यर्मिया 23:5 - लिम्बु5 यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो, Gade chapit la |
यर्मिया 23:5
49 Referans Kwoze
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
यहवे दाङ्बे़ल्ले़ अक्खे पाःत्तुॽ—आङ्गाॽ यहवे दाङ्बे़ल्ले़ खिनिॽ कुदोःप्मा खासे़न् लोःम्मा नु के़लाॽबा याःम्बक् चोःक्मा इङ्जाङ् पिनिङ्ल पत्ता॥ मे़नाप्तुसिबाहाॽ के़घुम्बाहाॽरे़ खुन्छिॽ हुक्कोलाम्बा से़ःप्ते़म्सिम्मे़ॽ॥ वेॽ लाजेॽबा मे़न्छाम् सुवाङ्, ये़त्छाबासाहाॽ हे़क्क्याङ् मेमेदुमाहाॽ ताप्फे़ःल्लिक् नु मे़न्वाॽमना मे़मे़त्ते़म्सिम्मिन्ने़ॽ॥ कन् सेसेबादे़न्नो फोत्या मे़ःन्नेबाहाॽ मे़से़रे़म्सिम्मिन्ने़ॽ॥
“कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥
“कुस्साकुए मेःन्ने लुगे़बा हे़क्के कन् मनाःल्ले़ कुमिङ्ङिन् साप्ते़ॽओ कुहिङ्मन्नो खे़न् कुलिङ्दो मे़ङ्गे़प्मनाबा पोङ्लो॥ थेआङ्भे़ल्ले़ खे़ल्ले़ आत्तिन् कुस्साहाॽआङ् कुस्साङ् के़लबा मे़म्बोङ्ने़न्लो खे़ल्ले़ आत्तिन् कुमुॽइदाङ्साहाॽआङ् दाउद हाङ्ङिल्ले़ कुहाङ्युक्नाओ युङ्मा मे़ङ्घोने़न्लो इग्र यहुदाओ हाङ्चोःक्मा मे़ङ्घोने़न्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥”
वेॽहाॽरे़ खुन्छिॽ हिम्हाॽनुःल्ले़ नुबा साम्माङ्सिङ्ङिल्ले़ हिम् के़जोगुसाङ् कर खे़ल्ले़ खे़ने़ॽ नुबा हाङ् के़म्बोङ्ने़न्लो खे़ने़ॽ के़म्बा कुहिङ्हिङ् कुनिङ्वाॽ त्ये़आङ् वये़रो, खुने़ॽ आभे़ल्ले़साङ् कुदोःप्मा खासे़न् नु के़वाॽबा याःम्बक् चोगुरो हे़क्क्याङ् खुने़ॽ हुक् केःत्तुबा के़रे़क् याःम्बक्हाॽ चोःक्मा थाःत्तुरो॥
“आङ्गाॽ, यहवे दाङ्बे़ल्ले़ आसाम्योबा आयाःम्बक् कुइसिक् खे़निॽ उःत्निङ्ङाङ् वाॽरो॥ आङ्गाॽ खे़ने़ॽ के़हुक्किन् ते़म्सुङ्, हे़क्क्याङ् से़ःप्ने़रो, खे़ने़ॽए इक्सादिङ् खाम्बेःक्कोबा मे़न्छाम् सुवाङ्हाॽरे़ लागि माङ्हे़क् चोःक्ने़रो खम्ब्याङ् थिम्मे़न्दङ् सुवाङ्हाॽरे़ खुनिॽ लागि ओःत्ति चोःक्ने़रो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
के़माबा, खे़न् के़ले़ङ्बा के़बेःक्पाहाॽ आङ्गाॽ कोःत्तुङ्सिङ्ॽ, हे़क्क्याङ् से़ःप्तुङ्सिङ्ङाङ् खे़ङ्हाॽ याम्मो हिम्मो तारुङ्सिङ्ॽ॥ आङ्गाॽ के़गाःम्बाहाॽ सिदाॽपाङ्दाॽ खेःक्खुङ् पिरुङ्सिङ्ॽ हे़क्क्याङ् मे़न्धुम्मनाबाहाॽ के़धुम्बा चोगुङ्सिङ्ॽ॥ कर आङ्गाॽ खे़न् के़मे़ॽबाहाॽ नु के़धुम्बाहाॽ मे़क्खुङ्सिङ्ॽ॥ आङ्गाॽ खे़ङ्हाॽ कुजा चाःत्तुङ्सिङ्ॽ, ओवा आङ्गाॽ खे़ङ्हाॽ कुदोःप्मा खासे़न् चोगुङ्सिङ्ॽ!
Piblisite