खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
यर्मिया 20:6 - लिम्बु6 हे़क्क्याङ् पसहुररे़, खे़ने़ॽ नु के़हिम्सयङ्ङाङ् साक्पा के़ध्ये़ॽइ खे़ब्याङ् बेबिलोनओ पुङ्लाधाबा के़बोःक्खिआङ् के़बेगिॽ॥ खे़ने़ॽ के़रे़क् के़न्देःङ् के़न्जुम्हाॽ खे़ने़ॽ इङ्ले़क्पा माङ्निङ्वाॽपान् के़मे़त्तुसिआङ् के़वये़, खे़ङ्हाॽनु खे़ने़ॽ के़सिआङ् खे़प्मोए के़म्हुम्लो॥’” Gade chapit la |
यर्मिया 20:6
25 Referans Kwoze
थेआङ्भे़ल्ले़ यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़ने़ॽ के़लागि नु के़न्जुम्हाॽरे़ खुन्छिॽ लागि किप्मागे़घुबा मना चोःक्ने़ हे़क्क्याङ् खे़ने़ॽ के़मिक्किल्ले़ कुदगि खे़ङ्हाॽ खुन्छिॽ निङ्मिहाॽरे़ ताभेःल्ले़ मे़ज्ये़प्तु मे़स्ये़रुसिॽ॥ यहुदाबा के़रे़क् यक्युङ्बाहाॽ आङ्गाॽ बेबिलोनबा हाङ्ङिल्ले़ कुहुक्को हुक्सुप्तुङ्सिङ्ॽ, खे़ल्ले़ यरिक्तङ्बा ते़म्सुसिआङ् बेबिलोनओ तेॽरुसि खे़ब्याङ् वेॽहाॽ ताभेःल्ले़ से़रुसिॽ॥
हे़क्क्याङ् आरसाङ् कुभारे़ माङ्निङ्वाॽपान् पाःत्तुने़भग्र, खुने़ॽ सागे़वाःम्बा कुम्मा कुम्बासिरे़ए खे़न् अक्खे मे़मे़त्तुॽ, ‘खे़ने़ॽ सिमाए पोङ्ॽ, थेआङ्भे़ल्ले़ खे़ने़ॽ यहवे दाङ्बे़ल्ले़ कुमिङ्ङो इङ्ले़क् के़बाःत्तुआङ् वाॽ॥’ खे़ल्ले़ माङ्निङ्वाॽपान् पाःत्तुल्ले़ खुने़ॽ सागे़वाःम्बा कुम्मा कुम्बासिरे़ खे़न् फ्याक् लस्सुर मे़धुबुॽ॥”
खे़ल्ले़चोगुल्ले़ खे़न् नेहेमलाम के़युङ्बा समायाहःन् नु कुमुइॽदाङ्साहाॽ खुम्दिङ् पिरुङ्सिङ्ॽ॥ खे़ल्ले़ आत्तिन् कुमुॽइदाङ्साहाॽआङ् खिनिॽलुम्मो कुहिङ्वे़त् मे़न्याःक्ने़न्, आङ्गाॽ आमनाहाॽरे़ लागि चोगुङ्बा नुबा याःम्बक्किन् खे़ल्ले़ निमा मे़घोसुन्ॽ थेआङ्भे़ल्ले़ खे़ल्ले़ आङ्गाॽ आमनाहाॽ आदक्ले़ङ्वाओ पिफ्युङ् चोःक्मा हुसुसिआङ् वये़॥ आङ्गाॽ कन् यहवे दाङ्बे़ल्ले़ पाःत्तुङ्ङाङ् वाॽरो॥’”
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
हे़क्क्याङ् खे़ङ्हाॽरे़ माङ्निङ्वाॽपान् मे़मे़त्तुसिबा मनाहाॽरे़ खुन्छिॽ चेहाॽ साक् नु ताभेःल्ले़ चोगुल्ले़ यरुसले़ःम्बा लाम्हाॽओ ने़गन् हे़क्क्याङ् खे़न् के़लुप्पा मना थिक्काङ् मे़वाॽने़न्॥ खे़ङ्हाॽ के़रे़क्ले़ खुन्छिॽ मेःत्हाॽ नु साहाॽरे़आङ् हाबा हे़क्तङ्बाए मे़दुमुॽ॥ आबाङे खुन्छिॽ ताप्फे़ःम्बा याःम्बक्किल्ले़ तुम्घोःन् खे़ङ्हाॽ आबाङे खोमा पाङ्घुङ्सिङ्ॽ॥”
Piblisite