यर्मिया 22:23 - लिम्‍बु

²³ ले़बनानबा साम्‍माङ्‌सिङ्‌ङिल्‍ले़ चोःक्‍मनाबा हिम्‍मो खिनिॽ नुरिक्‍काङ् के़युङिरो कर सावाःन्‍दुङ् हे़क्‍तङ्‌बा ये़त्तुक्‍खेन् खिनिॽ सम्‍धाङ् इदारो, खे़ब्‍याङ् खिनिॽ तुक्‍मा साक्‍माल्‍ले़ के़यारिरो॥”

यर्मिया 22:23 Referans Kwoze

यर्मिया 6:24

यरुसले़ःम्‍बा मनाहाॽरे़ मे़बाःत्तु, “आनिगे कन् पाःन्‍निल्‍ले़ इङ्‌घङ्‌ङिन् खे़प्‍सुम्‍बे़रो हे़क्‍क्‍याङ् आनिगे सावेःत् यङे़आङ् लाङ्‌हुक्‍ले़ मे़दक्‍तिगे़न्‍लो॥ सागप्‍मा तुङ्‌ङिल्‍ले़ तरुमा मे़न्‍छुमान् हे़क्‍के आनिगे लॽरिगे़रो खे़म्‍ब्‍याङ् ये़त्तुक्‍खेओ थ्‍ये़ॽइगे़आङ् वयिगे़रो॥

यर्मिया 22:6

थेआङ्‌भे़ल्‍ले़ यहुदाबा हाङ्‌हिम्‍मिल्‍ले़ कुयाःम्‍बेओ यहवे दाङ्‌बे़ल्‍ले़ अक्‍खे पाःत्तुरो, “गिलाद लाजेॽ नु ले़बनानबा कोःक्‍मा फाङ्‌जङ्‌हाॽ हे़क्‍के यहुदाबा हाङ्‌हिम्‍मिन् पनुनुबा के़जोःक्‍लो॥ कर के़लुङ्‌धाक् सिगाङ् खे़ने़ॽ चिजि खक्‍खक् नु मना के़होःप्‍पादे़न् चोःक्‍ने़रो॥

हबकुक 2:9

“कुहाङ्‌जुम्‍मिन् फोमारे़ लागि मे़न्‌वाॽमना पाःन्‍लाम् याङ्‌साकुन्‍धे के़धक्‍पे़न् चिःत्ते़स्‍ये़रो॥ मे़क्‍मा सिमालाम् से़ःप्‍सिङ्‌मारे़ लागि चन्‍जम्‍बादे़न्‍नो युक्‍नादे़न् के़जोक्‍पे़न् चिःत्ते़स्‍ये़रो॥

ओबदिया 1:4

कर कक्‍कफिःक्‍माहाॽ कुइसिक् थाःङ् के़बे़साङ् हे़क्‍क्‍याङ् खेःम्‍सिक्‍पाहाॽ लुम्‍मो हाप् के़जोगुसाङ् आङ्‌गाॽ खे़ने़ॽ खे़प्‍मोलाम्‍बा यो मक्‍थाने़रो,” यहवे दाङ्‌बे़ल्‍ले़ पाःत्तुरो॥

आमोस 9:2

“खे़ङ्‌हाॽरे़ इपुङ्‌ङोबा लुम्‍बाःत्तिन् मु मे़दयुआङ् मे़बेःक्‍साङ् आङ्‌गाॽ आहुक्‍किल्‍ले़ खे़प्‍मोलाम् थाक्‍तुङ्‌सिङ्‌लो॥ खे़ङ्‌हाॽ साङ्‌ग्राम्‍पेदाङ् थाःङ् मे़धोःक्‍सिङ् मे़बेःक्‍साङ् आङ्‌गाॽ खे़ङ्‌हाॽ मु थासुङ्‌सिङ्‌लो॥

होसे 7:14

खे़ङ्‌हाॽरे़ खुन्‍छिॽ सिक्‍लुङ्‌मे़ल्‍ले़ आङ्‌गाॽ पेलि मे़म्‍भाक्‍कान्‍लो, कर खुन्‍छिॽ आप्‍फेक् ने़त्‍नाहाॽओ मे़रिङ् मे़धक्‍लो॥ कुजा नु कुबोक् चे़ल्‍ले़क्‍सेॽ सेजङ्‌वाःल्‍ले़ लागि खे़ङ्‌हाॽ मे़जुम्‍लो, कर आङ्‌गाॽनुग खुन्‍छिॽ नारान् मे़हिसु मे़देसुरो॥

होसे 5:15

खे़ङ्‌हाॽ खुन्‍छिॽ आप्‍तिक् पाःन्‍नो मे़न्‍दे़न्‍ने़ल्‍ल थारिक्, आङ्‌गाॽ आप्‍फेक् आवाॽमादे़न्‍नो नुःङ्‌ङा ताआरो॥ खे़ङ्‌हाॽरे़ आङ्‌गाॽ आनारान् ओमे़प्‍मा मे़गोःत्तुरो, खे़ङ्‌हाॽरे़ खुन्‍छिॽ तुक्‍खेलाक्‍खेओ आङ्‌गाॽ निङ्‌वाॽ इगेःक्‍काङ् मे़गोःत्तारो॥”

यर्मिया 49:16

किमा यङ्‌मालाम् इङ्‌ले़क्‍को के़ध्‍ये़रो, के़आङ्‌दिङ् के़लॽमालाम् वेॽहाॽ के़लिःक्‍तुसिरो॥ खे़ने़ॽ लुङ्‌याङ्‌पेॽ हाङ्‌यक्‍को के़युङ्‌लो हे़क्‍क्‍याङ् चन्‍जन्‍लुङ् कोःक्‍मा फाङ्‌जङ्‌हाॽ के़युक्‍तुरो॥ कर खे़ने़ॽ किःत्‍थहाॽनु सोसोरिक् थे़गु माङ्‌वाहाॽरे़ कुसम्‍मो हाप् के़जोगुसाङ्, आङ्‌गाॽ यो मक्‍थाःन्‍ने थाने़रो,” यहवे दाङ्‌बे़ल्‍ले़ पाःत्तुआङ् वाॽरो॥

यर्मिया 48:28

“खिनिॽ मोआबबा मनासे, खिनिॽ ये़क्‌यक्‍हाॽओलाम् खे़त्तासिम्‍मे़ॽओ लुङ् लुङ्‌फुक्‍कोहाॽओ खिनिॽ युङे़म्‍मे़ॽओ! याक्‍पेॽफिःप्‍मो हाप् के़जोःक्‍पा पुत्तुःक्‍केन् कुसिङ् खिनिॽ याम्‍नारा थेःक्‍थेःक् चिङ्‌ङासिम्‍मे़ॽओ॥

यर्मिया 21:13

यरुसले़ःम्‍मे, खे़ने़ॽ ने़ने़बादे़न्‍नोलाम् थाःङ् के़युङ्‌लो, ते़म्‍बेॽओ के़ये़प्‍पा पयम् यम्‍बा याक्‍पेॽ कुइसिक् के़जोःक्‍लो॥ कर के़दक्‍ले़ङ्‌वाओ ते़न्‍धङ् चोगुङ्‌लो॥ के़बाःत्तुम्‍बिला आनिगे़ओ हाःत्ताङ् तामा मे़सुक्‍ने़न्‍लो, आनिगे यक्‍किन् आत्तिल्‍ले़आङ् लुःम्‍मा मे़सुक्‍तुन्‍लो॥

यर्मिया 3:21

मुरे़क् खारे़क्‍पा कोःक्‍मा फाङ्‌जङ्‌हाॽओ इक्‍लाधिक् खे़म्‍दे़त्‍लो, इस्राइलबा मनाहाॽ मे़हाःप् मे़भिःक्‍ल पेलि मे़भाक्‍लो थेआङ्‌भे़ल्‍ले़ खे़ङ्‌हाॽरे़ लायोओ खुन्‍छिॽ हिङ्‌मन् मे़देसुआङ् वाॽरो हे़क्‍क्‍याङ् खे़ङ्‌हाॽरे़ यहवे दाङ्‌बा खुन्‍छिॽ निङ्‌वाॽफुमाङ्‌ङिन् निङ्‌वाॽ मे़भेःत्‍छुआङ् मे़वाॽरो॥

खानिःत् 24:21

हे़क्‍क्‍याङ् केनिहाॽ ओमे़त्तुसिआङ् कुबाःप्‍मा माङ्‌निङ्‌वाॽपान्‍निन् पाःत्तुरो— “खिनिॽ युङ्‌मादे़न्‍निन् ताप्‍थेक् याम्‍धेक्‍पा चोक्‍लो, खिनिॽ खे़न् युक्‍नान् याक्‍पेॽओबा पुहाप् हे़क्‍तङ्‌बा चोक्‍लो॥

इजकिएल 17:3

मुक्‍साम्‍दाङ्‌बा यहवे दाङ्‌बालाम् खे़ने़ॽ कन् इङ्‌घङ्‌ङिन् मे़त्ते़से़ॽओ— “यम्बयम्‍बा कुलाप् के़बप्‍पा, केःम्‍बा नु यरिक् परिक्‍पा कुभरा कुमाक्‍ला कुम्‍ब्रिक् के़युङ्‌बा मया थिक् ले़बनानओ ये़रो॥ खे़ल्‍ले़ साम्‍माङ्‌सिङ्‌ल्‍ले़ कुसम्‍मिन् युक्‍तुरो॥