यर्मिया 24:10 - लिम्बु10 आङ्गाॽ खे़ङ्हाॽ नु खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा कन् लाजेॽओ खे़ङ्हाॽ खक्पे़त् मे़म्मे़क्ने़ल्ल थारिक् आङ्गाॽ खे़ङ्हाॽओ थङ्, साक्वान् नु मिन्देहाॽ तारुङ्लो॥” Gade chapit la |
यर्मिया 24:10
27 Referans Kwoze
“खे़ने़ॽ खे़ङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—आङ्गाॽ कुहिङ्वे़त् वाॽआबा कुइसिक्, खे़न् खाप्पुथ्यःङ् के़बोङ्बा ये़क्यक्हाॽओ के़युङ्बाहाॽ ताभेःल्ले़ मे़सिरो॥ हे़क्क्याङ् खे़न् ये़क्यक् लाःक्कात् खाम्बाङ्हाॽओ के़युङ्बाहाॽ चामासिरे़ लागि आङ्गाॽ ताम्भुङ् थक्साहाॽ पाङ्घुङ्सिङ्ॽ॥ खे़न् यक्हाॽओ नु लुङ्फुक्कोहाॽओ के़जिङ्सिङ्बाआङ् के़युङ्बाहाॽ मिङ्देल्ले़ मे़सिरो॥
“कल्ले़चोगुल्ले़ आङ्गाॽ यहवे दाङ्बे़ल्ले़ अक्खे पाःत्तुङ्ॽ, खिनिॽ आङ्गाॽ आइङ्जाङ्ङिन् के़न्इःत्तुम्मिन् के़न्नाःत्तुम्मिन्, हे़क्क्याङ् खिनिॽ इस्राइलबा फुॽनुसाॽहाॽ चोःक्युम्भो के़म्बिरुम्सिम्मे़न्॥ नुॽ, आल्ल आङ्गाॽ खिनिॽ थङ्, साक्वान् नु मिङ्देॽलाम्बा मे़क्मासिमा के़बोङ्बा चोःक्युम्भो पिनिङ्ॽ॥ आङ्गाॽ खिनिॽनु थे़मा चोगुङ्ॽ, खे़न् मे़निसुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ यङ्मा मे़सि॥
कर कुभा मे़न्छाम् सुवाङ् इग्र हाङ्जुम्मिल्ले़ कुघे़ःप्सिङ्ङिन् पङ्मा इग्र कुयुक्को वाॽमा निङ्वाॽ मे़जोगुन्ने़भग्र खे़न् नबुकदनेसरे़ल्ले़ हदॽ मे़मे़क्खुन्ल थारिक् आङ्गाॽ खे़न् मे़न्छाम् सुवाङ्ङो थङ्, साक्वान् हे़क्क्याङ् मिङ्देॽ तारुङ्ङाङ् खुम्दिङ् पिरुङ्ॽ, यहवे दाङ्बे़ल्ले़ पाःत्तुॽ॥
“‘आम्भा कन् ते़न्नो आङ्गाॽ यहुदा नु यरुसले़ःम्मोबा यक्युङ्बाहाॽरे़ चोःक्मा मे़गोःत्तुबान् कुसुम् मे़न्दम्मनाबा चोगुङ्ॽ, खे़ङ्हाॽ खुन्छिॽ निङ्मिहाॽरे़ मे़नाःन्दुसिर याःन्दुङ्सिङ् खे़ब्याङ् खे़ङ्हाॽ आङ्गाॽ ते़न्धङ्ङो मे़क्खुङ्सिङ् हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽ कुजा चामारे़ लागि पिरुङ्सिङ्ॽ॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
खे़ङ्हाॽरे़ खे़ने़ॽ ‘आनिगे आत्तान् पेगिगे़बा’ फाॽआङ् से़ःन्के़म्दोने़भग्र आङ्गाॽ अक्खे पाःत्तुङ्ङाङ् वाॽ फाॽआङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुरो— “‘आत्तिन्हाॽ मिङ्देॽलाम्बा मे़सि, खे़ङ्हाॽ मिङ्देॽओ मे़बेःक्लरो! आत्तिन्हाॽ थङ्ङो मे़सि, खे़ङ्हाॽ थङ्ङो मे़बेःक्लरो! आत्तिन्हाॽ साक्मे़न्जाए मे़सि, खे़ङ्हाॽ साक्वाःन्नो मे़धाररो! हे़क्क्याङ् आत्तिन्हाॽ मे़दे़म्सु मे़देॽरुसि, खे़ङ्हाॽ मे़दे़म्सु मे़देॽरुसिररो!’
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
च्वाःत्तो फःङ्दुःन् ना नु कत्ना वाःन्जो वाःन्जो मुम्बा कुसिङ् यहवे दाङ्बे़ल्ले़ इस्राइले़न् हिप्तुॽ॥ खे़ङ्हाॽरे़ खुन्छिॽ पाधे़बाहाॽ पिरुसिबा कन् नुबा लाजेॽलाम् खुने़ॽ इस्राइलिहाॽ खुन्छिॽ साःप्पोनुए हाॽयाक् आःक्खुदेसुसिॽ, हे़क्क्याङ् खे़ङ्हाॽ युफ्रेतिस वहःङ् नाधाःम्बि फुत्छिङ्ज्याङ् से़सुदेसुसिॽ, थेआङ्भे़ल्ले़ खे़ङ्हाॽरे़ असेरा नावाइत्ला सित्लाङ्हाॽ मे़जोगुसिआङ् यहवे दाङ्बे़ल्ले़ कुस्साक्के़न् मे़भोःक्खु॥
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
“ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥
Piblisite