यर्मिया 20:16 - लिम्बु16 खे़न् मनान् खे़न् ये़क्यक्हाॽ हे़क्तङ्बा पोङ्लरो, खे़ङ्हाॽ यहवे दाङ्बे़ल्ले़ लुङ्माॽ मे़न्दुक्के मे़क्खुआङ् वये़रो॥ खे़ल्ले़ तानाम् के़हाःप्पा के़जिङ्बा हाःम्लाक्वा खे़प्सुररो खे़ब्याङ् ले़न्दिक् मसेरा ते़न्धङ्गे़न् इक्लान् खे़प्सुररो॥ Gade chapit la |
यर्मिया 20:16
25 Referans Kwoze
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
कल्ले़चोगुल्ले़ मुक्साम्दाङ्बा यहवे, इस्राइलबा निङ्वाॽफुमाङ्ङिल्ले़ उवा चोगुरो, “आङ्गाॽ कुहिङ्वे़त् वाॽआबा कुइसिक्, से़क्खाए मोआबे़न् सदोम हे़क्तङ्बा पोङ्लो अम्मोनिहाॽ गमोरान् हे़क्के ताम्भुङ् याःन्सुङ् नु युम् के़याक्पा पाक्लुम्लुम्बादे़न् पोङ्लो, हे़क्क्याङ् सदादिङ्ले़ लागि चा मे़न्नुॽमनाबा लाजेॽ पोङ्लो॥ के़वाॽबा के़याःक्पा आमनाहाॽरे़ खे़ङ्हाॽ मे़नाप्तुसिरो, खे़ब्याङ् के़हिङ्बा के़याःक्पा आङ्गाॽ आसुवाङ्हाॽरे़ खे़ङ्हाॽरे़ खुन्छिॽ लाजेन् मे़युक्तुरो॥”
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
“एफ्राइमए, आङ्गाॽ खे़ने़ॽ आक्खेलॽरिक् ले़प्मा सुक्ने़ग! इस्राइलए, आक्खेलॽरिक् निङ्मिहाॽरे़ खुन्छिॽ हुक्को थामा सुक्ने़बे? खे़ने़ॽ आभेलॽरिक् अदमान् हे़क्के ले़प्मा सुक्ने़बे? आङ्गाॽ आभेलॽरिक् सबोयिमे़न् हे़क्तङ्बा चोःक्मा सुक्ने़बे! आङ्गाॽ आसिक्लुक्मे़न् आङ्गाॽ आसिगाङ्ङे नुःक्तुङ्ङाङ् वाॽरो॥ आङ्गाॽ साॽरिक् आलुङ्माॽ स्याःत् के़लॽबा पोःक्खाङ्ङाङ् वाॽआरो॥
खिनिॽ मनाहाॽरे़ खुन्छिॽ तक्ले़ङ्वाओ थङ् इक्लान् हुःक्लो, खिनिॽ के़रे़क् यक्हाॽ वरे़ङ्ले़ङ् खाप्पुथ्यःङ् मे़मे़क्खुरो हे़क्क्याङ् ते़न्धङ्ङो सल्मनरे़ बेथ-आर्बेले़न् थ्यःङ् चोगुबा हे़क्के— खे़न् ये़म्मो माहाॽ खुन्छिॽ अङे़ःक्वा साहाॽनु सोसोरिक् खाम्बाङ्ङो पिर्धाप् पिर्धाप् मे़धाप्सुसिआङ् वये़रो॥
खुने़ॽ कुजुप्साङ् ले़प्माङ् के़ये़प्पा खागे़इक्पाल्ले़ पाःत्तुॽ, ‘यरुसले़म!’ लुङ्धाक् लुःम्मा सिङ्आःत्हाॽनु, मनाहाॽ से़प्मासि यम्बा इक्लाओ मे़अःक्ल, यम्बा लाम्धेःप्पाहाॽरे़ कुदक्ले़ङ्वाओ खुने़ॽ कुधक्सुबाहाॽ मे़भे़न्ॽ॥ खे़ङ्हाॽरे़ किर्गप् कप्मा चङ्हिम्हाॽ मे़ये़प्सुॽ, हे़क्क्याङ् लुङ्धाक्हाॽ लुःम्मारे़ लागि खाम्लुङ्हाॽ थो मे़भोःक्खुॽ॥
कर यरुसले़ःम्मो के़वाॽबा माङ्निङ्वाॽपान् के़बाःप्पाहाॽओ आरसाङ् याम्गे़सिङ्बा याःम्बक् मे़जोगुबा आङ्गाॽ निसुङ्ङाङ् वाॽरो॥ खे़ङ्हाॽरे़ याम्बोःप्मा याःम्बक् नु नुबा ले़ङ्सिङ्मा, फे़न्याःम्बक् मे़जोगुरो ताप्फे़ःम्बा याःम्बक् के़जोःक्पा मनाहाॽ कुभाॽ मे़बिरुसिरो खे़ल्ले़चोगुल्ले़ आत्तिन्हाॽरे़आङ् फे़न्याःम्बक् चोःक्मा मे़न्ले़रुन्लो॥ आलागि खे़ङ्हाॽ के़रे़क् सदोम हे़क्तङ्बा नु यरुसले़ःम्बा मनाहाॽ गमोराबा हे़क्के ताक्के़भे़ॽबा मे़बोःक्खे़आङ् मे़वाॽरो॥”
Piblisite