निङ्वाॽफुमाङ्ङिल्ले़ कुहुक्को लत्छा खोर्याधिक् कत्तुरो, खे़न् खोर्याओ कुसाक्के़न्निल्ले़ मारुक् फःम्मना याक्मनाबा कुबुःत्थुङ्वा चिहचिह के़लॽबा सेजङ्वान् कुले़ःम् याक्लो॥ खुने़ॽ खे़न् खोर्यान् हुक्खुरो हे़क्क्याङ् इक्साबा के़रे़क् फे़न्याःम्बक् के़जोःक्पाहाॽरे़ खे़न् खत्त्रे़क् ले़ङ्ल मे़धुङुरो॥
यर्मिया 25:15 - लिम्बु15 यहवे दाङ्बा इस्राइलबा निङ्वाॽफुमाङ्ङिल्ले़ आङ्गाॽ अक्खे मे़त्ताङ्, “आङ्गाॽ आसाक्के़न्निल्ले़ के़दिम्बा लत्छा खोर्याधिक् कॽयो वाॽ॥ आङ्गाॽ खे़ने़ॽ पाङ्ने़बा के़रे़क् मे़न्छाम् सुवाङ्हाॽओ कन् खोर्यान् तेॽरे़ॽ हे़क्क्याङ् खे़ङ्हाॽरे़ मे़धुङुर याःन्दे़से़ॽ॥ Gade chapit la |
यर्मिया 25:15
27 Referans Kwoze
खिनिॽ ताङ्गे़से़ःप्पा यहवे दाङ्बा खिनिॽ निङ्वाॽफुमाङ्ङिल्ले़ अक्खे पाःत्तुॽ, “आसाक्के़न् पोगे़आङ् थेआङ् मे़न्निबे़न्निल्ले़ खिनिॽ पिनिङ्बा चल्लाङ्ना खोर्यान् खे़त्तुङ्ल पत्तारो॥ खिनिॽ लाङ् ए़त्छिङ्ल के़याःम्बा चल्लाङ्ना खोर्यान् आल्लआङ्धो आफाल्ले़आङ् थुङ्मा मे़बोङ्ने़ल्लो॥
खे़न् चल्लाङ्ना खोर्यान् खिनिॽ ताप्फे़ःल्लिक् के़मे़प्पाहाॽ पिरुङ्सिङ्लो, खे़ङ्हाॽरे़ खिनिॽ अक्खे के़म्मे़त्तिआङ् मे़वये़रो, ‘खिनिॽ साम्बोन्नाङ् लम्बे़त् ने़साम्मे़ॽओ आनिगे खिनिॽ सम्धाङ् लाङ्घेगिगे़रो॥ हे़क्क्याङ् खिनिॽ एःक्के़न् खाम्बाङ् कुसिङ् चोगे़म्मे़ॽओ खे़ब्याङ् लाङ्घेःक्मा लाम् हे़क्तङ्बा पोङ्लरो॥’”
आङ्गाॽ मिस्र लाजेन् चिजि खक्खक्पा चोगुङ्ॽ, खम्भ्याङ् वेॽ चिजि खक्खक्पा लाजेॽहाॽरे़ कन् किर्गप् मे़गबुरो॥ कप्मोबा ये़क्यक्हाॽ वेॽ के़धुप्पा के़लुःम्बा ये़क्यक्हाॽरे़ मे़गबु मे़ने़स्सुबा, तङ्बे लिबोङ् थारिक् हाःत्ताङ् के़होप्पा नु चिजि खक्खक्पा पोङ्ॽ॥ आङ्गाॽ मिस्रबा मनाहाॽ माःङ्घाबा लाजेॽहाॽओ फुत्छिङ्ज्याङ् से़सुङ्देसुङ्सिङ्ॽ॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ आनागे़हे़म्बा आयाःक्ले़ॽमे़ल्ले़ कन् मे़न्छाम् सुवाङ्हाॽ मिधिक्खुसिॽ, से़क्खाःल्ले़ एदोमे़न् मिधिक्खुॽ, थेआङ्भे़ल्ले़ खे़ङ्हाॽरे़ खुन्छिॽ आप्फेक् लागि मे़सःत्ल चाराम्मादे़न् कुइसिक् आङ्गाॽ आलाजेन् मे़देॽरुआङ् आङ्गाॽ साॽरिक् कुनामे़न्छाॽ मे़मे़त्ताबान् ओसेःन्धाङ् मे़जोगुआङ् वाॽ॥
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
थे खे़ने़ॽ आबाङे के़लागि पयम् यम्बा पाःन्हाॽ के़गोःत्तुर के़वाॽबि? खे़ने़ॽ हे़क्के मे़जोगे़न्ने़ॽ! आङ्गाॽ के़रे़क् मे़न्छाम् याप्मिहाॽरे़ खुनिॽ सम्धाङ् मे़क्मासिमे़न् तारुङ्ॽ, कर खे़ने़ॽग आत्तान् के़बेःक्साङ् थुम्घो कुइसिक् खे़ने़ॽ के़हिङ्ल याःन्ने़ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥’”
Piblisite