यर्मिया 21:2 - लिम्बु2 “आनिगे लागि यहवे दाङ्बान् से़ःन्लाप्ते़ आबिरे़ॽ थेआङ्भे़ल्ले़ बेबिलोनबा हाङ् नबुकदनेसरे़न् नु खे़ल्ले़ कुधक्सुबाहाॽ आनिगे ये़क्यक्किन् हुक्काप् चोःक्मा फाॽआङ् मे़दार मे़बत्॥ से़क्खाःल्ले़ के़बेःक्पा ये़म्मो यहवे दाङ्बे़ल्ले़ आनिॽ लागि निङ्वाॽ के़माबा याःम्बक् चोगुबा हे़क्के आल्लआङ् चोगुआङ् नबुकदनेसरे़न् नुःक्तुदेसुबि॥” Gade chapit la |
यर्मिया 21:2
44 Referans Kwoze
“यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, थे़मा पोङ्मा चोक् खे़न् पाःन्निन् आङ्गाॽ सेःन्दोमारे़ लागि यहुदाबा हाङ्ङिल्ले़ खे़ने़ॽ के़बाङ्घे़॥ खुने़ॽ अक्खे मे़त्ते़ॽ, ‘फारोल्ले़ कुधक्सुबाहाॽ खे़ने़ॽ के़भाॽसे़ मे़धाङे़र मे़बत्छे़साङ् खे़ङ्हाॽ मिस्र नुःङ्मा पेःक्मा मे़जोक्॥
हे़क्क्याङ् सामुए़लरे़ सावले़न् मे़त्तु, “आङ्गाॽ थो के़लःत्ताङ्ङाङ् थेआङ् तुक्खे के़जाःत्ताबाबे?” सावलरे़ मे़त्तु, “आङ्गाॽ साॽरिक् के़साक्पो थ्याङ्ङाङ् वाॽआ॥ पलिस्तिहाॽरे़ थङ्ङो आङ्गाॽ मे़एःप्ताङ्ङाङ् वाॽ, हे़क्क्याङ् निङ्वाॽफुमाङ्ङिल्ले़ आङ्गाॽ ले़राङ्ङाङ् वाॽ॥ खुने़ॽ माङ्निङ्वाॽपान् के़बाःप्पालाम् हे़क्क्याङ् से़प्माङ्लाम्माङ् नोगप् मे़बिराङ्ङिन्॥ आङ्गाॽ थे चोगुङ्बाबे फाॽआङ् सेःन्दोसे़ खे़ने़ॽ उःत्ने़बा॥”
“ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥
खम्भ्याङ् यहवे दाङ्बे़ल्ले़ माङ्लाइङ्बाधिक् पाङ्घुयुसुआङ् खे़ल्ले़ अस्सुरबा हाङ्ङिल्ले़ कुसाःङ्गाहिम्हाॽओ के़वाॽबा के़रे़क्, मुक्के़गुबा थङ्गे़जोःक्पाहाॽ, लाम्लोबाहाॽ नु सुहाङ्युक्पाहाॽ वरे़ङ्ले़ङ् युम्रे़क् मे़क्खुसि॥ खे़ब्याङ् सनहेरिबे़न् कुनाध्ये़आङ् आबाङे कुलाजेॽओ नुःक्खे़आङ् पे॥ हे़क्क्याङ् खुने़ॽ कुमाङ्ङिल्ले़न् माङ्हिम्मो लासे़ल्ले़ खुने़ॽ कुस्साहाॽओबा कुभारे़ ताभेःल्ले़ खुने़ॽ मे़ज्ये़प्तु मे़स्ये़रु॥
ताःन्दि सिदकियाह हाङ्ङिल्ले़ खुने़ॽ कुउःत्छे़ मना पाङ्घुसि हे़क्क्याङ् हाङ्हिम्मो तेॽरुआङ् हाङ्हिम्मोबा हाःत्ताङ् के़होप्पादे़न्नो खुने़ॽ पान् सेःन्दोसु, “थे यहवे दाङ्बालाम् कुभा इङ्घङ्हाॽ खे़ने़ॽ पाःप्मा के़गत्तुबि?” यर्मियाःल्ले़ मे़त्तु, “ओरो, आङ्गाॽ पाःप्मा कत्तुङ्ॽ! बेबिलोनबा हाङ्ङिल्ले़ खे़ने़ॽ के़दे़म्ॽ॥”
ये़त्तुक्खेःल्ले़ कुसम्धाङ् ये़त्तुक्खे तारो, हे़क्क्याङ् हयङ्किल्लिङ्ले़ कुजक् हयङ्किल्लिङ् पोङ्दारो॥ माङ्निङ्वाॽपान् के़बाःप्पाहाॽलाम् लत्छा सुफोरे़ लागि खे़ङ्हाॽरे़ थेनाधे लाम् ओमे़मे़त्तुरो॥ खे़ङ्हाॽरे़ निङ्वाॽफुसाम्बाहाॽलाम् निसाम् मे़ङ्घोसुन्लो हे़क्क्याङ् लाम्लोबाहाॽलाम् खे़ङ्हाॽरे़ सुजा मे़ङ्घोसुन्लो॥
Piblisite