यरिक्तङ्बा बेबिलोन्बाहाॽनु थङ् मे़धक्ते़ल्ले़ आङ्गाॽ आसिक् पोःक्मा नु साॽरिक् आयाःक्ले़ॽमो आङ्गाॽ से़प्मा कोःत्तुङ्सिङ्बाहाॽरे़ खुन्छिॽ चेहाॽरे़ हिम्हाॽ सधे़क् तिम्॥ कन् ये़क्यक्पा यक्युङ्बाहाॽरे़ खुन्छिॽ फे़न्याःम्बक्किल्ले़ चोगुल्ले़ आङ्गाॽ कन् ये़क्यक्किन् लाप्फुसुङ्ङाङ् ने़ःॽ॥
यर्मिया 21:4 - लिम्बु4 “यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘लुङ्धाक् लाःक्कात् खे़ने़ॽ किर्गप् के़गप्पाआङ् के़ये़प्पा बेबिलोनबा हाङ्ङिन् नु थक्सुबाहाॽरे़ खुन्छिॽ तक्ले़ङ्वाओ थक्मारे़ लागि खे़ने़ॽ के़हुक्को के़गत्तुबा फे़जाफे़युम्हाॽ हाबा खे़ने़ॽ के़दक्ले़ङ्वाओ नुःक्तुङ्ॽ॥ आङ्गाॽ खे़ङ्हाॽ फुक्खुङ्सिङ्ङाङ् ये़क्यक् सिगाङ् तारुङ्सिङ्ॽ॥ Gade chapit la |
यर्मिया 21:4
23 Referans Kwoze
कोःक्मा फाङ्जङ् थे़गु माङ्वाहाॽओ हयङ् किल्लिङ् के़बोङ्बा, यम्बा मनालुप्लि हे़क्तङ्बा इक्लान् खे़प्से़म्मे़ॽओ! हे़क्क्याङ् हाङ्जुम्हाॽओलाम् के़लःम्बा हयङ् किल्लिङ्हाॽ, इक्सादिङ् खाम्बेःक्मोबा मे़न्छाम् सुवाङ्हाॽ थिक्मे़त् मे़भुङ्सिङ्ङिल्ले़ के़लःम्बा इक्लान् खे़प्से़म्मे़ॽओ! मुक्साम्दाङ्बा यहवे दाङ्बे़ल्ले़ थङ् चोःक्मारे़ लागि आबाङे खुने़ॽ कुधक्सुबाहाॽ फुक्खुसिर याक्लो॥
आल्ल आङ्गाॽ आजे़ल्ले़क्सेॽ इक्किन् थे़मा चोगुङ्ॽ, आङ्गाॽ खे़ल्ले़ कुयाःम्बेओ खे़निॽ मे़त्निङ्लो— आङ्गाॽ खे़ॽयो फाङ्मनाआङ् के़बप्पा कुधेःक्माहाॽ हाॽयाक् वयाक् आःक्खुङ्देसुङ्लो, हे़क्क्याङ् खे़न् खाप्पुथ्यःङ् पोङ्लो॥ खे़न् चे़ल्ले़क्सेॽ इक्किन् थेःक्मारे़ लागि से़प्मनाबा लुङ्धाक्हाॽ लुःन्दुङ्देसुङ्लो, खे़म्ब्याङ् खे़न् चे़ल्ले़क्सेॽ इक्किन् चिराक् चिराक् मे़लाःक्तुरो॥
आङ्गाॽ के़रे़क् मे़न्छाम् सुवाङ्हाॽ यरुसले़मओ थङ् चोःक्मारे़ लागि सुप्सुङ्सिङ्ॽ, हे़क्क्याङ् कन् ये़क्यक्किन् हुक्काप् मे़जोगुॽ, हिम्हाॽओबा चिगक्वाहाॽ मे़नाप्तुसिॽ हे़क्क्याङ् मे़न्छुमाहाॽ मे़दे़म्सुसिआङ् मेःत् मे़मे़त्तुसिॽ॥ ये़क्यक्कोबा कुभ्रे़ःङ् मनाहाॽ मे़दे़म्सुसिआङ् वेॽ लाजेॽओ मे़देॽरुसिॽ, कर के़याःक्पा मनाहाॽग ये़क्यक्कोलाम् लाःत्लाःत् मे़न्देॽरुसिन्ॽ॥
दाङ्बे़ल्ले़ खुने़ॽओ ले़त्ति तोःम्मादे़न्निन् नाॽरुआङ् ने़रो, खुने़ॽ कुसेसेदे़न्निन् लाप्फेसुआङ् ने़रो॥ खुने़ॽ खे़प्मो के़ने़बा हाङ्हिम्मोबा लुङ्धाक्हाॽ निङ्मिहाॽरे़ खुन्छिॽ हुक्को पिरुसिआङ् ने़रो॥ खे़ङ्हाॽरे़ यहवे दाङ्बे़ल्ले़ कुहिम्मोए निःन्धो के़बोङ्बा तङ्नाम्मोबा ये़न् कुइसिक् मे़जोगुआङ् ने़रो॥
यहवे दाङ्बे़न् निङ्मि कुइसिक् पोःक्खे़आङ् वाॽरो, खुने़ॽ इस्राइले़न् खाप्पुथ्यःङ् चोगुआङ् ने़रो॥ खुने़ॽ के़रे़क् हाङ्हिम्हाॽ फुत्लुम् थ्यःङ् चोगुरो, के़रे़क् यक्हाॽ थुप्सु लुःन्दुदेसुरो॥ खुने़ॽ यहुदाःल्ले़ कुस्सा मे़न्छुमाःल्ले़ कुनिङ्वाॽ तुक्खे चामे़न् नु कुमे़रिङ्ङे़न् फोसु पिरुरो॥
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
थेआङ्भे़ल्ले़ यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़ने़ॽ के़लागि नु के़न्जुम्हाॽरे़ खुन्छिॽ लागि किप्मागे़घुबा मना चोःक्ने़ हे़क्क्याङ् खे़ने़ॽ के़मिक्किल्ले़ कुदगि खे़ङ्हाॽ खुन्छिॽ निङ्मिहाॽरे़ ताभेःल्ले़ मे़ज्ये़प्तु मे़स्ये़रुसिॽ॥ यहुदाबा के़रे़क् यक्युङ्बाहाॽ आङ्गाॽ बेबिलोनबा हाङ्ङिल्ले़ कुहुक्को हुक्सुप्तुङ्सिङ्ॽ, खे़ल्ले़ यरिक्तङ्बा ते़म्सुसिआङ् बेबिलोनओ तेॽरुसि खे़ब्याङ् वेॽहाॽ ताभेःल्ले़ से़रुसिॽ॥
“ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
खुने़ॽ साॽरिक् किप्मागे़घुबा कुसिक् पोःक्मो खुने़ॽ इस्राइलबा काक् मुक्साम्मिन् फुत्लुम् थ्यःङ् चोगुरो॥ निङ्मिहाॽरे़ खुन्छिॽ तगिए खुने़ॽ कुजुक्वा हुक्के़न् खे़त्तुरो, याकुबरे़ कुसम्धाङ् के़धाबा खुने़ॽ आमे़ङ्मे़ङ्बा कुसाक्के़न्निन् के़रे़क् पिसाङ् मिधुङ्दिङ् मिराःक् हे़क्के ले़ॽरे़रो॥
Piblisite