यर्मिया 21:10 - लिम्बु10 आङ्गाॽ कन् ये़क्यक्किन् ताङ्से़ःप्माग मेःन् कर मे़ङ्मा निःन्धो चोगुङ्ङाङ् वाॽ॥ खे़न् ये़क्यक्किन् बेबिलोनबा हाङ्ङिल्ले़ कुहुक्को चुक् हे़क्क्याङ् खे़ल्ले़ कन् मिःल्ले़ खाप्पुथ्यःङ् चोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥’” Gade chapit la |
यर्मिया 21:10
26 Referans Kwoze
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“कर खे़ङ्हाॽ आङ्गाॽ आइङ्जाङ्ङिन् इःप्मा नाःप्मा मे़न्दे़न्ने़न् हे़क्क्याङ् खे़न् ये़न्नो खे़ङ्हाॽ कुभा के़लिःप्पा कक् मे़गुःत्छिङ्ङाङ् यरुसले़ःम्मोबा मा लाम्धेःप्पाहाॽओलाम् सिगाङ् नु लाःक्कात् मे़लॽ हे़क्क्याङ् खे़ङ्हाॽरे़ नाःम्सिङ्मा ये़न्निन् सेसे ये़न् फाॽआङ् मे़न्ने़त्तुन्ने़भग्र आङ्गाॽ यरुसले़ःम्मोबा मालाम्धेःत्हाॽओ मि केःत्तुङ्ॽ॥ यरुसले़ःम्मोबा हाङ्यक्हाॽ मिःल्ले़ खाप्पुथ्यःङ् पोङ्ॽ हे़क्क्याङ् मिन् आत्तिल्ले़आङ् से़प्मा मे़सुक्तुन्लो॥”
यरिक्तङ्बा बेबिलोन्बाहाॽनु थङ् मे़धक्ते़ल्ले़ आङ्गाॽ आसिक् पोःक्मा नु साॽरिक् आयाःक्ले़ॽमो आङ्गाॽ से़प्मा कोःत्तुङ्सिङ्बाहाॽरे़ खुन्छिॽ चेहाॽरे़ हिम्हाॽ सधे़क् तिम्॥ कन् ये़क्यक्पा यक्युङ्बाहाॽरे़ खुन्छिॽ फे़न्याःम्बक्किल्ले़ चोगुल्ले़ आङ्गाॽ कन् ये़क्यक्किन् लाप्फुसुङ्ङाङ् ने़ःॽ॥
“खे़ने़ॽ पेगे़ॽआङ् इथोपियाबा एबेद-मेलेके़न् मे़त्ते़ॽ, ‘मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ—आङ्गाॽ कन् ये़क्यक्किन् यङ्मा से़रुङ्ङाङ् वाॽआबा के़रे़क् पाःन्हाॽ आङ्गाॽ चोगुङ्ॽ॥ आङ्गाॽ नुॽमादामा मेःन्, मे़क्मासिमे़न् पाङ्घुङ्ॽ॥ कल्ले़ कुमे़क्मा सिमे़न् खे़ने़ॽ के़निसुॽ,
खे़ब्याङ् यर्मियाःल्ले़ सिदकियाहःन् मे़त्तु, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्के पाःत्तुॽ, ‘खे़ने़ॽ बेबिलोनबा सुहाङ्युक्पाहाॽरे़ खुन्छिॽ हुक्को के़घे़ःम्सिङ्ने़भग्र खे़ने़ॽ नु के़हिम्सयङ्हाॽ के़हिङिॽ, कन् ये़क्यक्किन् मिदिक्काङ् खाप्पुथ्यःङ् मे़बोङ्ने़न्॥
Piblisite