यर्मिया 25:32 - लिम्बु32 मुक्साम्दाङ्बा यहवे दाङ्बे़ल्ले़ अक्खे पाःत्तुरो, “ओमे़त्ते़म्मे़ॽ, ये़त्तुक्खेन् लत्छा सुवाङ्लाम्बा वेॽसमा सुवाङ् थारिक् पोर पेःक्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओ किप्मागे़घुबा यम्बा सुरित् केजङ्धिक् हुःक्ल पत्लो॥” Gade chapit la |
यर्मिया 25:32
12 Referans Kwoze
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
यहवे दाङ्बे़ल्ले़ के़रे़क् मनाहाॽ खुने़ॽ कुमिमिदिङ्गे़न् कुइक्लान् मे़घे़प्सुर याःन्दुसिरो, हे़क्क्याङ् तिङ्दिङ्गे़न् कुयाःक्ले़ॽमान् निङ्वाॽ मे़घोसुर चोगुसिरो॥ खे़ॽयो साःम्भे ले़क्ल खे़रे़ङ्घुरुङ् लॽआङ् मिधुङ् मिराःक् पोःक्लो, फःन् थाआङ् वहित् साम्मिःत् खइक् खइक् इक्सिङ्लो, खे़ब्याङ् वधोःक्को च्वाःत् हुङ्मना थेसिङ् के़लॽबा आबङ्बङ्बा वहित् थासुरो॥
यहवे दाङ्बे़ल्ले़ अक्खेलॽरिक् उवा चोगुरो, “खे़ल्ले़चोगुल्ले़ खिनिॽ आहाङ्घे़म्मे़ॽओ थिक्यान् आङ्गाॽ पोःक्कारो॥ मे़न्छाम् सुवाङ्हाॽ फुङ्मासि नु हाङ्जुम्हाॽ सुम्मासिरे़ लागि हे़क्क्याङ् खे़ङ्हाॽ सम्धाङ् मि हे़क्तङ्बा आसाक्के़न्निन् थामारे़ लागि आङ्गाॽ निङ्वाॽ निःन्धो चोगुङ्ङाङ् वाॽरो, के़रे़क् इक्सादिङ् खाम्बेःक्मान् आङ्गाॽ आनागे़हे़म्बा मिःल्ले़ खाप्पुथ्यःङ् पोङ्लो॥
खे़ङ्हाॽरे़ खुन्छिॽ तोःङ्हाॽ हासम्सम्बा चोक्लो, हे़क्क्याङ् थङ् चोःक्मारे़ लागि लिओ मे़घिङ्घुआङ् पत्लो॥ खे़ङ्हाॽरे़ खुन्छिॽ अन्हाॽरे़ लाङ्सुःप्पिन् लुङ्से़रुङ्बा कुइसिक् चोक्लो, खे़म्ब्याङ् खे़ङ्हाॽरे़ खुन्छिॽ अन्लाहाॽरे़ काप्लोःक्किङ्ग सुरित् केजङ् हे़क्के के़सुक्पा चोक्लो॥
खे़ङ्हाॽरे़ आबाङे खुन्छिॽ लाःक् नु लिन् हुक्को मे़गत्तुरो खे़ङ्हाॽ कुॽइगे़भे़म्बा नु कुलुङ्माॽ स्याःत् मे़ल्लॽमनाबा मे़जोक्लो॥ खे़ङ्हाॽरे़ग अन्हाॽ मे़युक्तुसिआङ् मे़दारो हे़क्केःल्ले़ खे़ङ्हाॽरे़ खुन्छिॽ लाङ्बुक्किन् वरःङ्ङिन् सःक्पा हे़क्के लॽरो॥ नुमासुक्मा यरुसले़ःम्मिन्नु थक्से़ खे़ङ्हाॽ मे़दार मे़बत्लो॥”
Piblisite