यर्मिया 22:15 - लिम्बु15 वेॽहाॽरे़ खुन्छिॽ हिम्हाॽनुःल्ले़ नुबा साम्माङ्सिङ्ङिल्ले़ हिम् के़जोगुसाङ् कर खे़ल्ले़ खे़ने़ॽ नुबा हाङ् के़म्बोङ्ने़न्लो खे़ने़ॽ के़म्बा कुहिङ्हिङ् कुनिङ्वाॽ त्ये़आङ् वये़रो, खुने़ॽ आभे़ल्ले़साङ् कुदोःप्मा खासे़न् नु के़वाॽबा याःम्बक् चोगुरो हे़क्क्याङ् खुने़ॽ हुक् केःत्तुबा के़रे़क् याःम्बक्हाॽ चोःक्मा थाःत्तुरो॥ Gade chapit la |
यर्मिया 22:15
33 Referans Kwoze
आनिगे सिराॽ थाङ्साङ् इग्र सिराॽ मे़धाङ्ने़न्छाङ्, आनिगे पेलि फाक्ते़ आबिरे़ॽ फाॽआङ् पाङ्ङासिगे़बा यहवे दाङ्बा आनिगे निङ्वाॽफुमाङ्ङिल्ले़ कुइङ्जाङ्ङिन् इःत्तुम्बे़ नाःत्तुम्बे़॥ थेआङ्भे़ल्ले़ खुने़ॽ कुङ्जाःङ्ङिन् इःत्तुम्बे़ नाःत्तुम्बे़ने़भग्र के़रे़क् पाःन्हाॽ आनिगे लागि नुबा पोङ्ॽ॥”
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
खे़ल्ले़चोगुल्ले़ योसियाहःल्ले़ कुस्सा यहुदाबा हाङ् यहोयाकिमिल्ले़ कुयाःम्बेओ यहवे दाङ्बे़ल्ले़ अक्खे पाःत्तुरो— “ए, खे़न् सिःल्ले़ आत्तिन्नाङ् मे़रिङ् मे़धक्ने़न्लो॥ हाःत्ले़आङ् अक्खे मे़बाःत्तुन्लो ‘आम्भुॽए, आक्खे़न् साॽरिक् ये़त्तुक्खे त्ये़बे’ हे़क्क्याङ् एःन्नाङ् अक्खेलॽरिक् मे़रिङ् थक्नु मे़हाःप्ने़न्लो! ‘ए, आहाङ्ङे, खे़ने़ॽ के़हाङ्वान् पेरो!’
यहवे दाङ्बे़ल्ले़ अक्खे पाःत्तुॽ—आङ्गाॽ यहवे दाङ्बे़ल्ले़ खिनिॽ कुदोःप्मा खासे़न् लोःम्मा नु के़लाॽबा याःम्बक् चोःक्मा इङ्जाङ् पिनिङ्ल पत्ता॥ मे़नाप्तुसिबाहाॽ के़घुम्बाहाॽरे़ खुन्छिॽ हुक्कोलाम्बा से़ःप्ते़म्सिम्मे़ॽ॥ वेॽ लाजेॽबा मे़न्छाम् सुवाङ्, ये़त्छाबासाहाॽ हे़क्क्याङ् मेमेदुमाहाॽ ताप्फे़ःल्लिक् नु मे़न्वाॽमना मे़मे़त्ते़म्सिम्मिन्ने़ॽ॥ कन् सेसेबादे़न्नो फोत्या मे़ःन्नेबाहाॽ मे़से़रे़म्सिम्मिन्ने़ॽ॥
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
हे़क्केसाङ् योसियाहन् खुने़ॽ चोःक्मा निङ्वाॽ इःत्तुबालाम् नुःङ्मा मे़दे़न्दे़न्, कर नेकोःन्नु ते़न्धङ् चोःक्मारे़ लागि खुने़ॽ कुजाङ्हाॽ ले़क्तु॥ निङ्वाॽफुमाङ्ङिल्ले़ नेकोन् मे़त्तुबा इङ्जाङ्ङिन् खुने़ॽ खे़म्मा मे़दे़न्दे़न्, हे़क्क्याङ् मगिद्दोबा ने़ने़बादे़न्नो थङ् चोःक्से़ खुने़ॽ खिमो थासिङ्॥
Piblisite