यर्मिया 25:12 - लिम्बु12 “खे़न् नुबोङ् तङ्बे एगाङ् आङ्गाॽ बेबिलोने़न् नु कुहाङ्ङिन् खे़ङ्हाॽरे़ खुन्छिॽ लायोल्ले़ लागि खुम्दिङ् पिरुङ्सिङ्ॽ॥ आङ्गाॽ खे़न् लाजेन् मे़क्खुङ् हे़क्क्याङ् सदादिङ्ले़ लागि खाप्पुथ्यःङ् चोगुङ्ङाङ् ले़रुङ् ने़स्सुङ्ॽ॥ Gade chapit la |
यर्मिया 25:12
26 Referans Kwoze
मुक्साम्दाङ्बा यहवे दाङ्बे़ल्ले़ कन् पाःन्निन् पाःत्तुआङ् वाॽरो, “आङ्गाॽ बेबिलोन ये़क्यक्के़न् आहुम्हुम्बा ले़क्वा पोङ्ल चोगुङ्लो, हे़क्क्याङ् खे़ॽयो फक्थिःम्बाहाॽ याङ्मे़धोःक्लो॥ आङ्गाॽ बेबिलोन ये़क्यक्के़न् ताम्दुःक्खेःल्ले़ तुःक्मनाबा कुइसिक् के़रे़क् पाःन्हाॽ तुगुङ्देसुङ्लो॥”
खे़ल्ले़चोगुल्ले़ यहवे दाङ्बा इस्राइलबा निङ्वाॽफुमाङ्ङिल्ले़ कुमनाहाॽ कम्ब्राङ् के़मे़प्पा मे़ल्लुक्कम्बाहाॽरे़ खुन्छिॽ याःम्बेओ खुने़ॽ अक्खे पाःत्तुॽ, “खिनिॽ आङ्गाॽ आमनाहाॽ कम्ब्राङ् के़म्मे़त्तुम्सिम्मिन्, खिनिॽ खे़ङ्हाॽ फुत्छिङ्ज्याङ् के़जोगुम्सिम्माङ् पुबेलाप्सा के़नाःत्तुम्सिम्॥ आल्ल खिनिॽ ताप्फे़ःम्बा याःम्बक्हाॽरे़ लागि खिनिॽ खुम्दिङ् पिनिङ्ॽ॥
बेबिलोनबा माङ्हाॽरे़ खुन्छिॽ नुप्मे़न् आम्भा कन्लो! थिक् ये़म्मो बेल मे़प्मनाबा नु नेबो मे़प्मनाबा माङ्हाॽ से़वा मे़मे़त्तुसिरो, कर आल्लो खे़ङ्हाॽ पलिःप् पलिःप् लिःप्ल अदङ्हाॽ मे़गुःत्तुसिआङ् वाॽरो, के़नाबा थक्साहाॽरे़ खुन्छिॽ एःक्थाःक्मो खे़ङ्हाॽ साॽरिक् के़लिःप्पा कक् मे़बोःक्खे़आङ् मे़वाॽरो॥
फारसबा हाङ् कोरेसे़ल्ले़ हाङ्युक् चोगुबा थिक्सिगेक्पा तङ्बेओ यर्मियाःल्ले़ पाःत्तुबा यहवे दाङ्बे़ल्ले़ कुबाःन्जाक्के़न् के़प्मारे़ लागि यहवे दाङ्बे़ल्ले़ फारसबा हाङ् कोरेसे़न् कुसिक् के़सम्बा चोगु॥ हे़क्क्याङ् खुने़ॽ कुहाङ्जुम्मो के़रे़क् कुम्ब्राःल्ले़ए पाःत्तुआङ् हे़क्क्याङ् साप्तुआङ् अक्तङ्बा उवा चोगुरो—
मना के़से़प्पा खिनिॽ अस्सेरियाहाॽ, के़जिःत्ति के़स्ये़ॽइरो! कर खे़निॽग हाःत्ले़आङ् मे़न्छे़त्ते के़वयिॽ! चिःत्ते़स्ये़रो, खिनिॽ इङ्ले़क्स्वाबाहाॽ, खिनिॽग हाःत्ले़आङ् इङ्मे़ल्ले़क्के के़वयिरो! मनाहाॽ खे़निॽ मे़ङ्मा के़ले़रुम्सिम्मिल्ले़, खे़निॽआङ् के़म्मे़क्खिरो॥ मनाहाॽ खे़निॽ इङ्ले़क्मा के़ले़रुम्सिम्ॽ, खिनिॽआङ् इङ्ले़क्को के़ध्ये़ॽइरो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
‘खे़ङ्हाॽ के़रे़क् बेबिलोनओ मे़देॽरुॽ हे़क्क्याङ् आङ्गाॽ याम्मो खे़न् कुलासे़ मना मे़म्बाङ्सिङ्ङे थारिक् आम्भा खे़प्मोए याःक्॥ खे़न् एगाङ् आङ्गाॽ खे़न् के़रे़क् याङ्साकुन्धेहाॽ नुःक्तुङ् फे़त्तुङ्ॽ हे़क्क्याङ् यरुसले़ःम्मो याम्मो युक्खुङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥’”
Piblisite