यर्मिया 25:34 - लिम्बु34 खिनिॽ कुॽइगे़भे़म्बा मे़ल्लुक्कम्बासे, खिनिॽ यम्बा इक्लाओ हाबे़म्मे़ॽओ॥ मे़रिङ् थक्नु खाम्हिःक्को होःत्तासिम्मे़ॽओ॥ थेआङ्भे़ल्ले़ खिनिॽ से़प्मा ये़म्मिन् त्ये़आङ् वाॽरो नुबा खे़ःम्बान् हने़ यःप्पा हे़क्के फयःप्फयःप् के़यःप्सिरो॥ Gade chapit la |
यर्मिया 25:34
34 Referans Kwoze
थेआङ् मे़ङ्गप्मनाबा याङ्गे़साॽबाहाॽ के़दोॽरुम्सिम्लो, हे़क्क्याङ् साक्के़ल्ले़क् चा के़म्बिरिर के़याःन्दुम्सिम्लो॥ कल्ले़चोगुल्ले़ खिनिॽ खोःम्मना लक्मनाबा लुङ् हिम्हाॽ के़जोगुम्साङ् खिनिॽ खे़ङ्हाॽओ युङ्मा के़ङ्घोसुम्मिन्लो, खिनिॽ चिनॽनॽ के़लॽबा चे़ल्ले़क्सेॽ इक्ताप्हाॽ के़लेःत्तुम्साङ् खिनिॽ खे़न् चे़ल्ले़क्सेॽ थि थुङ्मा के़ङ्घोसुम्मिन्लो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
यहवे दाङ्बे़ल्ले़ कुदाभेन् माक्खिॽओ हुमे़आङ् वाॽरो, खे़न् सोःत्ते़ल्ले़ पन्छुआङ् पत्लो— मे़ल्लुक् मे़ःन्दा माक्खिल्ले़ हे़क्क्याङ् मे़ल्लुक् मे़ःन्दा ले़म्भेःप्मोबा सोःत्ते़ल्ले़ खे़न् ताभेन् नाःन्दुआङ् पत्लो॥ थेआङ्भे़ल्ले़ बोज्रा ये़क्यक्को यहवे दाङ्बे़ल्ले़ वयागे़न् सिदुङ्जभा चोगुआङ् वाॽरो, हे़क्क्याङ् एदोम्मो यरिक् माक्खिॽसिवा से़सुआङ् वाॽरो॥
मना के़से़प्पा खिनिॽ अस्सेरियाहाॽ, के़जिःत्ति के़स्ये़ॽइरो! कर खे़निॽग हाःत्ले़आङ् मे़न्छे़त्ते के़वयिॽ! चिःत्ते़स्ये़रो, खिनिॽ इङ्ले़क्स्वाबाहाॽ, खिनिॽग हाःत्ले़आङ् इङ्मे़ल्ले़क्के के़वयिरो! मनाहाॽ खे़निॽ मे़ङ्मा के़ले़रुम्सिम्मिल्ले़, खे़निॽआङ् के़म्मे़क्खिरो॥ मनाहाॽ खे़निॽ इङ्ले़क्मा के़ले़रुम्सिम्ॽ, खिनिॽआङ् इङ्ले़क्को के़ध्ये़ॽइरो॥
“आङ्गाॽ आसाक्के़न्निन् मे़ल्लुक्कम्बाहाॽ सम्धाङ् थारो, आङ्गाॽ लाम्लोबाहाॽ खुम्दिङ् पिरुङ्सिङ्लो, थेआङ्भे़ल्ले़ मुक्साम्दाङ्बा यहवे दाङ्बे़ल्ले़ आप्फेक् कुमे़ल्लुक्लुप्, यहुदाबा हिम्सयङ्हाॽ कम्ब्राङ् मे़त्तुसिरो, हे़क्क्याङ् खे़ङ्हाॽ थङ्ङो के़हे़न्छिङ्बा अन् हे़क्तङ्बा चोगुसिरो॥
Piblisite