न्दे़न्दे़न्॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
Piblisite