मनाहाॽ नु मे़न्छाम् सुवाङ्हाॽरे़ खुन्छिॽ लुम्मोलाम् आङ्गाॽ खे़ङ्हाॽ खुन्छिॽ आप्फेक् इस्राइल लाजेॽबा हिम्मो नुःक्तुङ् तारुङ्सिङ्ॽ॥ इस्राइलबा कोःक्मा फाङ्जङ् थे़गु माङ्वाहाॽओ नु पाक्लुम्लुम्बादे़न्हाॽरे़ कुयाओ हे़क्क्याङ् मना के़युङ्बा के़रे़क् ते़न्हाॽओ आङ्गाॽ खे़ङ्हाॽ कुजा चाःत्तुङ्सिङ्ॽ॥
यर्मिया 23:8 - लिम्बु8 कर खे़ङ्हाॽरे़ मे़बाःत्तुॽ, ‘इस्राइलिहाॽरे़ खुन्छिॽ थाःक्हाॽ थाङ्गे़त् पिसाङ्बा लाजेॽ नु वेॽ के़रे़क् लाजेॽहाॽलाम् आत्तान् आत्तान् खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पा के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ खे़ब्याङ् खे़ङ्हाॽ आबाङे खुन्छिॽ लाजेॽओ मे़युङ्लो॥” Gade chapit la |
यर्मिया 23:8
24 Referans Kwoze
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
खे़ब्याङ् आङ्गाॽ यहवे दाङ्बा खुन्छिॽ निङ्वाॽफुमाङ्आ फाॽआङ् आङ्गाॽ आमनाहाॽरे़ निङ्वाॽ मे़घोसुॽ, थेआङ्भे़ल्ले़ आङ्गाॽ खे़ङ्हाॽ लाजेॽलाम् लःत्तुसिङ्ङाङ् माःङ्घा पाङ्घुङ्देसुङ्सिङ् हे़क्क्याङ् हिम्मो याम्मो नुःक्तुङ् तारुङ्सिङ्ॽ॥ आङ्गाॽ आत्तिन् आमनाहाॽआङ् एगाङ् मे़ले़रुङ् मे़धाङ्सिङ्ङिन्ॽ॥
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
कर खे़ङ्हाॽरे़ मे़बाःत्तुॽ, ‘इस्राइलिहाॽ थो पिसाङ्बा लाजेॽ नु वेॽ के़रे़क् लाजेॽहाॽलाम्बा हे़क्क्याङ् आत्तान् आत्तान्लाम्बा खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पाआङ् के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ आङ्गाॽ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा आबाङे खुन्छिॽ लाजेॽओ खे़ङ्हाॽ नुःक्तुङ् तारुङ्सिङ्ॽ॥”
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
आङ्गाॽ खे़ङ्हाॽ थाङ्गे़त्लाम् युरुङ्सिङ्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओलाम्बा सुप्सुङ्सिङ्लो॥ खे़ङ्हाॽरे़ खुन्छिॽ लुम्मो मिक्फःम्बा नु लाङ्सक्पा, हे़क्क्याङ् मे़न्छुक्मा के़वाॽमा नु सागप्मा यारिप् के़बोङ्माहाॽआङ् मे़वाॽरो॥ लत्छा यम्बा चुम्भो मे़बोङ्ङाङ् खे़ङ्हाॽ मे़नुःङ् मे़दारो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “आङ्गाॽ आसे़वारोबा याकुबे़न् पिरुङ्बा लाजेॽ, इस्राइलबा मनाहाॽ आप्फेक् खुन्छिॽ लाजेॽओ याम्मो मे़युङ्ॽ॥ थेआङ्भे़ल्ले़ आङ्गाॽ खे़ङ्हाॽ फुत्छिङ्ज्याङ् से़सुङ्देसुङ्सिङ्ङाङ् मे़वये़बा माःङ्घाबा लाजेॽहाॽओलाम् याम्मो सुप्सुङ्सिङ्ॽ॥ आङ्गाॽ आमनाहाॽरे़ खुन्छिॽ लुम्मो आङ्गाॽ आसेसेन् इक्सादिङ् खाम्बेःक्मोबा मे़न्छाम् सुवाङ्हाॽ ओसेःन्धाक्तुङ्सिङ्ॽ॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
हे़क्क्याङ् आङ्गाॽ खिनिॽ नुःक्निङ् ताःत्निङ्ङिल्ले़ मनाहाॽरे़ अक्खे मे़बाःत्तुॽ, “कन् तगिबा मुरे़क् खारे़क्पा लाजेन् आल्लोग अदनबा सिङ्सेॽइक् हे़क्के लॽ! लाप्मे़देसुबा नु खाप्पुथ्यःङ् के़बोङ्बा ये़क्यक्हाॽओ आल्लो के़धुम्बा लुङ्धाक्हाॽ ये़प् हे़क्क्याङ् मनाहाॽरे़ सधे़क् मे़धिम्सुआङ् ने़रो!”’
Piblisite