यर्मिया 23:32 - लिम्बु32 आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥” Gade chapit la |
यर्मिया 23:32
24 Referans Kwoze
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
मुक्साम्दाङ्बा यहवे दाङ्बे़ल्ले़ यरुसले़ःम्मोबा मनाहाॽ अक्खे मे़त्तुसिरो, “माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खिनिॽ मे़घे़प्से़म्मिन्ने़ॽओ, खे़ङ्हाॽरे़ खिनिॽ इङ्ले़क् निङ्साङ् चोःक्मा के़म्बाङ्घिरो॥ खे़न् पाःन्हाॽ यहवे दाङ्बे़ल्ले़ पाःत्तुबा मेःन्लो कर खे़ङ्हाॽरे़ आबाङे मुरा नु निङ्वाॽओबा पाःन्हाॽ खिनिॽ के़म्जे़क्तिरो॥
नावाइत्लाहाॽरे़ इङ्ले़क्पा पान् मे़बाःत्तुरो, हे़क्क्याङ् कित्चाक् के़जोःक्पाहाॽरे़ इङ्ले़क्पा सुफोहाॽ मे़निसुरो, खम्भ्याङ् मे़न्वाॽमनाबा से़प्माङ्हाॽ मे़बाःत्तुरो, खे़ङ्हाॽरे़ कुसुम् मे़न्दम्मनाबा आःन्छिङ्मा मे़बिरुसिरो॥ कल्ले़चोगुल्ले़ मे़ल्लुक्कम्बाहाॽ मे़सुःम्बाल्ले़ चोगुल्ले़ तुक्खे मे़जाःत्तुसिबा मे़ल्लुक्हाॽ कुइसिक् मनाहाॽ ताप्मे़बे़ॽरो॥
Piblisite