आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
यर्मिया 24:9 - लिम्बु9 आङ्गाॽ खे़ङ्हाॽ इक्सादिङ् खाम्बेःक्मोबा हाङ्जुम्हाॽओ नाःत्तुङ्देसुङ्सिङ्ॽ, खे़प्मो आङ्गाॽ खे़ङ्हाॽ चिःप्मा नु साःप्मा हे़क्क्याङ् एःप्मा नु माङ्दे साङ्ग्रा मे़प्मा चाहाक् चोगुङ्सिङ्ॽ॥ Gade chapit la |
यर्मिया 24:9
29 Referans Kwoze
“कल्ले़चोगुल्ले़ आङ्गाॽ यहवे दाङ्बे़ल्ले़ अक्खे पाःत्तुङ्ॽ, खिनिॽ आङ्गाॽ आइङ्जाङ्ङिन् के़न्इःत्तुम्मिन् के़न्नाःत्तुम्मिन्, हे़क्क्याङ् खिनिॽ इस्राइलबा फुॽनुसाॽहाॽ चोःक्युम्भो के़म्बिरुम्सिम्मे़न्॥ नुॽ, आल्ल आङ्गाॽ खिनिॽ थङ्, साक्वान् नु मिङ्देॽलाम्बा मे़क्मासिमा के़बोङ्बा चोःक्युम्भो पिनिङ्ॽ॥ आङ्गाॽ खिनिॽनु थे़मा चोगुङ्ॽ, खे़न् मे़निसुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ यङ्मा मे़सि॥
यरुसले़ःम्लाम्बा मे़दे़म्सुसिआङ् बेबिलोनओ मे़देॽरुसिबा मनाहाॽरे़ खे़प्मो आत्तिन्हाॽसाङ् साङ्ग्रा माङ्दे मे़प्मासि निङ्वाॽ मे़जोगुल्ले़ खे़ङ्हाॽरे़ अक्खे मे़बाःत्तुॽ, ‘बेबिलोनबा हाङ्ङिल्ले़ कुहिङ्वे़त् मिधिक्खुसिबा सिदकियाहःन् नु आहाबबे़न् कुइसिक् यहवे दाङ्बे़ल्ले़ खे़ने़ॽआङ् के़मे़त्लरो॥’
खे़न् ते़न्हाॽ चिजि खक्खक् नु ओमे़प्मा सुक्मे़न्दे़प्मनाबा मुरे़क् खारे़क्पा ये़ःङ्घादे़न् हे़क्तङ्बा पोङ्ल हे़क्क्याङ् खे़ङ्हाॽरे़ खुन्छिॽ मिङ्ङिन् मे़बाःत्तुआङ् मनाहाॽरे़ साक्मुरा माङ्दे मे़मे़त्तुसिर फाॽआङ् यरुसले़म नु यहुदाबा के़रे़क् ये़क्यक्हाॽ, खे़प्मोबा हाङ्ङिन् नु लाम्लोबाहाॽ के़रे़क् खे़न् खोर्याओलाम्बा आङ्गाॽ थुङ्मा पाङ्घुङ्सिङ्॥ आइन् थारिक्साङ् मनाहाॽरे़ हे़क्केलॽरिक्के साक्मुरा मे़मे़त्तुसिॽ॥
आङ्गाॽ खे़निॽ पिनिङ्बा आलाजेॽओलाम् आङ्गाॽ इस्राइले़न् कुबुङ् थे़र्ले़ हाॽयाक् आःक्खुङ्देसुङ्ॽ हे़क्क्याङ् आङ्गाॽ आमिङ्ङिल्ले़ लागि सेसे चोगुङ्बा कन् माङ्हिम्मिन् नाॽरुङ्ॽ॥ के़रे़क् मे़न्छाम् सुवाङ्हाॽरे़ खुन्छिॽ लुम्मो खे़न् लत्छा चे़ॽया इङ्दो मे़प्मा नु कुनामे़न्छाॽ मे़प्मा चाहाक् चोगुङ्लो॥
“नासिगे़न् थक्ला के़गप्पा मे़न्छाम् याप्मिए, यरुसले़ःम्मिन् खाप्पुथ्यःङ् पोःक्खे़ल्ले़ तुरोसे़न् कुनिङ्वाॽ त्ये़आङ् सःत्ते़आङ् वाॽ, खे़ल्ले़ पाःत्तुॽ, ‘हाहो, खे़न् याङ्साकुन्धेसाबा ले़ङ्हङ् चोःक्मा यम्बा लाम्धेःत्तिन् लुःन्दे़आङ् ने़रो, हे़क्क्याङ् आङ्गाॽग लक्खोमाआरो! खे़न् चिजि खक्खक् मे़जोगुआङ् ने़बाल्ले़ चोगुल्ले़, आङ्गाॽ याङ्सा कुन्धेसामा पोङ्ङारो!’
मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् अम्मोनिहाॽ मे़त्ते़से़ॽ—मुक्साम्दाङ्बा यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ! आङ्गाॽ आहिम्मिन् आसुत्थो मे़जोगुआङ् वये़ल्ले़ खिनिॽ के़सःत्ति, इस्राइले़न् खाप्पुथ्यःङ् पोःक्खे़ल्ले़ खिनिॽ किनाःन्दि के़बिरुम्, हे़क्क्याङ् यहुदान् मे़दे़म्सु मे़देॽरुल्ले़ खिनिॽ के़एरिबाल्ले़ चोगुल्ले़,
मिस्रओ पेःक्माआङ् युङ्मा निङ्वाॽ निःन्धो के़जोःक्पा खे़न् यहुदाओ पक्मे़ध्ये़ मे़याःक्ते़बा मनाहाॽ आङ्गाॽ तेॽरुङ्सिङ्ङाङ् युम्रे़क् मे़क्खुङ्सिङ्ॽ॥ कन् मिस्र लाजेॽओ के़धाबाहाॽ के़रे़क् साक्वान् नु थङ्ङो मे़सिरो॥ खे़ङ्हाॽ चुक्पाआङ्धो यम्बा थारिक्पा के़रे़क् मे़सिरो॥ खे़ङ्हाॽ आप्तिक्साबा, किप्मागे़घुबा, माङ्दे साङ्ग्रा नु किनाःन्दि मे़बिरुसिबा मे़बोङ्ॽ॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
Piblisite