खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
यर्मिया 20:7 - लिम्बु7 यहवे दाङ्बाए, खे़ने़ॽग आङ्गाॽ इङ्गे़ले़क्ताङ्लो हे़क्क्याङ् आङ्गाॽ इङ्ले़क्को सरम् थ्याङ्लो॥ खे़ने़ॽ आङ्गाॽनुःल्ले़आङ् के़धुम्बा के़जोःक्लो हे़क्क्याङ् खे़ने़ॽ आङ्गाॽ के़नाःन्दाङ्लो॥ के़रे़क्ले़ आङ्गाॽ येःप्मालाम् मे़जोःक्कारो खे़ब्याङ् ले़न्दिक् नाम्धाधा किनाःन्दि मे़बिआरो॥ Gade chapit la |
यर्मिया 20:7
32 Referans Kwoze
कर “आङ्गाॽ निङ्वाॽफुमाङ्ङिल्ले़ कुमिङ् मे़लोःङ्ङाल्लो हे़क्क्याङ् खुने़ॽ कुमिङ्ङो आङ्गाॽ मे़बाःत्तान्लो” हे़क्के लॽआने़भग्र खुने़ॽ कुबाःन्जाक्किन् मि हे़क्के हुरुरु तिःत्लो खे़ब्याङ् खे़ल्ले़ आसिक्लुङ्मे़न् हाम्हाम् मे़त्तुरो॥ आङ्गाॽ सदादिङ् खे़न् साक्मा तम्सिङ् चोगुङ्लो कर खे़न् आङ्गाॽ थम्मा मे़सुक्कान्लो॥
खे़प्मो एपिक्युरि नु स्तोकि सिक्साम्बाहाॽआङ् खुने़ॽनु पान् मे़धक्ते़रो॥ कुभा अक्खे मे़मे़त्छिङ्, “कन् अॽअबाल्ले़ थे़माःन् पाःत्तुबे?” वेॽहाॽरे़ अक्खे मे़मे़त्तु, “कल्ले़ग कुसङ् वेॽ साम्माङ्ज्याङ् नु माङ् पान् चे़क्खु पाःत्तुबा हे़क्के लॽरो॥” पावलरे़ ये़सुन् नु सिमे़न्लाम् याम्मो हिङ्मारे़ कुयाःम्बेओ इङ्भन् चोगुबाल्ले़ खे़ङ्हाॽरे़ अक्खे मे़बाःत्तुबारो॥
“यहवे दाङ्बे़ल्ले़ खे़ने़ॽ यहोयादाःल्ले़ कुले़क्वाओ निङ्वाॽफुसाम्बा के़जोगे़ हे़क्क्याङ् आल्ल खे़ने़ॽ माङ्हिम् ओगे़मे़प्पा निङ्वाॽफुसाम्बा के़बोक्खे़आङ् के़वाॽ, माङ्निङ्वाॽपान् के़बाःप्पा के़लाम्सिङ्बार के़वाॽबा के़रे़क् के़नाङ्बाहाॽ तुरुङ् थे़प्मासिआङ् खुन्छिॽ सिक्कुमो फे़न्जेॽ ताङ् वाःप्मासि याःम्बक्किन् खे़ने़ॽइन्लो॥
खे़ब्याङ् आङ्गाॽ मे़त्तुङ्लो, “चिःत्ताङ् स्याङ्लो! चिःत्ताङ् स्याङ्लो! आङ्गाॽ आम्मारे़ थेआङ् कत्ताङ्बाइरो? लाजेॽओबा के़रे़क् मनाहाॽनु आङ्गाॽ पाःन्धङ् नु खे़माॽ चोःक्मा पोङ्लो॥ आङ्गाॽ हाःत्ताङ् कुभा सिङ्नात् मे़म्बिए वाॽआरो, वेॽहाॽलाम्बा थे़माआङ् सिङ्नात् मे़न्दाःत्ते वाॽआरो हे़क्केसाङ् के़रे़क्ले़ माङ्दे साङ्ग्रा मे़मे़त्तारो॥”
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
Piblisite