यर्मिया 22:20 - लिम्बु20 यरुसले़ःम्मो के़युङ्बासे, ले़बनाननो पेगे़म्मे़ॽआङ् अःक्ते़म्मे़ॽओ, बासाःन्नो पेगे़म्मे़ॽआङ् हाबे़म्मे़ॽओ॥ मोआबि कोःक्माहाॽलाम् इनोगे़न् तुक्खेवा इक्लाःन्नाङ् लःत्ते़म्मे़ॽओ थेआङ्भे़ल्ले़ खे़ने़ॽ के़बेसाङ्बा के़रे़क् लाजेॽहाॽ हारिमे़द्ये़आङ् मे़वाॽरो॥ Gade chapit la |
यर्मिया 22:20
22 Referans Kwoze
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
यरुसले़ःम्मे खे़ने़ॽ खाप्पुथ्यःङ् के़बोङ्लो! थेआङ्ने़ खे़ने़ॽ हे़ःत्ताङ्बा चाङ् के़जाक्खुबे? थेआङ् खे़ने़ॽ साम्म्याङ् वाःत्तिहाॽ के़वारुबे? मिक्को थेआङ् माक्सुःन्दान् के़जाःन्दुबाबे? खे़ने़ॽ आबाङे हने़रक् के़जोःक्सिङ्लो॥ खे़ने़ॽ नागे़नुॽबाहाॽरे़ खे़ने़ॽ के़म्नाॽरे़आङ् वाॽरो हे़क्क्याङ् खे़ने़ॽ से़प्मा निङ्वाॽ मे़जोगुरो॥
इस्राइलए, वेॽ साम्माङ्हाॽरे़ खुन्छिॽ एगाङ् एगाङ् लाङ्घेगे़ॽआङ् के़लाङ्ङिन् तुक्ल मे़याःन्दे़न्ने़ॽओ, हे़क्क्याङ् कुजाबोःप्मे़न् सर्गे़ङ् हेर मे़जोगे़न्ने़ॽओ॥ कर खे़ने़ॽ के़बाःत्तुॽ, ‘मेःन्! आङ्गाॽ खे़न् ले़प्मा मे़सुक्कान्लो॥ आङ्गाॽ वेॽ सुवाङ्समा माङ्साम्माङ्हाॽ आसिराॽ मे़धाङे़आङ् मे़वाॽरो॥ आङ्गाॽग खे़ङ्हाॽ नाःप्मा तिम्मासिए पोङ्लो॥’”
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
Piblisite