आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
यर्मिया 23:25 - लिम्बु25 “कन् माङ्निङ्वाॽपान् के़बाःप्पाहाॽरे़ अक्खे मे़बाःत्तुबान् खे़प्सुङ्ङाङ् वाॽ ‘आन्देन् से़न्दिक् निङ्वाॽफुमाङ्लाम् से़प्माङ्धिक् माक्तुम्बे़आङ् वाॽ! से़प्माङ्धिक् माक्तुम्बे़आङ् वाॽ!’ खे़ब्याङ् खे़ङ्हाॽ आङ्गाॽ आमिङ्ङो इङ्ले़क् पाःप्मारे़ लागि मे़बेःक्लो॥ Gade chapit la |
यर्मिया 23:25
24 Referans Kwoze
यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, “खिनिॽ लुम्मो के़वाॽबा माङ्निङ्वाॽपान् के़बाःप्पाहाॽ इग्र ताःन्दि के़दाबा पाःन्हाॽ आनिगे आल्लोसा पाःप्मा सुक्तुम्बे़ लॽरिक् पान् के़धक्पा वेॽ मनाहाॽरे़ खुन्छिॽ इङ्ले़क्को मे़ध्ये़म्मे़न्ने़ॽ॥ खिनिॽ आबाङे के़इःत्तुम्माङ् के़माक्तुम्बा से़प्माङ्बा पाःन्नो निङ्वाॽ मे़बिरे़म्मिन्ने़ॽ॥
“माङ्निङ्वाॽपान् के़बाःप्पे़ल्ले़ से़प्माङ् माक्तुआङ् वाॽने़भग्र खे़ल्ले़ से़प्माङ्बा पाःन्लक् पाःत्तुररो कर माङ्निङ्वाॽपान् के़बाःप्पाल्ले़ आबाःन्जाःक्किन् खे़प्सुआङ् वाॽने़भग्र खे़ल्ले़ आबाःन्जाःक्किन् नसाःन्साबा पोङ्ङाङ् पाःत्तुररो॥ सिःन्नु सिलाङ्ङिन् तङ्मा सुक्ते़त्पि?
खे़ल्ले़चोगुल्ले़ दाङ्बाल्ले़ कुनुःङ्मा युःमा ये़म्मिन्नुःल्ले़ तगि वेॽहाॽ खासे़न् मे़लोःन्दे़म्सिम्मिन्ने़ॽ, खुने़ॽए खादाम्मोबा फे़न् पाःन्हाॽ से़न्दाङ्गे़न् ओःत्तिओ तारुॽ हे़क्क्याङ् मे़न्छाम् निङ्वाॽओबा सिबिॽ पाःन्हाॽआङ् ओसेःन्दाङ् चोगुॽरो॥ खे़न् ये़म्मोए के़रे़क्ले़ निङ्वाॽफुमाङ्लाम् खुनिॽ ने़म्भोगे़न् नारा फोमान् मे़घोसुॽरो॥
आङ्गाॽ आने़क्खोन् हङ् मे़त्तुङ्ङाङ् पान् खे़प्सुङ्लो, खे़ङ्हाॽग से़क्खा पान् मे़म्बाःप्ने़न्लो॥ कन्हाॽ लत्छाआङ् आबाङे ताप्फे़ःम्बा लायो चोःक्मालाम् मे़हिन्दे़बा होप्लो, खे़ङ्हाॽओ लत्छा थिक्ले़आङ् ‘आङ्गाॽ ताप्फे़ःम्बा चोगुङ्’ फाॽआङ् मे़इःत्तुबा होप्लो॥ अन्निन् थङ्ङो तगि लोःक्काङ् पेःक्लो खे़न् हे़क्के कन्हाॽ के़रे़क् आबाङे लाम्मो मे़धासिङ् मे़बेबान् मे़बेबाए मे़बोःक्खे़रो॥
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
कर हे़क्के इतुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ् अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वान् सेसेमाङ्ङिल्ले़ कुमुक्साम्लाम्बा हाङ्सिङ्बारो॥
खे़ङ्हाॽरे़ मे़दुमुबा याक्नाम्मिन् अक्तङ्बाए पोङ् थेआङ्भे़ल्ले़ खे़ङ्हाॽरे़ इस्राइलओ किप्मागे़घुबा लायोहाॽ मे़जोगुआङ् वाॽ, खे़ङ्हाॽरे़ आबाङे हिम्बेसाङ्बा चुम्मिल्ले़ कुमेःत्तिन्नु चाराम्मा याःम्बक् मे़जोगु हे़क्क्याङ् आमिङ्ङो इङ्ले़क्पा पान् मे़बाःत्तुआङ् मे़वाॽ॥ कन् याःम्बक्हाॽ आनिङ्वाःल्ले़ कुदक्ले़ङ्वाओ वये़॥ खे़ङ्हाॽरे़ हे़न् मे़जोगुआङ् मे़वाॽ, खे़न् आङ्गाॽ निसुङ्ॽ खे़ब्याङ् खे़ङ्हाॽरे़ खुन्छिॽ तक्ले़ङ्वाओ आङ्गाॽ साखि पोःक्खाङ्ङाङ् वाॽआ॥ आङ्गाॽ यहवे दाङ्बे़ल्ले़ अक्खे पाःत्तुङ्ङाङ् वाॽरो॥”
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
आङ्गाॽ चिःत्तुङ्बा पाःन्निन् खे़ने़ॽ के़जोगुर के़वाॽरो खे़न् आङ्गाॽए निसुङ्ङाङ् वाॽरो॥ खे़ने़ॽ कोःक्मा फाङ्जङ् नु ने़ने़बादे़न्नो याम्गे़सिङ्बा याःम्बक्हाॽ के़जोगुरो, खे़ने़ॽ चाराम्मा, याम्बोःप्मा याःम्बक् हे़क्क्याङ् के़त्निमान्नु के़गाम्सिङ्बान् निसुङ्ङाङ् वारो॥ यरुसले़ःम्मो के़युङ्बासे, के़जिःत्ति के़स्ये़ॽइरो, खिनिॽ से़क्खाए के़मे़गिरो, खिनिॽ आप्फाल्ले़ थारिक् आसुत्थो के़बोःक्खिबाबे?”
यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़न् माङ्निङ्वाॽपान् के़बाःप्पाहाॽ पाङ्घुसिबा मेःन्! खे़ङ्हाॽरे़ आङ्गाॽ आमिङ्ङो खिनिॽनु इङ्ले़क्पा पान् मे़बाःत्तुर मे़बत्, खे़ल्ले़चोगुल्ले़ आङ्गाॽ खिनिॽ कन् लाजेःन्लाम् नाःत्निङ्दे़निङ्॥ खिनिॽ के़रे़क् के़स्ये़ॽइ॥ खिनिॽ हे़क्क्याङ् कन् माङ्निङ्वाॽपान् के़बाःप्पाहाॽ के़रे़क् के़मे़गिॽ॥’”
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
हे़क्क्याङ् आरसाङ् कुभारे़ माङ्निङ्वाॽपान् पाःत्तुने़भग्र, खुने़ॽ सागे़वाःम्बा कुम्मा कुम्बासिरे़ए खे़न् अक्खे मे़मे़त्तुॽ, ‘खे़ने़ॽ सिमाए पोङ्ॽ, थेआङ्भे़ल्ले़ खे़ने़ॽ यहवे दाङ्बे़ल्ले़ कुमिङ्ङो इङ्ले़क् के़बाःत्तुआङ् वाॽ॥’ खे़ल्ले़ माङ्निङ्वाॽपान् पाःत्तुल्ले़ खुने़ॽ सागे़वाःम्बा कुम्मा कुम्बासिरे़ खे़न् फ्याक् लस्सुर मे़धुबुॽ॥”
Piblisite