यर्मिया 21:5 - लिम्बु5 आङ्गाॽ के़रे़क् आमुक्साम्मिन्, आसिक् पोःक्मान् हे़क्क्याङ् आयाःक्ले़ॽमो आङ्गाॽए के़दक्ले़ङ्वाओ थक्का॥ Gade chapit la |
यर्मिया 21:5
21 Referans Kwoze
खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
खे़ङ्हाॽरे़ खुन्छिॽ हिम्धाःङ्हाॽ वेॽहाॽरे़ मे़देॽरुरो हे़क्क्याङ् खुन्छिॽ इक्ताप्हाॽ नु मेःत्हाॽआङ् वेॽहाॽरे़ मे़देॽरु मे़बिरुसिरो॥ आङ्गाॽ मुक्साम्साबा आहुक्किन् सन्छुङ्लो हे़क्केःल्ले़ कन् के़रे़क् पाःन्हाॽ लाजेॽओ के़युङ्बा मनाहाॽओ के़त्लो॥ आङ्गाॽ यहवे दाङ्बे़ल्ले़ कन् पाःन्निन् पाःत्तुङ्लो॥
एफ्राइम्मिल्ले़ कुधाःक्हाॽ नु मनस्सेःल्ले़ कुधाःक्हाॽ आबाङे खुन्छिॽ तक्ले़ङ्वाओ मे़बोक्लो, हे़क्क्याङ् याङ्सि खे़ङ्हाॽ थिक्हुप् मे़बोङ्ङाङ् यहुदान् मे़भत्तुरो॥ करसाङ् यहवे दाङ्बे़ल्ले़ कुसिक् पोःक्मान् मे़न्जिःक्के वाॽरो, हे़क्क्याङ् आल्लसाङ् खुने़ॽ कुहुक्किल्ले़ साःप्सुसिआङ्ङे पत्लो॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
खुने़ॽ साॽरिक् किप्मागे़घुबा कुसिक् पोःक्मो खुने़ॽ इस्राइलबा काक् मुक्साम्मिन् फुत्लुम् थ्यःङ् चोगुरो॥ निङ्मिहाॽरे़ खुन्छिॽ तगिए खुने़ॽ कुजुक्वा हुक्के़न् खे़त्तुरो, याकुबरे़ कुसम्धाङ् के़धाबा खुने़ॽ आमे़ङ्मे़ङ्बा कुसाक्के़न्निन् के़रे़क् पिसाङ् मिधुङ्दिङ् मिराःक् हे़क्के ले़ॽरे़रो॥
Piblisite