यर्मिया 23:11 - लिम्बु11 यहवे दाङ्बे़ल्ले़ अक्खे पाःत्तुरो, “माङ्निङ्वाॽपान् के़बाःप्पा नु निङ्वाॽफुसाम्बा ने़प्माङ् निङ्वाॽफुमाङ्ङिन् मे़न्इःप्मना मे़न्नाःप्मनाबा पोःक्खे़सिआङ् वाॽसिरो, आहिम्मो खुन्छिॽ फे़न्याःम्बक् चोगुसिर यागे़सिबा आङ्गाॽ तुमुङ्सिङ्ङाङ् वाॽआरो॥ Gade chapit la |
यर्मिया 23:11
24 Referans Kwoze
खे़ब्याङ् खुने़ॽ यहवे दाङ्बे़ल्ले़ कुहिम् पेसाङ्बा लक्खुम्मो आङ्गाॽ ताराङ्॥ सेसेदे़न्नो लाःप्मा नु कासा ले़त्ति तोःम्मादे़न्निल्ले़ कुलुम्मो, खे़प्मो निबोङ्ङाङ् ङासि यारिक् मनाहाॽरे़ यहवे दाङ्बे़ल्ले़ कुसेसेदे़न् ले़प्माङ् खुन्छिॽ एःक्थाःक्मान् मे़हिसुआङ् मे़बत्छे़॥ खे़ङ्हाॽरे़ नाम्मिन् से़वा मे़मे़त्तुर, खाम्बाङ्ङो अःक्खुम् मे़भन्छिङ्ङाङ् नाङ्गे़न् पिसाङ् तक् मे़मे़त्तुआङ् मे़बत्छे़॥
यहवे दाङ्बाल्ले़ पाःत्तुॽ, “लुङ्माॽ तुक्तुङ्सिङ्बा मनाहाॽरे़ ताप्फे़ःम्बा याःम्बक् मे़जोगुआङ् मे़वाॽरो॥ आङ्गाॽ आहिम्मो तामा खे़ङ्हाॽरे़ थे युक् मे़गत्तुबे? थे खे़ङ्हाॽरे़ माङ्हे़क् नु थक्सान् सिदुङ्जभा मे़जोगुआङ् ये़त्तुक्खेन् खे़प्मा सुक्तुम्बे़ फाॽआङ् मे़इःत्तुबि? हे़क्क्याङ् थे खे़ङ्हाॽरे़ खुन्छिॽ निङ्वाॽ ताबि?
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
सापानरे़ कुस्सा याजन्याहःन् कुलुम्मो मे़ये़प्सुआङ् नुबोङ् इस्राइलि लाम्लोबाहाॽ खे़प्मो सोरिक् मे़ये़बे़॥ के़रे़क्ले़ सुक्पा हाःम्मा साङ्ते़रे़ःङ् थिक्थिक् हुक्को मे़बक्खु, खम्भ्याङ् साङ्ते़रे़ःङ्हाॽलाम् सुक्पा मिक्खुॽइन् खे़ङ्हाॽरे़ खुन्छिॽ थे़गेःक्हाॽरे़ थाःङ् ले़प्माङ् सुःङ्गु सुःङ्गु पोगे़र पत्छे़॥
खे़ङ्हाॽ खुन्छिॽ नुबा वाःत्ति सामाहाॽओ आङ्दिङ् मे़लॽरे़आङ् मे़वाॽरो हे़क्क्याङ् कन् याम्गे़सिङ्बा नावाइत्लाहाॽ नु ताप्फे़ःम्बा चइःत्हाॽ चोःक्मारे़ लागि ओगप् मे़जोगुरो॥ खे़ल्ले़चोगुल्ले़, खे़ङ्हाॽरे़ खुन्छिॽ याङ्साकुन्धेहाॽ आङ्गाॽ खुन्छिॽ लागि याम्गे़सिङ्बा चोगुङ् पिरुङ्सिङ्लो॥
खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
खुने़ॽ चोःक्मा पाङ्घुसिबा नावाइत्लान् निङ्वाॽफुमाङ्ङिल्ले़ कुहिम्मो युक्खु, खे़न् माङ्हिम्मिल्ले़ कुयाःम्बेओ यहवे दाङ्बे़ल्ले़ दाउदे़न् नु खुने़ॽ कुस्सा सोलोमने़न् अक्खे मे़त्तुसिआङ् वये़, “आङ्गाॽ इस्राइलबा के़रे़क् थाःक्हाॽलाम् सेगुङ्बा कन् माङ्हिम्मो नु यरुसले़ःम्मो आभे़ल्ले़साङ् सदादिङ्ले़ लागि आङ्गाॽ आमिङ् युक्खुङ्ॽ॥
“आमनाहाॽ के़माबा मे़ल्लुक् मे़बोःक्खे़आङ् मे़वाॽरो, खे़ङ्हाॽरे़ खुन्छिॽ मे़ल्लुक्कम्बाहाॽरे़ खे़ङ्हाॽ लाम्मे़भोःत्छुसिआङ् मे़वाॽरो हे़क्क्याङ् कोःक्मा फाङ्जङ् थे़गु माङ्वाहाॽओ खे़ङ्हाॽ मे़मये़र मे़हिसु मे़देसुसिआङ् मे़वाॽरो॥ खे़ङ्हाॽरे़ खुन्छिॽ लाम्मिन् मे़मासु मे़देसुरो खे़ब्याङ् आप्फेक् मे़ल्लुक् लुप्पो नुःङ्मा तामारे़ लागि खुन्छिॽ लाम्मिन् निङ्वाॽ इःप्मा मे़न्छुक्तुन्लो॥
यहवे दाङ्बाए, ओमे़त्ते़ॽओ, हे़क्क्याङ् निङ्वाॽ इःत्ते़ॽओ, आदाङ्बारे़ अक्तङ्बा तुक्खे हात् के़जाःत्तुआङ् वाॽबे? थे मे़न्छुमाहाॽरे़ खुन्छिॽ आप्फेक् फक्थुङ्मो मे़ने़स्सुसिबा, खुन्छिॽ आप्फेक् मे़गत्तुसिबा आम्ब्रे़ःङ्वा साहाॽ मे़जसिरबि? निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ यहवे दाङ्बे़ल्ले़ कुसेसेदे़न्नो मे़स्ये़रुसिरबि?
Piblisite