यर्मिया 23:6 - लिम्बु6 खे़न् हाङ् वाॽइल्ले़ यहुदाबा मनाहाॽ ताङ्मे़से़ःप्लो हे़क्क्याङ् इस्राइलबा मनाहाॽ थेआङ् मे़ल्लॽए मे़युङ्लो॥ खे़ल्ले़ कुमिङ् ‘यहवे दाङ्बा आनिॽ साम्योबा’ पोङ्लो॥ Gade chapit la |
यर्मिया 23:6
50 Referans Kwoze
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
“आङ्गाॽ यहुदाबा हिम्सयङ्हाॽ के़धुम्बा चोगुङ्सिङ्लो, हे़क्क्याङ् योसेफरे़ कुहिम्सयङ्हाॽ ताङ्से़ःप्तुङ्सिङ्लो॥ आङ्गाॽ खे़ङ्हाॽ याम्मो नुःक्तुङ् तारुङ्सिङ्लो, थेआङ्भे़ल्ले़ आङ्गाॽ खे़ङ्हाॽ लुङ्माॽ तुक्तुङ्सिङ्लो॥ आङ्गाॽ खे़ङ्हाॽ मे़नाॽरुङ्सिङ्ङिन्बा हे़क्तङ्बा मे़बोङ्लो, थेआङ्भे़ल्ले़ आङ्गाॽ यहवे दाङ्बा खुन्छिॽ निङ्वाॽफुमाङ्आरो, हे़क्क्याङ् आङ्गाॽ खे़ङ्हाॽरे़ खुन्छिॽ पेलिगे़न् तुवान् खे़प्सुङ्लो॥
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
खे़न् ये़न्नो आङ्गाॽ खे़ङ्हाॽरे़ खुन्छिॽ लागि ताम्भुङ्ङोबा थक्साहाॽनु हे़क्क्याङ् ताङ्साङ्बोबा पुसाहाॽनु खे़ब्याङ् खाम्बाङ्ङो के़सःन्छिङ्बा थक्साहाॽनु माङ्हुप् चोगुङ्लो॥ खो, ताभे नु थङ्हाॽ आङ्गाॽ लाजेॽलाम् लाःत्लाःत् चोगुङ्लो, हे़क्केलॽरिक् के़रे़क् थाप्थेःक् याम्धेक् ने़मा मे़घोररो॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ खासे़न् चोगुसिरो, हे़क्क्याङ् खुने़ॽ यरिक् मे़न्छाम् सुवाङ्हाॽरे़ खुन्छिॽ खे़माॽइन् तङ्घु पिरुसिरो॥ खे़न् मे़न्छाम् सुवाङ्हाॽरे़ खुन्छिॽ ताभेहाॽ मे़योःन्दुरो हे़क्क्याङ् के़क्चु थोःङ्मा चुगे़ङ् मे़धगुरो खे़म्ब्याङ् खुन्छिॽ ये़न्-लाःक्हाॽ मे़भे़ःत्छुरो हे़क्क्याङ् चा हे़क्मा कात्च्या मे़धगुरो॥ इक्सादिङ् खाम्बेःक्मोबा मे़न्छाम् सुवाङ्हाॽरे़ थङ् चोःक्मारे़ लागि ताभेन् मे़म्भिःक्खुन्लो, हे़क्क्याङ् आल्लआङ्धो खे़ङ्हाॽ याम्मो ते़न्धङ् चोःक्मा फाॽआङ् मे़न्हुॽसिङ्ने़न्लो॥
“आङ्गाॽ, यहवे दाङ्बे़ल्ले़ आसाम्योबा आयाःम्बक् कुइसिक् खे़निॽ उःत्निङ्ङाङ् वाॽरो॥ आङ्गाॽ खे़ने़ॽ के़हुक्किन् ते़म्सुङ्, हे़क्क्याङ् से़ःप्ने़रो, खे़ने़ॽए इक्सादिङ् खाम्बेःक्कोबा मे़न्छाम् सुवाङ्हाॽरे़ लागि माङ्हे़क् चोःक्ने़रो खम्ब्याङ् थिम्मे़न्दङ् सुवाङ्हाॽरे़ खुनिॽ लागि ओःत्ति चोःक्ने़रो॥
इस्राइलओ खे़ङ्हाॽ ताप्थेक् याम्धेक् मे़युङ्ॽ हे़क्क्याङ् हिम्धाःङ्हाॽ मे़जोगुआङ् चे़ल्ले़क्सेॽ इक्ताप्हाॽ मे़लेःत्तुॽ॥ खम्भ्याङ् खे़ङ्हाॽ आप्तिक् के़गुःप्पाआङ् ताप्फे़ःल्लिक् के़मे़प्पा हिम्बेसाङ्बा मे़न्छाम् सुवाङ्हाॽ आङ्गाॽ खुम्दिङ् पिरुङ्सिङ्ङिल्ले़, आङ्गाॽ यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्आ फाॽआङ् खे़ङ्हाॽरे़ निङ्वाॽ मे़घोसुरो॥”
“खे़ल्ले़चोगुल्ले़, नासिगे़न् थक्ला के़गप्पा मे़न्छाम् याप्मिए, खे़ने़ॽ गोगरे़ कुदक्ले़ङ्वाओ माङ्निङ्वाॽपान् पाःत्ते़ॽ॥ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खुने़ॽ मे़त्ते़ॽ—आङ्गाॽ आमना इस्राइलिहाॽ खुन्छिॽ लाजेॽओ हाङ्हाङ् लॽरिक् सनारुङ् मे़युङ्ङिल्ले़, खे़ने़ॽ आप्फेक् निङ्वाॽ के़न्हे़त्छिङ्ङे़न्बि?
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
Piblisite