खे़ङ्हाॽरे़ मे़दुमुबा याक्नाम्मिन् अक्तङ्बाए पोङ् थेआङ्भे़ल्ले़ खे़ङ्हाॽरे़ इस्राइलओ किप्मागे़घुबा लायोहाॽ मे़जोगुआङ् वाॽ, खे़ङ्हाॽरे़ आबाङे हिम्बेसाङ्बा चुम्मिल्ले़ कुमेःत्तिन्नु चाराम्मा याःम्बक् मे़जोगु हे़क्क्याङ् आमिङ्ङो इङ्ले़क्पा पान् मे़बाःत्तुआङ् मे़वाॽ॥ कन् याःम्बक्हाॽ आनिङ्वाःल्ले़ कुदक्ले़ङ्वाओ वये़॥ खे़ङ्हाॽरे़ हे़न् मे़जोगुआङ् मे़वाॽ, खे़न् आङ्गाॽ निसुङ्ॽ खे़ब्याङ् खे़ङ्हाॽरे़ खुन्छिॽ तक्ले़ङ्वाओ आङ्गाॽ साखि पोःक्खाङ्ङाङ् वाॽआ॥ आङ्गाॽ यहवे दाङ्बे़ल्ले़ अक्खे पाःत्तुङ्ङाङ् वाॽरो॥”
यर्मिया 23:14 - लिम्बु14 कर यरुसले़ःम्मो के़वाॽबा माङ्निङ्वाॽपान् के़बाःप्पाहाॽओ आरसाङ् याम्गे़सिङ्बा याःम्बक् मे़जोगुबा आङ्गाॽ निसुङ्ङाङ् वाॽरो॥ खे़ङ्हाॽरे़ याम्बोःप्मा याःम्बक् नु नुबा ले़ङ्सिङ्मा, फे़न्याःम्बक् मे़जोगुरो ताप्फे़ःम्बा याःम्बक् के़जोःक्पा मनाहाॽ कुभाॽ मे़बिरुसिरो खे़ल्ले़चोगुल्ले़ आत्तिन्हाॽरे़आङ् फे़न्याःम्बक् चोःक्मा मे़न्ले़रुन्लो॥ आलागि खे़ङ्हाॽ के़रे़क् सदोम हे़क्तङ्बा नु यरुसले़ःम्बा मनाहाॽ गमोराबा हे़क्के ताक्के़भे़ॽबा मे़बोःक्खे़आङ् मे़वाॽरो॥” Gade chapit la |
यर्मिया 23:14
45 Referans Kwoze
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
सदोम नु गमोराःन् खाप्पुथ्यःङ् पोःक्खे़बा कुइसिक् हे़क्क्याङ् खे़न् पेसाङ्बा पाङ्जुम्हाॽ खाप्पुथ्यःङ् पोःक्खे़बा कुइसिक् कन् ये़क्यक्किन्नाङ् खाप्पुथ्यःङ् पोङ्लो,” यहवे दाङ्बाल्ले़ अक्खे पाःत्तुरो॥ “खे़प्मो आत्तिन्हाॽआङ् मे़न्वाॽने़न्लो, कप्मो हाःत्छिआङ् मे़न्युङ्ने़न्लो॥
हुक्पक् थिक्ने़त्छि हःक्सि इग्र कुघे़ःक् थिक्ने़त्छि खरे़ःङ्ले़ लागि आङ्गाॽ आमनाहाॽरे़ खुन्छिॽ लुम्मो खिनिॽ आङ्गाॽ आजाःत्थि के़देसुम्॥ इङ्ले़क्पा पाःन्हाॽ खे़म्मा कुसिराॽ के़धाङ्बा आमनाहाॽ खिनिॽ इङ्गे़ले़क्तुम्सिम्माङ् सिमा मे़म्बोङ्मनाबा आमनाहाॽ खिनिॽ के़से़रुम्सिम्ॽ, हे़क्क्याङ् हिङ्मा मे़न्याःप्मनाबा मनाहाॽनु हिङ्मारे़ लागि माङ्हुप् के़जोगुम्ॽ॥
यहवे दाङ्बे़ल्ले़ कुमिङ्ङो खिनिॽ इङ्ले़क् पान् के़मे़प्पा कोलायाहःल्ले़ कुस्सा आहाबे़न् नु मासेयाहःल्ले़ कुस्सा सिदकियाहःल्ले़ खुन्छिॽ याःम्बेओ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुआङ् वाॽ, “आङ्गाॽ खे़ङ्हाॽ बेबिलोनबा हाङ् नबुकदनेसरे़ल्ले़ कुहुक्को पिरुङ्सिङ्ॽ हे़क्क्याङ् नबुकदनेसरे़ल्ले़ खिनिॽ तगि मिक्किल्ले़ के़निसुम्ल खे़ङ्हाॽ से़रुसिॽ॥
याकुबरे़ कुभे़न् याःम्बक्हाॽरे़ चोगुल्ले़ हे़क्क्याङ् इस्राइलरे़ कुहिम्सयङ्ङिल्ले़ कुलायोहाॽरे़ चोगुल्ले़ कन् के़रे़क् पाःन्हाॽ पोःक्खे़बारो॥ याकुबरे़ कुमुॽइदाङ्साहाॽरे़ आत्ति फे़न्याःम्बक् मे़जोगुबे? थे खे़न् सामरियाओ मेःम्बि? यहुदाबा मनाहाॽरे़ आत्तान् माङ्धाःन्हाॽ मे़युक्खुबे? थे खे़न् यरुसले़ःम्मो मेःन्बि?
Piblisite