यर्मिया 22:21 - लिम्बु21 खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥ Gade chapit la |
यर्मिया 22:21
35 Referans Kwoze
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
“कर खे़ङ्हाॽरे़ आङ्गाॽ आदक्ले़ङ्वाओ पिफ्युङ् मे़जोगु हे़क्क्याङ् आङ्गाॽ आबाःन्निन् मे़ङ्घे़प्सुन्॥ खुन्छिॽ निङ्वाॽओ के़युङ्बा चिःन्जिःन्गे़घुबा चइःत्हाॽलाम् खे़ङ्हाॽ लाःत्लाःत् मे़म्बोःक्खे़न्, इग्र मिस्रबा नावाइत्लाहाॽ लाप्मे़म्भुसुसिन्॥ खे़ब्याङ् खे़ङ्हाॽ मिस्र मे़वये़ल्ले़ए आङ्गाॽ आसाक्के़न्निन् चिःङ्मारे़ लागि आङ्गाॽ साॽरिक् आयाःक्ले़ॽमे़न् खिनिॽओ थासुङ्ॽ फाॽआङ् खे़ङ्हाॽ यङ्मा से़रुङ्सिङ्ङाङ् वये़॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
खे़ङ्हाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेॽओ खे़ङ्हाॽ फे़त्तुङ्सिङ्ङिल्ले़, खे़ङ्हाॽरे़ मे़निसुबा के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् सरेःक्याःप्पा हुम्बे़प्पा सिङ्बुङ्हाॽरे़ कुसिगाङ् खे़ङ्हाॽरे़ सिदुङ्जभा मे़दोन्दु! खे़ङ्हाॽरे़ सिदुङ्जभा मे़दोन्दुआङ् आङ्गाॽ आत्ति आत्ति साॽरिक् आसिक् मे़भोःक्खु॥ खे़ङ्हाॽरे़ खुन्छिॽ आत्तारहाॽ नु सुक्पा मे़दारु हे़क्क्याङ् खुन्छिॽ वदुम्बक्वा सिदुङ्जभाहाॽरे़ खे़ङ्हाॽ मे़ले़ःक्तुसि॥’
“कर खे़ङ्हाॽरे़ खुन्छिॽ साहाॽरे़आङ् आङ्गाॽ आदक्ले़ङ्वाओ पिफ्युङ् मे़जोगु॥ इङ्जाङ् के़घे़म्बा पोङ्मालाम् खे़ङ्हाॽरे़ हिङ्मन् मे़घोसुबा वये़साङ्, आङ्गाॽ आइङ्जाङ्हाॽ इःप्मा नाःप्मा नु आङ्गाॽ आधिम्हाॽ तिम्मा नाःप्मा खे़ङ्हाॽ मे़न्दे़न्दे़न्॥ खम्भ्याङ् आङ्गाॽ आसाबाथ ये़न्हाॽआङ् खे़ङ्हाॽरे़ मे़भेःन्दु॥ खे़ल्ले़चोगुल्ले़ मुरे़क् खारे़क् थेआङ् के़होप्पा एःक्सादे़न्नो आङ्गाॽ साॽरिक् आसिक् पोःक्मान् खे़ङ्हाॽरे़ खुन्छिॽ सम्धाङ् थासुङ् फाॽआङ् आङ्गाॽ याम्मो खे़ङ्हाॽ यङ्मा से़रुङ्सिङ्॥
“कर इस्राइलबा मनाहाॽरे़ आङ्गाॽ आदक्ले़ङ्वाओ पिफ्युङ् मे़जोगु, हे़क्क्याङ् मुरे़क् खारे़क् थेआङ् के़होप्पा एःक्सादे़न्नो आङ्गाॽ आधिम्हाॽ खुन्छिॽ इःप्मा नाःप्मा मे़न्दे़न्दे़न्॥ इङ्जाङ् के़घे़म्बा पोङ्मालाम् खे़ङ्हाॽरे़ हिङ्मन् मे़घोसुसाङ् आङ्गाॽ आधिम्हाॽ खे़ङ्हाॽरे़ मे़न्इःत्तुन् मे़न्नाःत्तुन्॥ आङ्गाॽ आसाबाथ नाःम्सिङ्मा ये़न्हाॽआङ् खे़ङ्हाॽरे़ मे़भेःन्दु॥ खे़ल्ले़चोगुल्ले़ आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् थामारे़ लागि यङ्मा से़रुङ्सिङ्, खम्भ्याङ् मुरे़क् खारे़क् थेआङ् के़होप्पा एःक्सादे़न्नो खे़ङ्हाॽ वरे़ङ्ले़ङ् खक्पे़त् मे़ङ्मासि निङ्सेक् चोगुङ्ङाङ् वये़॥
कन् थाःक्कोबा इस्राइलबा मनासे, यहवे दाङ्बे़ल्ले़ कन् कुइङ्घङ्ङिन् निङ्वाॽ इःत्ताम्मे़ॽओ॥ थे आङ्गाॽ खिनिॽ लागि लत्छा मुरे़क् खारे़क्पा ये़ःङ्घादे़न् पोःक्खाङ्बि? इग्र थे खागे़माक्पा लाजेॽ कुसिङ्बा पोःक्खाङ्बि? हे़क्केःल्ले़ थेआङ् खिनिॽ आनिगे आप्फेक् निङ्वाॽ तादा चोगुम्बे़ खे़ब्याङ् याम्मो खे़ने़ॽओ मे़द्ये़इगे़न् के़बाःत्तुम्बाबे?
मुरे़क् खारे़क् थेआङ् के़होप्पादे़न्नो आक्खेलॽरिक् यहवे दाङ्बा खिनिॽ निङ्वाॽफुमाङ्ङिन् कुसाक्के़न् के़भोःक्खुम्, कन् पाःन्निन् खिनिॽ निङ्वाॽ इःत्ते़म्मे़ॽ, हे़क्क्याङ् आप्फाल्ले़आङ् निङ्वाॽ मे़भेःत्छे़म्मिन्ने़ॽ॥ मिस्रलाम् के़लःन्दिबा ये़न्नाङ्धो कन् ते़न्नो के़गे़रि के़भे़रिबा थारिक्ले़ खिनिॽ यहवे दाङ्बे़न् हाबा के़अत्तुम्माङ्ङे के़बत्छिॽ॥
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
“मोआबे़न् के़रे़क्नुःल्ले़ तगिबा कुसाप्मुःन्धुम्मो खे़न् सनारुङ्ङो चिजि ये़म्ये़म् वाॽरो, खे़न् आप्फाल्ले़आङ् वेॽ लाजेॽ मे़न्देॽए वाॽरो॥ मे़ल्लिङ्ङे युङ्मनाबा सेजःङ्वा हे़क्के लॽरो॥ खप्प्याओनु वेॽ खप्प्याओ मे़ल्लिङ्ङे युङ्लो खे़न् आल्ल कुजागे़नुॽबा नु कुनाम्गे़नुॽबा चोक्लो॥”
यरुसले़म नु खे़न् के़रे़क् पिसाङ्बा पाङ्जुम्हाॽओ चिजि ये़म्ये़म् नु नुॽमादामा पोःक्खे़आङ् वये़ हे़क्क्याङ् नेगेव नु नाम्धा पिसाङ् थे़गुगुबादे़न्हाॽओ चिजि ये़म्ये़म् पोःक्खे़आङ् वये़बा तगिबा माङ्निङ्वाॽपान् के़बाःप्पाहाॽलाम् इङ्भन् पोःक्खे़बा यहवे दाङ्बे़ल्ले़ कुइङ्घङ्ङिन् हाबा कन् वये़रो॥’”
इस्राइलए, वेॽ साम्माङ्हाॽरे़ खुन्छिॽ एगाङ् एगाङ् लाङ्घेगे़ॽआङ् के़लाङ्ङिन् तुक्ल मे़याःन्दे़न्ने़ॽओ, हे़क्क्याङ् कुजाबोःप्मे़न् सर्गे़ङ् हेर मे़जोगे़न्ने़ॽओ॥ कर खे़ने़ॽ के़बाःत्तुॽ, ‘मेःन्! आङ्गाॽ खे़न् ले़प्मा मे़सुक्कान्लो॥ आङ्गाॽ वेॽ सुवाङ्समा माङ्साम्माङ्हाॽ आसिराॽ मे़धाङे़आङ् मे़वाॽरो॥ आङ्गाॽग खे़ङ्हाॽ नाःप्मा तिम्मासिए पोङ्लो॥’”
“आमोनरे़ कुस्सा यहुदाबा हाङ् योसियाहःल्ले़ हाङ्युक् चोगुबा थिबोङ्ङाङ् सुम्सिगेक्पा तङ्बेआङ्धो आइन् थारिक् कन् निबोङ्ङाङ् सुम्सि तङ्बे खाराक् यहवे दाङ्बे़ल्ले़ आङ्गाॽ इङ्घङ् पिआर वाॽ॥ हे़क्क्याङ् आङ्गाॽ खुने़ॽ खे़न् कुबाःन्जाक्किन् खिनिॽ ए़त्ले़ङ् मे़त्निङ्ल वाॽआ॥ कर खिनिॽ थेआङ् निङ्वाॽए मे़म्बिए के़वयि॥”
Piblisite