यर्मिया 20:10 - लिम्बु10 के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥” Gade chapit la |
यर्मिया 20:10
35 Referans Kwoze
आत्तिन्हाॽरे़ मनाहाॽ पाःन्नो मे़धासुसिआङ् आप्तिक्साबा मे़जोगुसिरो, हे़क्क्याङ् खासे़न् लोःम्मादे़न्नो तुःन्देॽ मे़गुःत्तुसिआङ् चे़न्नो मे़धासुसिरो॥ खे़ब्याङ् कुदोःप्मा मनाहाॽ मे़न्वाॽमनाबा पान् मे़धिक्तुसिआङ् खासे़न्लोम्मा मे़ङ्घोम्नाबा मे़जोगुसिरो हे़क्तङ्बा मनाहाॽ यहवे दाङ्बे़ल्ले़ मे़क्खुसिरो॥
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
कल्ले़चोगुल्ले़ इजेबेलरे़ अक्खे मे़त्तुआङ् एलियाओ इङ्घङ् के़साबाधिक् पाङ्घुदेसु, “आक्खेलॽरिक् खे़ने़ॽ खे़ङ्हाॽ के़से़रुसि, हे़क्केलॽरिक्के ताःन्दिक् हाबा कन् ये़म्मो थारिक्ले़ आङ्गाॽ खे़ने़ॽ मे़से़त्ने़न्ने़भग्र, माङ्हाॽरे़ आङ्गाॽ हे़क्केए मे़मे़त्तार इग्र खे़न्नुःल्ले़ साॽरिक् ताप्फे़ःल्लिक् मे़मे़त्तार॥”
इस्राइलबा हाङ् आहाबरे़ यहोसापाते़न् नुगप् पिरु, “यहवे दाङ्बालाम् सेःन्दोमारे़ लागि मना थिक्क वाॽ, कर आङ्गाॽ खे़न् चिःत्तुङ्ॽ, थेआङ्भे़ल्ले़ खे़ल्ले़ आङ्गाॽ आलागि नुबा माङ्निङ्वाॽपान् मे़बाःत्तुन्ॽ, कर आभे़ल्ले़साङ् ताप्फे़ःम्बारक् पाःत्तु॥ खे़ङ्ग यिम्लारे़ कुस्सा मिकायान्लो॥” यहोसापातरे़ नुगप् पिरु, “हाङ्ङिल्ले़ हे़क्के पाःप्मा मे़नुॽने़न्॥”
आङ्गाॽग से़त्छे़ तेॽमनाबा लत्छा कुदोःप्मा थुःम्बा हे़क्के वयाङ्॥ खे़ङ्हाॽरे़ आङ्गाॽ आदक्ले़ङ्वाओ चे़म्भन् मे़जोगुबा फाॽआङ् आङ्गाॽ निङ्वाॽ मे़ङ्घोए वयाङ्॥ खे़ङ्हाॽरे़ अक्खे मे़बाःत्तुर मे़वये़, “खे़न् सिङ्बुङ्मान् कुजाॽनुए ताङुम्माङ् सोःन्दुम्॥ कुहिङ्वे़त्हाॽरे़ खुन्छिॽ लाजेॽलाम्बा खे़न् मे़क्खुम् हे़क्क्याङ् खे़ल्ले़ कुमिङ्ङिन् आत्तिन्हाॽरे़आङ् याम्मो निङ्वाॽसोओ मे़न्इःत्तुन्लरो॥”
कर बेन्यामिन मा लाम्धेःप्पो के़रे़ल्ले़ खे़प्मो के़ये़प्पा लाम्धेत् के़गोबाल्ले़ खुने़ॽ ते़म्सुआङ् सेःन्दोसु, “खे़ने़ॽ के़घे़त्छिङ्ङाङ् बेबिलोनिहाॽ ले़प्माङ् के़बेःक्ल के़बत्॥” खे़न् लाम्धेत् के़गोबा यर्मिया के़दे़म्बे़न् हनन्याहरे़ कुम्मे़न्छाॽ नु सेलेम्याहरे़ कुस्सा यिरियाहःन् वये़॥
खे़ब्याङ् युक्साबाहाॽ नु हाङ्जुम्मोबा यम्बा सुहाङ्गे़म्बाहाॽरे़ दानिए़ले़न् आप्तिक् कुःप्मारे़ लागि हाङ्जुम्बा याःम्बक्हाॽओ खुने़ॽ फेःन्दुबा पाःन्हाॽ कोःप्मा मे़हेःक्तु, कर खे़ङ्हाॽरे़ हे़क्के चोःक्मा मे़न्छुक्तुन्॥ खे़ङ्हाॽरे़ खुने़ॽओ थे़माआङ् फे़न्याःम्बक् खोमा मे़न्छुक्तुन्, थेआङ्भे़ल्ले़ खुने़ॽ निङ्वाॽइरे़ खोःप्तुबा हे़क्क्याङ् कुदोःप्मा याःम्बक् के़जोःक्पा नु कुबाःप्पाःत् पे़र्गे़क् वर्गे़क्काङ् मे़न्जोःक्मनाबा वये़॥
Piblisite