यर्मिया 25:22 - लिम्बु22 तुरोस नु सिदोनबा के़रे़क् हाङ्हाॽ, वरःङ् नाधाःम्बिबा लाजेॽहाॽओबा के़रे़क् हाङ्हाॽ, Gade chapit la |
यर्मिया 25:22
20 Referans Kwoze
“थाङ्गे़त् ले़प्माङ्बा के़रे़क् लाम्लोबाहाॽ नु के़रे़क् सिदोनिहाॽ वेॽ के़सिबाहाॽनु सोरिक् खे़प्मो मे़ने़स्से़॥ थिक् ये़म्मो खे़ङ्हाॽरे़ मे़जोगुबा किमा यङ्मे़ल्ले़ खे़ङ्हाॽ सिरिङ्ममो थासुसिआङ् मे़वये़॥ आसुसुबा सुवाङ्हाॽ कुइसिक् ताभेःल्ले़ स्ये़रुसिआङ् वये़बा वेॽहाॽनु सोरिक् खे़ङ्हाॽ खे़प्मो मे़ने़स्से़॥ लुम्बाःत्तो के़युबाआङ् के़याक्पा के़रे़क्नु सोरिक् खे़ङ्हाॽ सिरिङ्ममो मे़ध्ये़॥
“नासिगे़न् थक्ला के़गप्पा मे़न्छाम् याप्मिए, बेबिलोनबा नबुकदनेसर हाङ्ङिल्ले़ कुधक्सुबाहाॽ तुरोसरे़ कुदक्ले़ङ्वाओ साॽरिक् साक्ते़र थङ् मे़जोगे़, खे़न् थक्सुबाहाॽरे़ खुन्छिॽ थे़गेःक्हाॽ लिप्सिङ्ङाङ् खल्ले़ःक् ले़ःक्ते़ हे़क्क्याङ् खुन्छिॽ फक्ताङ्हाॽ इॽसिङ्ङाङ् तिःक्ते़आङ् फक्वा चुक्ते़॥ करसाङ् नबुकदनेसरे़न् नु खुने़ॽ कुधक्सुबाहाॽरे़ के़रे़क् खुन्छिॽ याःम्बक्किल्ले़ कुले़क्वा थे़माआङ् नाःम्माआङ् नाप्मा मे़न्छुक्तुसिन्॥
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
तुरोस ये़क्यक्किल्ले़ कुयाःम्बेओ माङ्निङ्वाॽपान्— ले़ङ्हङ् के़जोःक्पा यम्बा वालाधाहाॽओ के़याक्पा मनासे, मे़रिङ् थक्ताम्मे़ॽओ, थेआङ्भे़ल्ले़ तुरोस ये़क्यक्किन् खाप्पुथ्यःङ् पोःक्खे़आङ् ने़रो, हे़क्क्याङ् खे़ॽयो हिम्धाःङ् नु वागप्खेःङ्हाॽ थेआङ् मे़याःक्ते़न्नाङ् मे़ने़ने़न्लो॥ खे़ङ्हाॽरे़ खुन्छिॽ लागि साइप्रसलाम् लत्छा इङ्घङ्धिक् त्ये़आङ् वाॽरो॥
सिदोन नु वरःङ्ङिल्ले़ कुयाओ के़ने़बा हाङ्यक्को के़युङ्बासे, खे़निॽ सिरिङ् मये़म्मे़ॽओ, थेआङ्भे़ल्ले़ वरःङ्ङिल्ले़ अक्खे पाःत्तुआङ् वाॽरो, “आङ्गाॽग अङे़ःक्वा सावाःम्मा तुङ्ङे़ल्ले़आङ् मे़म्दे़म्मे कत्तारो, अङे़ःक्वा साआङ् मे़ङ्गत्ते वाॽआरो॥ हे़क्क्याङ् आङ्गाॽ अङे़ःक्वा ये़म्बित्छा नु मे़न्छुमा साहाॽआङ् मे़न्हिङ् मे़ङ्गुम्से वाॽआरो, खे़ब्याङ् यम्बा यम्माआङ् मे़न्जोःक्सिङ्ङे वाॽआरो॥”
खे़ने़ॽ के़याङ्सा कुन्धेहाॽ नु के़जिगक्वाहाॽ, खे़ने़ॽ के़रे़क् के़नालिबाहाॽ नु के़वादोबाहाॽ, खे़ने़ॽ के़वालाधा के़जोःक्पाहाॽ, के़ले़ङ्हङ्बाहाॽ, हे़क्क्याङ् के़धक्सुबाहाॽ के़रे़क् मे़मे़क्लो॥ खे़ने़ॽ खाप्पुथ्यःङ् के़मे़क्मा ये़न्नो वालाधाओ के़याक्पाहाॽ के़रे़क् कुदिम्बे केःम्बा वरःङ्लुम्मो मे़हुम् मे़लाःत्लो॥
Piblisite