यर्मिया 23:10 - लिम्बु10 याम्बोःप्मा याःम्बक् के़जोःक्पाहाॽरे़ लाजेन् मे़धिम्सुआङ् वाॽरो॥ खे़ङ्हाॽ फे़त्लाॽमा ताप्फे़ःम्बा हिङ्मन्नो मे़वाॽरो हे़क्क्याङ् माङ्निङ्वाॽपान् के़बाःप्पाहाॽरे़ खुन्छिॽ मुक्साम्मिन् पिर्बेःम्बा लाम्मो ओगप् मे़जोगुरो॥ यहवे दाङ्बे़ल्ले़ कुसाक्मुरा माङ्देःल्ले़ चोगुल्ले़ लाजेन् मे़रिङ् थक्लो हे़क्क्याङ् चाराम्मादे़न्हाॽआङ् हेरे़बेआङ् ने़रो॥ Gade chapit la |
यर्मिया 23:10
27 Referans Kwoze
कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
कल्ले़चोगुल्ले़ लत्छा माङ्देधिक्ले़ इक्सादिङ् खाम्बेःक्मान् खाप्पुथ्यःङ् पोङ्लो॥ हे़क्क्याङ् खे़न् इक्सादिङ् खाम्बेःक्मो के़युङ्बा मनाहाॽरे़ खुन्छिॽ आप्तिक्किल्ले़ खुम्दिङ् मे़घोसुरए पोङ्लो॥ पा कल्ले़चोगुल्ले़ योॽबा लाजेॽओ के़युङ्बा मनाहाॽरे़ मिमे़धिक्खु मे़से़रुसिरो, हे़क्क्याङ् चबे़ःत्छिक् मनाहाॽरक् मे़हिङे़ मे़याःक्ते़आङ् मे़वाॽरो॥
ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाङ् मे़बिरुबा पोङ्मा पोङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोङ्मा पोङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
कन् कुसिङ् निःप्मा के़सुक्पा चाःप्पा सिक्कुम्साबा मना हात् वाॽबे? निङ्वाॽफुमाङ्ङिल्ले़ हात् हुॽरुआङ् वाॽआङ् कन् पाःन्निल्ले़ कुयाःम्बेओ इङ्भन् चोःक्मा नु वेॽहाॽ हुॽमा सुक्तुसिबे? थेआङ् कन् लाजेन् खाप्पुथ्यःङ् पोःक्खे़आङ् आत्तिन्नाङ् लाम्दिक् चोःक्मा मे़न्छुक्मनाबा मुरे़ःक् खारे़क्पा ये़ःङ्घादे़न् हे़क्तङ्बा पोःक्खे़बाबे?
Piblisite