यहवे दाङ्बे़ल्ले़ आङ्गाॽ मे़त्ताङ्, “यर्मियाए, आमनाहाॽरे़ खुनिॽ लुम्मो कुभारे़ इग्र कुभा माङ्निङ्वाॽपान् के़बाःप्पाहाॽरे़, निङ्वाॽफुसाम्बाहाॽरे़ खे़ने़ॽ ‘यहवे दाङ्बे़ल्ले़ थे़मा के़लिःप्पा कक् के़गुःत्ते़आङ् वाॽ?’ लॽरिक् से़ःन्गे़म्लाप्ने़भग्र खे़ने़ॽ खे़ङ्हाॽ अक्खे मे़त्ते़से़ॽ, ‘खिनिॽए निङ्वाॽफुमाङ्ङिल्ले़ के़लिःप्पा कुगक्निङ् हे़क्क्याङ् खुने़ॽ के़नाॽरि॥’
यर्मिया 23:39 - लिम्बु39 आङ्गाॽ से़क्खाए खे़निॽ निङ्वाॽ फेःन्निङ्ॽ हे़क्क्याङ् खे़निॽ नु खे़निॽ पाधे़बाहाॽ पिनिङ्बा ये़क्यक्किन्नु सोसोरिक् खे़निॽ खम्निङ्ङाङ् आङ्गाॽओलाम् माःङ्घा लाप्फुनिङ्ॽ॥ Gade chapit la |
यर्मिया 23:39
30 Referans Kwoze
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
थेआङ्भे़ल्ले़ आङ्गाॽ एफ्राइमरे़ कुलागि खिरिङ्बा नु यहुदाःल्ले़ कुहिम्सयङ्ङिल्ले़ लागि यम्बा खिरिङ्बा हे़क्तङ्बा पोङ्ङारो॥ आङ्गाॽए खे़ङ्हाॽ ताराक् ताराक् साःक्सुङ्सिङ्लो खम्भ्याङ् आङ्गाॽ आलाम्मो थासिङ्ङारो, आङ्गाॽ खे़ङ्हाॽ पक्खुङ् तेॽरुङ्सिङ्लो हे़क्क्याङ् खे़ङ्हाॽ के़से़ःप्पा हाःत्ताङ् मे़होप्लो॥
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
काप्पो तुम्सा हे़क्क्याङ् थाङ्बे़न्, मे़न्छ्या, मे़न्छुमा नु हिन्जाॽबित्छाॽ के़रे़क् से़रे़म्सिम्मे़ॽ॥ कर मिक्सेन् के़बप्पा आत्तिन्हाॽआङ् मे़सुसे़म्सिम्मे़न्ने़ॽ॥ हाबा कन् माङ्हिम्मोलाम् हेःक्ते़म्मे़ॽ॥” हे़क्केलॽरिक् खे़ङ्हाॽरे़ से़प्मा मे़हेःक्तुसिआङ् नुबोङ् लाम्लोबाहाॽ मे़से़रुसि॥
इस्राइलबा कोःक्मा फाङ्जङ् थे़गु माङ्वासे, मुक्साम्दाङ्बा यहवे दाङ्बालाम् कन् इङ्घङ्ङिन् खे़प्से़म्मे़ॽ॥ मुक्साम्दाङ्बा यहवे दाङ्बे़ल्ले़ आप्फेक्के कोःक्मा फाङ्जङ्हाॽ, थे़गु माङ्वाहाॽ हे़क्क्याङ् पाक्लुम्लुम्बा नु ने़ने़बादे़न्हाॽ अक्खे मे़त्तुसिॽ—आङ्गाॽ खिनिॽ सम्धाङ् ते़न्धङ् ताःप्मा चोगुङ्ॽ, खे़ब्याङ् खिनिॽओ के़ने़बा नावाइत्ला से़वा मे़प्मादे़न्हाॽ फयःप्फयःप् यःप्सुङ्ॽ॥
यरुसले़म नु यहुदाबा मनाहाॽरे़ खुन्छिॽ तक्ले़ङ्वाओ यहवे दाङ्बे़ल्ले़ कुसाक्के़न्निल्ले़ चोगुल्ले़, कुनुप्मो खुने़ॽ कुदगिलाम् खे़ङ्हाॽ वेॽ लाजेॽओ मे़लःत्तुन् मे़देसुसिन्ल हे़क्क्याङ् मे़न्दे़म्सुन् मे़न्देॽरुसिन्ल थारिक् कन् पाःन्हाॽ पोःक्खे़॥ सिदकियाहःल्ले़ बेबिलोनबा नबुकदनेसर हाङ्ङिल्ले़ कुदक्ले़ङ्वाओ पिफ्युङ् चोगु॥
आङ्गाॽ खे़न् नु कुमुॽइदाङ्साहाॽ हे़क्क्याङ् कुसुहाङ्युक्पाहाॽ खुन्छिॽ फे़न्याःम्बक्किल्ले़ कुले़क्वा खुम्दिङ् पिरुङ्सिङ्ॽ॥ यहुदा नु यरुसले़ःम्बा मनाहाॽओ थासुङ्ॽ फाॽआङ् माङ्हे़क् चोगुङ्बा के़रे़क् मे़क्मासिमे़न् खे़ङ्हाॽओ थासुङ्ॽ, थेआङ्भे़ल्ले़ आङ्गाॽ पिरुङ्सिङ्बा साम्दिङ्हाॽ खे़ङ्हाॽरे़ मे़ङ्घे़प्सुन्लो॥’”
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
कर खे़ङ्हाॽरे़ अक्खे मे़बाःत्तु, ‘कङ्ग यहवे दाङ्बे़ल्ले़ के़लिःप्पा कुगक्लो!’ खे़ब्याङ् खे़ने़ॽ अक्खे के़मे़त्तुसिर पोङ्ॽ, ‘यहवे दाङ्बे़ल्ले़ अक्खे पाःत्तुॽ—आङ्गाॽ कन् पाःन्निन् मे़बाःत्ते़म्मिन्ने़ॽ मे़त्निङ्साङ् “यहवे दाङ्बे़ल्ले़ के़लिःप्पा कुगक्” के़लॽबा पाःन्निन् खिनिॽ के़बाःत्तुम्,
कल्ले़चोगुल्ले़ खुने़ॽ पाःत्तु—“आङ्गाॽ आक्खेलॽरिक् इस्राइले़न् लःत्तुङ्दे़सुङ्ङाङ् वये़, हे़क्केलॽरिक्के यहुदाःन्नाङ् आङ्गाॽ आदगिलाम् लःत्तुङ्देसुङ्ॽ॥ हे़क्क्याङ् आङ्गाॽ सेगुङ्बा यरुसले़म ये़क्यक्किन् नु आङ्गाॽ आमिङ्ङिन् खे़प्मो वाॽ फाॽआङ् पाःत्तुङ्ङाङ् वये़बा खे़न् माङ्हिम्मिन् आङ्गाॽ नाॽरुङ्लो॥”
Piblisite