यर्मिया 20:13 - लिम्‍बु

¹³ यहवे दाङ्‌बे़ल्‍ले़ कुलागि से़वासाम्‍लो साम्‍मे़त्ते़म्‍मे़ॽओ! यहवे दाङ्‌बे़ल्‍ले़ कुनारा फोसे़म्‍मे़ॽओ! खुने़ॽ याङ्‌गे़साॽबाहाॽ नु कुहोःप्‍मा कुसाक्‍मो के़धाबाहाॽ ताक्‍के़भे़ॽबाहाॽरे़ खुन्‍छिॽ हुक्‍कोलाम् ताङ्‌से़ःप्‍तुसिरो॥

यर्मिया 20:13 Referans Kwoze

यसैया 25:4

याङ्‌गे़साॽबा मनाहाॽरे़ खुन्‍छिॽ लागि हे़क्‍क्‍याङ् ये़त्तुक्‍खे के़दुम्‍बा कुधेआङ् के़होःप्‍पाहाॽरे़ लागि खे़ने़ॽ से़ःप्‍सिङ्‌मादे़न् के़बोक्‍खे़आङ् के़वाॽरो, सुरित् केजङ् हुःल्‍ले़ वाइःप्‍सिङ्‌मादे़न् हे़क्‍क्‍याङ् नाम्‍से़ःक्‍किल्‍ले़ इःम्‍सिङ्‌मादे़न् नाम्‍जिःक्‍खोॽ के़बोक्‍खे़आङ् के़वाॽरो॥ थेआङ्‌भे़ल्‍ले़ कुनिङ्‌वाॽ के़जिःप्‍पाहाॽरे़ खुन्‍छिॽ सक्‍माःङ्‌ग लुङ्‌धाक्‍को के़दोःक्‍पा सुरित् केजङ् कुइसिःक्‍लक् लॽरो,

निङ्‌वाॽफु साम्‍लोसुम् 69:33

याङ्‌गे़साॽबाहाॽरे़ मे़जोगुबा पेलिगे़न् तुवान् यहवे दाङ्‌बे़ल्‍ले़ खे़प्‍सुरो, हे़क्‍क्‍याङ् साक्‍पागे़धाबा कुमनाहाॽ खुने़ॽ हने़ निङ्‌वाॽ मे़भेःत्‍छुसिन्‍लो॥

निङ्‌वाॽफु साम्‍लोसुम् 72:4

हाङ्‌ङिल्‍ले़ इनोगे़न् तुक्‍खेओ के़धाबाआङ् के़वाॽबाहाॽ कम्‍ब्राङ् मे़त्तुसिरो, याङ्‌गे़साॽबाहाॽ नु तुक्‍खे के़जाबाहाॽ खुने़ॽ फाॽरुसिरो॥ हे़क्‍क्‍याङ् मना निङ्‌घे़म् के़मे़प्‍पाआङ् के़जाःप्‍पाहाॽ खुने़ॽ थे़युःत् थे़युःत् युःत्तुसिरो॥

निङ्‌वाॽफु साम्‍लोसुम् 34:6

चुङ्‌जिगे़न् ये़त्‍छा साहाॽरे़ यहवे दाङ्‌बान् पेलि मे़भाक्‍तुबे़न् खे़प्‍सुरो, हे़क्‍क्‍याङ् खे़ङ्‌हाॽरे़ के़रे़क् खुनिॽ तुक्‍खे लाक्‍खेहाॽ खे़त्तुदेसु पिरुसिआङ् से़ःप्‍तुसिरो॥

यर्मिया 15:21

ताक्‍के़भे़ॽबाहाॽरे़ खुन्‍छिॽ हुक्‍कोलाम्‍बा से़ःप्‍ने़रो, हे़क्‍क्‍याङ् कुॽइगे़भे़म्‍बा मनाहाॽरे़ खुन्‍छिॽ हुक्‍को थामालाम् ताङ्‌ने़रो॥ आङ्‌गाॽ यहवे दाङ्‌बे़ल्‍ले़ कन् पाःत्तुङ्‌ङाङ् वाॽरो॥”

यर्मिया 31:7

यहवे दाङ्‌बे़ल्‍ले़ अक्‍खे पाःत्तुॽ, “मे़न्‍छाम् सुवाङ्‌हाॽओ के़रे़क्‍नुःल्‍ले़ यम्‍बा इस्राइल सुवाङ्‌ले़ लागि सःप्‍मा से़वासाम्‍लोन् साम्‍मे़त्ते़म्‍मे़ॽओ॥ खिनिॽ अक्‍खेलॽरिक् आबाङे नाराफोमा से़वासाम्‍लोन् साम्‍मे़त्ते़म्‍मे़ॽओ, ‘यहवे दाङ्‌बाए, इस्राइलबा के़हिङ्‌बा के़याःक्‍पा खे़ने़ॽ के़मनाहाॽ ताङ्‌से़ःप्‍ते़से़ॽओ॥’