यर्मिया 25:29 - लिम्बु29 आङ्गाॽ खाप्पुथ्यःङ् चोःक्मा के़बोङ्बा याःम्बक्किन् आङ्गाॽ आबाङे आये़क्यक्को हेःक्तुङ्ॽ॥ आनिगे खुम्दिङ् मे़ङ्घोए मे़ले़रिगे़ फाॽआङ् थे खे़ङ्हाॽरे़ मे़इःत्तुबि? मेःन्, खे़ङ्हाॽरे़ खुम्दिङ् मे़घोसुरए पोङ् थेआङ्भे़ल्ले़ आङ्गाॽ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽओ ते़न्धङ् पोङ्ल चोगुङ्ॽ॥ आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽ॥’ Gade chapit la |
यर्मिया 25:29
19 Referans Kwoze
खे़ने़ॽ के़युक्ना साङ्ग्राम्पेदाङ्लाम् खे़प्से़ॽओ, हे़क्क्याङ् खे़न् वेॽ लाजेॽबाल्ले़ नाःक्तुबे़न् पिरे़ॽओ, हे़क्केलॽरिक् खे़ने़ॽ के़मना इस्राइलिहाॽ कुइसिक् इक्सादिङ् खाम्बेःक्मोबा के़रे़क् मनाहाॽरे़ खे़ने़ॽ के़मिङ्ङिन् कुसिङ् मे़निःत्तुआङ् खे़ने़ॽनु मे़गिररो, हे़क्क्याङ् आङ्गाॽ चोगुङ्बा कन् माङ्हिम्मिन् खे़ने़ॽ के़मिङ्ङो चोगुङ्बा फाॽआङ् कुसिङ् मे़निःत्तुररो॥
काप्पो तुम्सा हे़क्क्याङ् थाङ्बे़न्, मे़न्छ्या, मे़न्छुमा नु हिन्जाॽबित्छाॽ के़रे़क् से़रे़म्सिम्मे़ॽ॥ कर मिक्सेन् के़बप्पा आत्तिन्हाॽआङ् मे़सुसे़म्सिम्मे़न्ने़ॽ॥ हाबा कन् माङ्हिम्मोलाम् हेःक्ते़म्मे़ॽ॥” हे़क्केलॽरिक् खे़ङ्हाॽरे़ से़प्मा मे़हेःक्तुसिआङ् नुबोङ् लाम्लोबाहाॽ मे़से़रुसि॥
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
यहवे दाङ्बे़ल्ले़ अक्खे पाःत्तुरो, “आसे़वारोबा याकुबे, खे़ने़ॽ मे़गिसे़न्ने़ॽओ, थेआङ्भे़ल्ले़ आङ्गाॽ खे़ने़ॽनु वाॽआरो॥ आङ्गाॽ खे़ने़ॽ लःत्ने़देने़आङ् के़वाॽबा सुवाङ्हाॽ आङ्गाॽ फुत्लुम् थ्यःङ् तेसुङ्सिङ्लो, कर खे़ने़ॽग फुत्लुम् थ्यःङ् मे़देने़न्लो॥ आङ्गाॽ खे़ने़ॽ हे़न्थिम् याक्ने़रो, कर के़लाॽबा हे़न्थिम् याक्ने़रो, खे़ने़ॽ खुम्दिङ् मे़म्बिए मे़ले़त्ने़न्लो॥”
आङ्गाॽ खिनिॽनु वाॽआरो हे़क्क्याङ् खिनिॽ ताङ्से़ःप्निङ्लो॥ आङ्गाॽग मे़न्छाम् सुवाङ्हाॽओ के़रे़क् पिसाङ् से़निङ्ङाङ् वयाङ्लो, खे़ङ्हाॽ के़रे़क् आङ्गाॽ युम्रे़क् मे़क्खुङ्सिङ्लो कर खिनिॽग आङ्गाॽ मे़मे़ङ्निङ्ङिन्लो॥ हे़क्केसाङ् आङ्गाॽ खिनिॽ खुम्दिङ् मे़म्बिएग मे़ले़त्निङ्ङिन्लो कर खुम्दिङ् पिनिङ्ङिल्ले़ कुदोःप्मा खासे़ःन्नो खुम्दिङ् पिनिङ्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥”
खे़न् एगाङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुॽ—कन् लाजेॽओबा के़रे़क् मनाहाॽ, दाउदरे़ कुमुइदाङ्सालाम्बा हाङ् के़जोःक्पा हाङ्हाॽ, निङ्वाॽफुसाम्बा यक्याबाहाॽ, माङ्निङ्वाॽपान् के़बाःप्पाहाॽ हे़क्क्याङ् यरुसले़ःम्मोबा के़रे़क् यक्युङ्बाहाॽआङ् आङ्गाॽ आसाक्के़न्निल्ले़ के़दिम्बा खोर्यान् थुङ्घुङ्सिङ्ङाङ् मसुङ्सिङ्ॽ॥
यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ, ‘यहुदाबा हाङ्हाॽ नु यरुसले़ःम्मोबा यक्युङ्बासे, मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ खिनिॽ अक्खे के़मे़त्ति, आङ्गाॽ कन् ते़न्नो के़साक्पा ये़त्तुक्खे तारुङ्ॽ खे़ल्ले़ कुयाःम्बेओ के़घे़म्बा के़रे़क्ले़ खुन्छिॽ ने़भाक्वा फिङ्ॽ॥
Piblisite