“साप्चोबेल्ले़ हिबु, लक्तु खोःन्दुआङ् चोगुबा नावाइत्लाःल्ले़ कुयाःम्बक् थे़मा वाॽआङ्बे? इग्र इङ्ले़क् के़हुॽबा नावाइत्लाःल्ले़ कुयाःम्बक् थे वाॽबे? थेआङ्भे़ल्ले़ खे़न् नावाइत्ला के़जोःक्पा चोबेगुःल्ले़ आप्फेक् कुहुक्किल्ले़ चोगुबा चइःत्ते़न् नासाॽरुरो, खुने़ॽ चोगुसिबा नावाइत्लाहाॽ पाःप्मा मे़न्छुक्ने़न्लो॥
यर्मिया 2:8 - लिम्बु8 निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥ Gade chapit la |
यर्मिया 2:8
35 Referans Kwoze
आनिगे लाम्लोबाहाॽ खासिङ् मे़न्निःप्मनाबा मे़ल्लुक्कम्बा हे़क्के मे़लॽरो॥ यहवे दाङ्बे़ल्ले़ लाम् ओसेःन्आधाक्ल फाॽआङ् खे़ङ्हाॽ पेलि मे़म्भाक्ने़न्लो॥ खे़ल्ले़चोगुल्ले़ खे़ङ्हाॽ कुलिङ्दो मे़ङ्गे़रे़न्लो हे़क्क्याङ् आनिगे मनाहाॽ के़रे़क् पिसाङ् मे़ल्लुक् हे़क्के मे़से़रे़आङ् मे़वाॽरो!
खे़ल्ले़ कुले़क्वा आनिगे़ग मनारे़ मे़न्निए चोःक्मनाबा सिरिङ्ममा याःम्बक्हाॽ नाॽरुम्बे़आङ् वयिगे़रो॥ आनिगे इङ्ले़क् मे़जोगुम्बे़न्लो हे़क्क्याङ् निङ्वाॽफु पाःन्जाक्किन् योधो मे़जोगुम्बे़न्लो॥ आनिगे़ग निङ्वाॽफुमाङ्ङिल्ले़ ओमत्तिगे़र वाॽ फाॽआङ् निसुम्बे़आङ् मनाहाॽ से़क्खा पाःन्लक् मे़त्तुम्सिम्बे़ॽ, हे़क्क्याङ् काक् नसाःन्साबाहाॽरे़ खे़न् कुसिङ् मे़निःत्तुॽरो॥
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
“खिनिॽ साम्योथिम्साम्बासे, खिनिॽ के़जिःत्ति के़स्ये़ॽइरो, थेआङ्भे़ल्ले़ निङ्वाॽफुमाङ्ङिन् कुसिङ् निःप्मा ने़हिनिङ्वाॽ हम्मा तिमिक्किन् के़देॽरुम्साङ् खिनिॽ आबाङेग के़न्लासिन्लो॥ हे़क्क्याङ् निङ्वाॽफुहाङ्जुम्मो लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥”
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
यहवे दाङ्बे़ल्ले़ अक्खे पाःत्तुरो, “आङ्गाॽ आमनाहाॽ अदङ् मे़जोक्लो खे़ङ्हाॽरे़ आङ्गाॽ कुसिङ् मे़न्निःत्तान्लो॥ खे़ङ्हाॽ ने़हिनिङ्वाॽ मेःन्नेबा अङे़ःक्वाहाॽ हे़क्के मे़लॽरो, खे़ङ्हाॽरे़ खुन्छिॽ खासिङ्निःप्मा साम्मिन्ने होप्लो॥ खे़ङ्हाॽ ताक्के़भे़ॽबा याःम्बक् चोःक्मा के़ले़बा मे़जोक्लो, कर खे़ङ्हाॽरे़ नुबा याःम्बक् चोःक्मा मे़ल्ले़सुन्लो॥”
वेॽ आत्तिन् सुवाङ्ङिल्ले़आङ् आबाङे साम्माङ्हाॽ आप्फाल्ले़आङ् मे़न्ले़क्के कत्तुसिरो, हे़क्केसाङ् खे़न् साम्माङ्हाॽ से़क्खाबा माङ् मेःन्छिरो॥ कर आङ्गाॽ आमनाहाॽरे़ हे़क्तङ्बा साम्माङ्हाॽनु आङ्गाॽ मे़ले़क्ताङ्लो, खे़ङ्हाॽरे़ खुन्छिॽ मिमिदिङ्ङिन् खे़न् हने़बा साम्माङ्हाॽनु मे़ले़क्तुरो॥
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
खे़ब्याङ् एलियाःल्ले़ खे़ङ्हाॽ इङ्जाङ् पिरुसि, “बालरे़ कुमाङ्निङ्वाॽपान् के़बाःप्पाहाॽ ते़म्से़म्सिम्मे़ॽ॥ लत्छाआङ् खे़त्छिङ्मा मे़ङ्घोने़न्ल॥” खे़ङ्हाॽरे़ बालरे़ कुमाङ्निङ्वाॽपान् के़बाःप्पाहाॽ मे़दे़म्सुसि, हे़क्क्याङ् एलियाःल्ले़ खे़ङ्हाॽ यो किसोन ने़ने़बादे़न्नो युःप्मा पाङ्घुसिआङ् खुने़ॽ खे़ङ्हाॽ से़रुसिरो॥
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
खे़ने़ॽओबा निङ्वाॽफुसाम्बाहाॽरे़ आङ्गाॽ आइङ्जाङ्हाॽ मे़भेःन्दुआङ् वाॽ हे़क्क्याङ् आङ्गाॽ सेसेबा आबाःन्हाॽ मे़जिःन्दुआङ् वाॽ॥ आत्तिन् सेसेबा पान् नु आत्तिन् मे़न्जोबा पान् फाॽआङ् खे़ङ्हाॽरे़ मे़न्छे़न्दुन्ॽ॥ हे़क्क्याङ् थिम् कुइसिक् सुत्थो नु आसुत्थो पाःन्हाॽ खे़ङ्हाॽरे़ आङ्गाॽ आमनाहाॽ मे़न्हुॽरुसिन्ॽ॥ आङ्गाॽ खे़ङ्हाॽरे़ खुन्छिॽ लुम्मो कुनामे़न्छाॽ पोङ्ङार फाॽआङ् खे़ङ्हाॽरे़ आङ्गाॽ आसाबाथ नाःम्सिङ्मा ये़न्हाॽ निनि खे़म्घे़म् मे़ल्लाप्तुन्ॽ॥
“नासिगे़न् थक्ला के़गप्पा मे़न्छाम् याप्मिए, खे़ने़ॽ इस्राइलबा मे़ल्लुक्कम्बाहाॽरे़ खुन्छिॽ तक्ले़ङ्वाओ माङ्निङ्वाॽपान् पारे़ॽ॥ आङ्गाॽ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—खिनिॽ थक्सालुप्हाॽ कम्ब्राङ् मे़प्मासिरे़ कुले़क्वा खिनिॽ आबाङेरक् कम्ब्राङ् के़मे़त्छिङ्बा मे़ल्लुक्कम्बाहाॽ के़जिःत्ति के़स्ये़ॽइरो॥ थे मे़ल्लुक्कम्बाहाॽरे़ खुन्छिॽ मे़ल्लुक्हाॽ कुजा चाःप्मासि मे़बोङ्ने़म्बि?
Piblisite