“मनाहाॽ, थक्साहाॽ के़रे़क् मे़क्खुङ्सिङ्लो॥ ताङ्साङ्बोबा पुसाहाॽ, वरःङ्ङोबा पाधुङ् ले़क्ङाहाॽ आङ्गाॽ थ्यःङ् चोगुङ्सिङ्लो॥ आङ्गाॽ इक्सादिङ् खाम्बेःक्मोलाम् मे़न्छाम् सुवाङ्हाॽ मासुङ्सिङ्लो, हे़क्क्याङ् कुॽइगे़भे़म्बाहाॽरे़ लागि लुङ्हाॽरक् लुम्सिङ्ङाङ् ने़रो,” यहवे दाङ्बे़ल्ले़ इङ्भन् चोगुरो॥
यर्मिया 21:6 - लिम्बु6 आङ्गाॽ कन् ये़क्यक्को के़युङ्बा मनाहाॽ, थक्साहाॽ के़रे़क् हदॽ से़रुङ्सिङ्ॽ॥ खे़ङ्हाॽ किप्मागे़घुबा यम्बा माङ्दुक्मे़ल्ले़ मे़सिःॽ॥ Gade chapit la |
यर्मिया 21:6
26 Referans Kwoze
“नासिगे़न् थक्ला के़गप्पा मनाए, कुबिरे़ लागि लत्छा लाजेॽओबा मनाहाॽरे़ आङ्गाॽ आदक्ले़ङ्वाओ नसान् मे़ले़क्खुआङ् लायो मे़जोगुॽ, हे़क्क्याङ् खे़ङ्हाॽ युम्रे़क् से़प्मासिरे़ लागि, खे़ङ्हाॽरे़ खुन्छिॽ कुजा तामा लाम्मिन् साक्तुङ्ॽ खम्भ्याङ् मनाहाॽ नु थक्साहाॽ के़रे़क् मे़ङ्मासिरे़ लागि साक्वान् फोःक्खुङ्ङाङ् आहुक्किल्ले़ साःप्सुङ्सिङ्ॽमु॥
“ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥
हे़क्क्याङ् आङ्गाॽ मे़त्तुङ्, “आदाङ्बाए, आक्खे़न् ये़म् थारिक् कन् याःम्बक्किन् आङ्गाॽ चोगुङ्बाबे!” हे़क्केःल्ले़ खुने़ॽ मे़त्ताङ्, “पाङ्जुम्हाॽ खाप्पुथ्यःङ् पोङ्ङाङ् मे़न्छाम् याप्मि मेःन्ने चिजि खक्खक् मे़म्बोङ्ङे थारिक् नु हिम्धाःङ्हाॽ मनामे़ःन्ने कुघाले़म् मे़म्बोङ्ङे थारिक्, हे़क्क्याङ् प्याङ्सिगे़न् इक्ताप्पोबा चाहाॽ खाप्पु थ्यःङ् पोङ्ङाङ् मे़म्मे़क्के थारिक्,
“खे़ने़ॽ खे़ङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—आङ्गाॽ कुहिङ्वे़त् वाॽआबा कुइसिक्, खे़न् खाप्पुथ्यःङ् के़बोङ्बा ये़क्यक्हाॽओ के़युङ्बाहाॽ ताभेःल्ले़ मे़सिरो॥ हे़क्क्याङ् खे़न् ये़क्यक् लाःक्कात् खाम्बाङ्हाॽओ के़युङ्बाहाॽ चामासिरे़ लागि आङ्गाॽ ताम्भुङ् थक्साहाॽ पाङ्घुङ्सिङ्ॽ॥ खे़न् यक्हाॽओ नु लुङ्फुक्कोहाॽओ के़जिङ्सिङ्बाआङ् के़युङ्बाहाॽ मिङ्देल्ले़ मे़सिरो॥
खे़ब्याङ् खे़ने़ॽ यहुदाबा हाङ् यहोयाकिमे़न् अक्खे मे़त्ते़ॽ, ‘यहवे दाङ्बे़ल्ले़ अक्खे पाःत्तुॽ, खे़ने़ॽ खे़न् साप्लाथःङ्मे़न् के़हाःन्दु के़देसु, हे़क्क्याङ् के़बाःत्तु, “बेबिलोनबा हाङ्ङिन् फे़न्नाङ् कन् लाजेन् खाप्पुथ्यःङ् चोगुॽ, हे़क्क्याङ् खे़ल्ले़ थक्साहाॽ नु मनाहाॽ से़रुसिॽ फाॽआङ् खे़ने़ॽ थेआङ् खे़प्मो के़साप्तु?”
“कल्ले़चोगुल्ले़ आङ्गाॽ यहवे दाङ्बे़ल्ले़ अक्खे पाःत्तुङ्ॽ, खिनिॽ आङ्गाॽ आइङ्जाङ्ङिन् के़न्इःत्तुम्मिन् के़न्नाःत्तुम्मिन्, हे़क्क्याङ् खिनिॽ इस्राइलबा फुॽनुसाॽहाॽ चोःक्युम्भो के़म्बिरुम्सिम्मे़न्॥ नुॽ, आल्ल आङ्गाॽ खिनिॽ थङ्, साक्वान् नु मिङ्देॽलाम्बा मे़क्मासिमा के़बोङ्बा चोःक्युम्भो पिनिङ्ॽ॥ आङ्गाॽ खिनिॽनु थे़मा चोगुङ्ॽ, खे़न् मे़निसुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ यङ्मा मे़सि॥
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
खे़ल्ले़चोगुल्ले़ यहवे दाङ्बाल्ले़ पाःत्तु, “आङ्गाॽ नावागे़न् चइःत् चोगुङ्बा मे़न्छाम् याप्मिन् इक्सादिङ् खाम्बेःक्कोलाम् मे़क्खुङ्ॽ, मे़न्छाम् याप्मि, के़उःङ्सिङ्बा कुबु थक्सा, के़बे़बा पुसा के़रे़क् मे़क्खुङ्सिङ्ॽ, थेआङ्भे़ल्ले़ आङ्गाॽ खे़ङ्हाॽ चोगुङ्सिङ्बाओ आनिङ्वाॽ तुगे़आङ् वाॽ॥”
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
थेआङ्भे़ल्ले़ यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़ने़ॽ के़लागि नु के़न्जुम्हाॽरे़ खुन्छिॽ लागि किप्मागे़घुबा मना चोःक्ने़ हे़क्क्याङ् खे़ने़ॽ के़मिक्किल्ले़ कुदगि खे़ङ्हाॽ खुन्छिॽ निङ्मिहाॽरे़ ताभेःल्ले़ मे़ज्ये़प्तु मे़स्ये़रुसिॽ॥ यहुदाबा के़रे़क् यक्युङ्बाहाॽ आङ्गाॽ बेबिलोनबा हाङ्ङिल्ले़ कुहुक्को हुक्सुप्तुङ्सिङ्ॽ, खे़ल्ले़ यरिक्तङ्बा ते़म्सुसिआङ् बेबिलोनओ तेॽरुसि खे़ब्याङ् वेॽहाॽ ताभेःल्ले़ से़रुसिॽ॥
Piblisite