यर्मिया 22:10 - लिम्बु10 यहुदाबा यक्युङ्बासे, योसियाह हाङ्ङिल्ले़ कुलागि मे़हाबे़म्मिन्ने़ॽओ हे़क्क्याङ् खे़न् सिःल्ले़ मे़रिङ् मे़धक्ते़म्मिन्ने़ॽओ॥ कर खे़ल्ले़ कुस्सा यहोआहाजरे़ कुलागि उःक्काङ् उःक् हाबे़म्मे़ॽओ॥ खे़न् मे़दे़म्सुआङ् मे़देॽरुरो हे़क्क्याङ् आप्फाल्ले़आङ् मे़नुःङ्ने़न् मे़दाने़न्लो॥ खे़ल्ले़ याम्मो आभे़ल्ले़आङ् खुने़ॽ सावाःन्छिङ्बा लाजेन् निमा मे़घोसुन्लो॥ Gade chapit la |
यर्मिया 22:10
19 Referans Kwoze
साम्योबा मनाहाॽ मे़मे़क्लो, हे़क्क्याङ् खे़न् पाःन्निन् हाःत्ले़आङ् निनि खे़म्घे़म् मे़ल्लाप्तुन्लो॥ निङ्वाॽफुमाङ्ङो से़वा के़जोःक्पाहाॽ मे़भोःक्खु मे़देॽरुसिरो, कर के़दाबा तुक्खेलाम् से़ःप्मासिरे़ लागि साम्योबाहाॽ मे़भोःक्खु मे़देॽरुसिबा फाॽआङ् आत्तिन्हाॽरे़आङ् कुसिङ् मे़न्निःत्तुन्लो॥
कल्ले़चोगुल्ले़ आङ्गाॽ खे़ने़ॽ के़सुधे़बा के़दाक्थे़बाहाॽनु सोरिक् फुङ्ने़ॽ, हे़क्क्याङ् खे़ने़ॽ निङ्वाॽ तुक्खे मे़न्जाए के़म्जिङ्ॽ॥ कन् ते़न्नो आङ्गाॽ तारुङ्बा के़रे़क् मे़क्मा सिमाहाॽ खे़ने़ॽ के़मिक्किल्ले़ निमा के़ङ्घोसुन्ॽ॥’” खे़ब्याङ् खे़ङ्हाॽरे़ हाङ् योसियाहओ कन् इङ्घङ्ङिन् मे़गे़त्तुरो॥
खे़ल्ले़चोगुल्ले़ योसियाहःल्ले़ कुस्सा यहुदाबा हाङ् यहोयाकिमिल्ले़ कुयाःम्बेओ यहवे दाङ्बे़ल्ले़ अक्खे पाःत्तुरो— “ए, खे़न् सिःल्ले़ आत्तिन्नाङ् मे़रिङ् मे़धक्ने़न्लो॥ हाःत्ले़आङ् अक्खे मे़बाःत्तुन्लो ‘आम्भुॽए, आक्खे़न् साॽरिक् ये़त्तुक्खे त्ये़बे’ हे़क्क्याङ् एःन्नाङ् अक्खेलॽरिक् मे़रिङ् थक्नु मे़हाःप्ने़न्लो! ‘ए, आहाङ्ङे, खे़ने़ॽ के़हाङ्वान् पेरो!’
खे़न् एगाङ् यहवे दाङ्बे़ल्ले़ आङ्गाॽ अक्खे मे़त्ते़से़ॽ मे़त्ताङ्, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ आसाक्के़न्निल्ले़ के़दिम्बा कन् खोर्यान् थुङे़म्मे़ॽ, मआसिम्मे़ॽ हे़क्क्याङ् पे़से़म्मे़ॽ॥ हे़क्क्याङ् आभे़ल्ले़आङ् पोःक्मा मे़न्छुक्के हाम्ब्रिक् चोःन्दे़म्मे़ॽ॥ आङ्गाॽ खिनिॽ लुम्मो पाङ्घुङ्बा थङ्ङिल्ले़ चोगुल्ले़ हे़क्के पोङ्ॽ॥’
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
कुभा ये़म् एगाङ् यहुदाओ नुःङ्मा थाङ्मा निङ्वाॽ के़इःप्पा खे़न् पक्मे़ध्ये़ मे़याःक्ते़बा मिस्र लाजेॽओ के़घे़त्छिङ्बा के़बेःक्पा आत्तिन्हाॽआङ् मे़न्हिङ्ने़न्॥ खे़न् पक्मे़ध्ये़ मे़याःक्ते़बाहाॽ आबाङे लाजेॽओ नुःङ्मा निङ्वाॽ मे़इःत्तुसाङ् हे़क्के के़इःप्पाग साॽरिक् सुःल्लिक्लक् मे़नुःङ् मे़धाङ्ॽ॥”
“नासिगे़न् थक्ला के़गप्पा मे़न्छाम् याप्मिए, खे़ने़ॽ साॽरिक् के़सिराॽ के़धाङ्बा के़याङ्सा कुन्धेःन् आङ्गाॽ थिक्ले़ङ् थिक्ले़ तेॽरुङ् पिने़॥ हे़क्केसाङ् खुने़ॽ कुमासिङ्माओ आत्तिन् ने़त्युक्मा पाःन्निन्नाङ् ओसेःन्धाङ् मे़जोगे़न्ने़ॽ॥ खे़ने़ॽ मे़हाबे़न्ने़ॽ, खे़प्मो मिक्वा थामा याःम्बक् मे़बोङ्ने़ल्ल॥
Piblisite